Leita í fréttum mbl.is

Bloggfærslur mánaðarins, mars 2010

Þjóðverjar opnir fyrir því að Grikkir leiti til AGS

Fréttavefurinn Euobserver.com greindi frá því í dag að þýsk stjórnvöld hefðu skipt um skoðun og væru nú opin fyrir því að Grikkland leitaði á náðir Alþjóðagjaldeyrissjóðsins eftir efnahagsaðstoð, en Þjóðverjar hafa verið mjög tregir til þess að koma Grikkjum til bjargar. Til þessa hefur Evrópusambandið lagst alfarið gegn því að grísk stjórnvöld leituðu til AGS eða annarra aðila utan sambandsins vegna þess álitshnekkis sem óttast hefur verið að það hefði í för með sér einkum fyrir evrusvæðið.

Lesa meira


Segir evruna ekki endast nema í 15-20 ár

Einhver þekktasti frjárfestir heims Jim Rogers sagði í viðtali við CNBC fréttastofuna í dag að hann teldi allar líkur á að evran væri ekki gjaldmiðill til framtíðar og dagar hennar yrðu taldir eftir 15-20 ár. Rogers minnti á að áður hefðu verið gerðar tilraunir með myntbandalög eins og evrusvæðið en þær hefðu allar runnið út í sandinn. Það sama yrði niðurstaðan með evruna.

Lesa meira


Segir tilgang EMF að hjálpa ríkjum að yfirgefa evrusvæðið

Wolfgang Münchau, aðstoðarritstjóri breska viðskiptablaðsins Financial Times, fjallaði um þá hugmynd nýverið í pistli í blaðinu að setja á laggirnar sérstakan gjaldeyrissjóð á vegum Evrópusambandsins (European Monetary Fund) sem starfaði á hliðstæðum nótum og Alþjóðagjaldeyrissjóðurinn. Heldur hann því fram að tilgangurinn með slíkum gjaldeyrissjóð yrði fyrst og fremst sá að hjálpa illa stöddum evruríkjum að yfirgefa evrusvæðið.

Lesa meira


Evra byggð á lygi

Forsíða nýjasta tölublaðs þýska vikuritsins Der Spiegel skartar mynd af bráðnandi einnar evrumynt undir fyrirsögninni "Die Euro-Lüge" eða Evrulygin. Inni í vikuritinu er að finna langa og ítarlega umfjöllun um stöðu evrusvæðisins og þá alvarlegu grundvallargalla sem eru á því. Bent er á að sú ákvörðun að setja evruna á laggirnar á sínum tíma hafi verið vanhugsuð og hafi fyrst og fremst verið pólitísk en ekki byggð á efnahagslegum forsendum.

Lesa meira


Grikkjum bjargað eða ekki bjargað?

Enn liggur ekki fyrir hvernig Evrópusambandið hyggst bregðast við gríðarlegum efnahagsvandræðum Grikklands en Grikkir eru sem kunnugt er á barmi gjaldþrots þrátt fyrir að vera ekki aðeins innan sambandsins heldur einnig með evru sem gjaldmiðil. Ýmsar fréttir hafa frá áramótum borist af því að önnur ríki Evrópusambandsins hefði í hyggju að koma Grikkjum til bjargar en þær hafa jafn harðan verið bornar til baka.

Lesa meira


Íslendingar greiddu meira til ESB en þeir fengju til baka

Talsmaður sendinefndar þýskra þingmanna sem stödd er hér á landi til þess að kynna sér aðstæður í tengslum við umsóknina um inngöngu í Evrópusambandið, Michael Stübgen, lét þess getið í samtali við Fréttablaðið í gær að Ísland væri kærkomið inn í sambandið af ýmsum ástæðum. Sagði hann það sérstaklega gleðilegt þegar ríki gengu í Evrópusambandið sem greiddu meira til þess en þau fengju til baka eins og raunin yrði í tilfelli Íslands.

Lesa meira


Ólíklegt að ESB-umsóknin verði tekin fyrir í lok mánaðarins

Nær engar líkur eru á því að umsókn íslenskra stjórnvalda um inngöngu í Evrópusambandið verði tekin fyrir á fundi ráðherraráðs sambandsins síðar í þessum mánuði eins og til stóð. Þetta segja þýskir þingmenn sem staddir eru hér á landi til þess að kynna sér aðstæður í tengslum við umsóknina, en greint var frá þessu í kvöldfréttum Ríkissjónvarpsins í gær.

Lesa meira


Hollendingar hóta að beita sér gegn ESB-umsókninni

Forystumenn í hollenskum stjórnmálum hótuðu því í gær að beita sér m.a. gegn umsókn íslenskra stjórnvalda um inngöngu í Evrópusambandið ef Íslendingar færu ekki eftir "alþjóðlegum skuldbindingum sínum" í Icesave-deilunni. Komst meirihluti neðri deildar hollenska þingsins að þeirri niðurstöðu að innganga Íslands í sambandið kæmi ekki til greina að óbreyttu.

Lesa meira


Hvetur ESB til þess að hafna aðildarumsókn Íslands

Einn helsti sérfræðingur franska dagblaðsins Libération í Evrópumálum, Jean Quatremer, hvetur Evrópusambandið til þess að hafna aðild Íslands að sambandinu í nýlegum pistli á heimasíðu sinni en síðan er mikið lesin af stjórnmálamönnum og embættismönnum sambandsins. Quatremer segir ljóst að Íslendingar vilji ekki í Evrópusambandið, inngöngu landsins yrði örugglega hafnað í þjóðaratkvæði og það fæli í sér hættu á álitshnekki fyrir sambandið að halda ferlinu áfram.

Lesa meira


« Fyrri síða

Heimssýn

Heimssýn

hreyfing sjálfstæðissinna í Evrópumálum, eru þverpólitísk samtök þeirra sem telja hagsmunum Íslendinga best borgið með því að halda áfram að vera sjálfstæð þjóð utan Evrópusambandsins.

 

Sími 895 5334 (Haraldur Ólafsson, formaður)


Nánar um Heimssýn

Vertu með!

Frjáls framlög

Eldri færslur

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (28.3.): 123
  • Sl. sólarhring: 132
  • Sl. viku: 2368
  • Frá upphafi: 1112153

Annað

  • Innlit í dag: 105
  • Innlit sl. viku: 2116
  • Gestir í dag: 100
  • IP-tölur í dag: 98

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband