Ættjörðin við Austurvöll

Ættjarðarsöngvar voru undirleikur mótmælanna við Austurvöll í morgun. ,,Ísland er landið," var sungið hástöfum í þann mund sem meirihlutinn frá 16. júlí 2009 faldi sig á bakvið lögreglufylgd.

Ríkisstjórnarmeirihlutinn á alþingi starfar ekki í þágu þjóðarhagsmuna. Jóhanna Sigurðardóttir og Steingrímur J. Sigfússon tala ekki fyrir meirihluta Íslendinga.

Þjóðarhagsmunir voru tónaðir á Austurvelli en innan veggja steinhússins starfar meirihluti með lokuð skilningarvit.

Eggjum kastað í þingmenn

Dollar og evra og veðmálið um ESB

Skuldakreppa Bandaríkjanna snýr að alríkisstjórninni í Washington og samskiptum þings og forseta. Þótt áhrifin af niðurstöðu þrátefli löggjafa og framkvæmdavalds í Bandaríkjunum verði alþjóðleg er deilan sjálf bandarískt innanríkismál.

Skuldakreppa evru-ríkjanna er í eðli sínu milliríkjadeila þar sem í  húfi er til muna meira en ríkisfjármál einstakra ríkja.

Stofnað var til evrunnar til að þvinga fram ríkjasamruna innan vébanda Evrópusambandsins. Núna er komið að augnablikinu þar sem verður að hrökkva eða stökkva. Þeir sem vilja stökkva segja einstakt tækifæri til að setja saman Stór-Evrópu úr þeim 17 ríkjum sem mynda evru-samstarfið. Efasemdarmenn segja almenning í þjóðríkjunum ekki tilbúinn í nýtt yfirþjóðríki.

Þegar skuldakreppunni lýkur verða Bandaríkin á sínum stað. Aftur ríkir óvissa um hvort Evrópusambandið lifir kreppuna af. Um það keppast markaðir að veðja um.