Segir að Svíþjóð sé ekki lengur sjálfstætt ríki

Með því að taka þátt í kosningum til þings Evrópusambandsins, sem hefur mikil og vaxandi völd yfir sænskum málum, eru Svíar að leggja blessun sína yfir það að Svíþjóð sé ekki lengur sjálfstætt ríki heldur aðeins kjördæmi innan sambandsins. Þetta segir Johan Hakelius, dálkahöfundur hjá sænska dagblaðinu Aftonbladet, í blaðinu í dag, en kosningar til Evrópusambandsþingsins fara fram í Svíþjóð þann 7. júní nk.

Sjá nánar á heimasíðu Heimssýnar www.heimssyn.is.

ESB er klúbbur þar sem menn beygja sig undir reglurnar

Egill Helgason, Evrópusambandssinni með meiru, hefur að undanförnu setið fundi úti í Frakklandi um Evrópumál og áttað sig á því að lítill áhugi sé af hálfu Evrópusambandsins að veita Íslendingum einhverjar undanþágur frá stefnum sambandsins ef íslensk stjórnvöld sækja um inngöngu í það.

Sjá nánar á heimasíðu Heimssýnar www.heimssyn.is.

Brottkast í Norðursjó jafn mikið og landaður afli

Dönsk stjórnvöld hafa upplýst að sjómenn innan Evrópusambandsins eru taldir hafa hent jafnmiklum afla úr Norðursjó aftur í sjóinn á síðasta ári og þeir lönduðu eða 24 þúsund tonnum. Forystumenn Evrópusambandsins hafa sem kunnugt er loksins gengist við því að sameiginleg sjávarútvegsstefna sambandsins sé handónýt. Það hefur hún þó verið í fjölda ára og margoft verið bent á það og rannsóknir gerðar sem leitt hafa það í ljós.

Sjá nánar á heimasíðu Heimssýnar www.heimssyn.is.

Ráðum við ekki við að reka sjálfstætt þjóðríki?

Bjarni Harðarson velti fyrir sér því sjónarmiði á bloggsíðu sinni á dögunum sem stundum heyrist úr röðum Evrópusambandsinna að Íslendingar geti ekki stjórnað sér sjálfir og haldið úti sjálfstæðu þjóðríki. Vafalaust eru mun fleiri Evrópusambandssinnar þeirrar skoðunar og enn fleiri eru það vafalítið án þess þó að gera sér almennilega grein fyrir því.

Sjá nánar á heimasíðu Heimssýnar www.heimssyn.is.

Heimssýn stofnar Suðurlandsdeild

Heimssýn, hreyfing sjálfstæðissinna í Evrópumálum, hefur stofnað sérstakt svæðisfélag á Suðurlandi. Tekin var ákvörðun um það á opnum fundi sem samtökin héldu í Þingborg síðastliðið þriðjudagskvöld. Þar kom fram áhugi á að leggja lið baráttunni fyrir áframhaldandi fullveldi Íslands sem og áhyggjur fundarmanna af stöðu mála undir núverandi ríkisstjórn.

Sjá nánar á heimasíðu Heimssýnar www.heimssyn.is.

Munu Norðmenn fylgja í kjölfarið ef Íslendingar genga í ESB?

Heimssýn, hreyfing sjálfstæðissinna í Evrópumálum, boðar til opins umræðufundar á Háskólatorgi Háskóla Íslands (sal HT 101) þriðjudaginn 19. maí frá kl. 12:00-13:15. Framsögu hefur norski sérfræðingurinn Dag Seiersta.d Jostein Lindland, framkvæmdastjóri, svarar síðan fyrirspurnum ásamt Seierstad. Frjálsar umræður eftir því sem tíminn leyfir.

Sjá nánar á heimasíðu Heimssýnar www.heimssyn.is.

Meirihluti Dana vill ekki evru í stað dönsku krónunnar

Meirihluti Dana er andvígur því að skipta út dönsku krónunni fyrir evru samkvæmt niðurstöðum nýrrar skoðanakönnunar fyrir danska dagblaðið Jyllands-Posten og birtar voru í gær. 45,2% sögðust vilja halda í krónuna á meðan 43,6% sögðust vilja taka upp evru í hennar stað. 11,1% sögðust ekki hafa myndað sér skoðun á málinu. Þetta er í samræmi við fyrri kannanir á þessu ári.

Sjá nánar á heimasíðu Heimssýnar www.heimssyn.is.

Evrópusambandinu er ókunnugt um ástand meirihluta fiskistofna í lögsögu sinni

Framkvæmdastjórn Evrópusambandsins viðurkenndi í fyrradag að vísindamenn hefðu ekki hugmynd um ástand næstum 2/3 hluta fiskistofna í lögsögu sambandsins. Fiskistofnar í lögsögu Evrópusambandsins eru á meðal ofveiddustu fiskistofna í heiminum. Á meðan heimsmeðaltalið er um 20% eru 80% fiskistofna innan lögsögu sambandsins ofveiddir og þar af eru 30% að hruni komnir.

Sjá nánar á heimasíðu Heimssýnar www.heimssyn.is.

Samskipti Noregs og Liechtenstein við ESB áfram byggð á EES-samningnum

Stjórnvöld Noregs og Leichtenstein eru sammála um að halda áfram með samninginn um Evrópska efnahagssvæðið (EES) jafnvel þó til þess kæmi að Ísland gengi í Evrópusambandið. Þetta var niðurstaða fundar Jonas Gahr Störe, utanríkisráðherra Noregs, og Aurelia Frick, utanríkisráðherra Leichtenstein, á fundi þeirra tveggja í Madrid á Spáni í vikunni.

Sjá nánar á heimasíðu Heimssýnar www.heimssyn.is.

Össur segir regluverk ESB hafa aukið á erfiðleika Íslendinga

Í bréfi sem utanríkisráðuneytið sendi á alla breska þingmenn á dögunum með það að markmiði að útskýra stöðu íslenskra stjórnvalda gagnvart Icesave-málinu svokallaða kemur m.a. fram að ljóst sé að regluverk Evrópusambandins um fjármálastarfsemi, sem innleitt var á Íslandi í gegnum samninginn um Evrópska efnahagssvæðið (EES), hafi gert vonda stöðu Íslendinga verri.

Sjá nánar á heimasíðu Heimssýnar www.heimssyn.is.