Norrænt samstarf undir hæl Evrópusambandsins

Það er merkilegt að Halldór Ásgrímsson skuli halda því fram að norrænt samstarf myndi eflast ef öll norrænu ríkin væru aðilar að Evrópusambandinu. Hvað skyldi hann hafa fyrir sér í því? Staðreyndin er nefnilega sú að reynsla þeirra norrænu ríkja, sem þegar eru aðilar að sambandinu, er allt önnur. Samvinnan á milli þeirra hefur einmitt vikið að stóru leyti fyrir aðild þeirra að Evrópusambandinu.

Þess utan færi norræn samvinna innan Evrópusambandsins ávallt fram á forsendum sambandsins og samkvæmt þeim reglum sem það setti um slíka samvinnu. T.d. gætu norrænu ríkin ekki komið á einhverju því fyrirkomulagi sín á milli sem aðeins gilti um íbúa þeirra ef það stangaðist á við reglur Evrópusambandsins, t.d. um að ekki megi mismuna íbúum sambandsins eftir þjóðerni. Norrænt samstarf innan Evrópusambandsins yrði því alltaf undir hæl sambandsins ef svo má að orði komast.

Halldór segir að norræna samstarfið muni eflast ef öll ríkin væru í ESB