Forsætisráðherra segir ekkert kalla á gjaldmiðilsbreytingu

"Geir H. Haarde, forsætisráðherra, sagði í Kastljósi Sjónvarpsins í kvöld, að ekkert kallaði á gjaldmiðilsbreytingu nú en talsverð umræða er um hvort ástæða sé að taka upp evru í stað krónu. Geir sagði hins vegar að sjálfsagt væri að ræða þessi mál. Geir benti einnig á, að íslensk fyrirtæki væru með gríðarmikil viðskipti í dollurum. Þannig væri t.d. ál selt í dollurum og ferðaþjónustan ætti viðskipti í dollurum. Þá væru mörg fyrirtæki með viðskipti í pundum. Sagðist Geir ekkert sjá sem kallaði á, að Íslendingar hrapi að niðurstöðu um jafn mikilvægt mál þótt eitt fyrirtæki, Straumur-Burðarás, hefði ákveðið að skrá hlutafé sitt í evrum."

Ekkert sem kallar á gjaldmiðilsbreytingu nú

Athugasemdir

[Baldur Fjölnisson, 6.9.2007 kl. 18:46]

Dollarinn mun breytast í Amero innan nokkurra ára og væntanlega verða sterkari og meira traustvekjandi gjaldmiðill en áður. Það er sjálfsagt ástæðulaust að hlaupa að neinu. Hver veit nema fasistabatterí Ameríku verði geðslegri aðili til að halla sér að en fasistamaskína Evrópu - eftir nokkur ár. Vestrænir fasistar hljóta að vera um það bil að botna og geta varla versnað meira úr þessu á meðan kollegar þeirra austanhafs eru enn að reyna að berja í gegn sitt fáræðiskerfi.