Ekkert til að semja um

Haft er eftir Olli Rehn, yfirmanni stækkunarmála í framkvæmdastjórn Evrópusambandsins, í þýska dagblaðinu Die Welt í dag að Íslandi yrði tekið fagnandi ef það ákveddi að ganga í sambandið, aðildarviðræður við Íslendinga myndu taka stuttan tíma og litla samninganefnd þyrfti af hálfu þess til að ræða við Íslendinga. Þetta er vitaskuld afar skiljanlegt enda yrði um sama og ekkert að semja. Í öllum aðalatriðum snerist málið um að gangast undir reglur Evrópusambandsins eða ekki.

Olli Rehn: Umsókn Íslendinga um aðild að ESB yrði fagnað

Athugasemdir

[Sigurgeir Orri Sigurgeirsson, 18.7.2007 kl. 09:51]

Vinsamlega tilkynnið Olla frá mér að ef hann vill að Evrópusambandið gangi í íslenska efnahagskerfið geti það skilað inn tilboði.

[Jónas Tryggvi Jóhannsson, 18.7.2007 kl. 13:37]

Olli bendir bara þarna á að Ísland er að mestu partur af Evrópusambandinu, og að eins og hann segir; 80% af reglum sambandsins séu innleiddar hér á landi þar sem við erum partur af innri markaðinum. Því segir hann að það þurfi bara fámennan hóp til að sjá um aðildarviðræðurnar, og það ætti ekki að taka langan tíma. Í raun segir hann aldrei að það sé ekkert að semja um, það virðist vera ykkar túlkun.

.

Það eina sem við myndum reyna að semja um eru fiskveiðarnar, því það er engin ástæða til að reyna ekki að fá einhverja undanþágu þrátt fyrir að við þurfum hana ekki. Það er því rétt hjá ykkur Heimssýnarmenn! Það er nær ekkert að semja um, við erum þegar orðinn það mikill hluti að Evrópusambandinu - þetta er bara spurning um að taka upp afganginn af reglunum.