Evrópuherinn leitar að húsnæði

Lamandi evruvandinn er svo alvarlegur að hann hefur skyggt á flestar aðrar fréttir úr Evrópusambandinu, vikum saman.

Meðal annars fréttir af árformum um sameiginlega hernaðarmiðstöð (EU military headquarters). Áform sem þó eru komin á rekspöl. Fimm af stærstu ríkjum Evrópusambandsins vilja nú setja á stofn sameiginlegan her.

Af stærstu ríkjunum eru aðeins Bretar á móti, en þar í landi er mikið rætt um að „endurheimta fullveldið" sem hefur lekið til Brussel á löngum tíma. Trúlega er andstaða Breta lituð af því.

Það var ekki lítið ráðist á bændur, þegar þeir sögðust ekki vilja að íslensk ungmenni ættu á hættu að vera kölluð í ESB-herinn í framtíðinni. Þá var því vísað á bug af aðildarsinnum sem fjarstæðu. En nú er herinn kominn á dagskrá í fullri alvöru, þótt fréttir af því rati ekki inn í fréttatíma RÚV. Enginn veit hver niðurstaðan verður.

Áhyggjur bænda voru hreint ekki út í loftið.

Meira að segja stjórnlagaráðið kveikti á perunni og setti bann við herskyldu íslenskra ungmenna inn í tillögu sína að nýrri stjórnarskrá.

(Tekið héðan.)

Jó-jó aðlögunarviðræður Össurar

Þegar umsókn Samfylkingar um aðild Íslands að Evrópusambandinu var samþykkt naumlega á alþingi 16. júlí 2009 átti ferlið fram að samningi aðeins taka um 16 mánuði. Síðan eru liðnir 27 mánuðir og ekkert bólar á samningi.

Össur Skarphéðinsson utanríkis kemur ýmist í fjölmiðla og tilkynnir hægagang í ferlinu, og kennir iðulega Jóni Bjarnasyni sjávarútvegs- og landbúnaðarráðherra, um að þverskallast við kröfum Evrópusambandsins og bera sök á töfinni, eða að fljúgandi gangur sé á málinu og niðurstaða handan við hornið.

Eftir fund með þýska utanríkisráðherranum í gær endurtekur Össur að viðræðum sé um það bil að ljúka. Aðeins er rúmur mánuður síðan að Evrópusambandið tilkynnti Össuri að ekki yrðu viðræður hafnar um landbúnaðarmál fyrr en Íslendingar aðlöguðu sig að laga- og regluverki Evrópusambandsins í málaflokknum.

Hvorki samfylkingarhluti ríkisstjórnarinnar né Evrópusambandið hafa áhuga á að fá nei í þjóðaratkvæðagreiðslu. Þess vegna verður enginn samningur tilbúinn í fyrirsjáanlegri framtíð.

Skrifum undir hjá skynsemi.is og hjálpum alþingi að komast að réttri niðurstöðu og leggja aðildarumsóknina til hliðar.

Rétt tímasetning á gjaldþroti Grikkja

Í sumar tókst samkomulag um að grískar ríkisskuldir yrðu afskrifaðar um 21 prósent og landinu veitt lán til að komast á beinu brautina. Í dag er talið að til að Grikkland eigi minnsta möguleika á að rétt úr kútnum verðið að afskrifa 50 til 60 prósent skuldanna.

Evrópska bankakerfið þolir ekki stóra afskrift á grískum skuldum og þess vegna verður að vinna tíma með smáskammtalækningum.

Þegar loksins verður tekin ákvörðun um afdrif Grikklands verður skuldavandinn búinn að grafa um sig á öðrum stöðum, t.d. Spáni og Ítalíu.

Evran í höndum Þjóðverja og Frakka

Sarkozy Frakklandsforseti og Merkel kanslari Þýskalands ráða framtíð myntsamstarfs evrunnar þar sem 17 þjóðir eiga i hlut. Fundur leiðtoganna tveggja um framtíð evrunnar undirstrikar valdahlutföllin í kjarnasamstarfi ESB-ríkjanna.

Hvort sem lukkast að bjarga evru-samstarfinu eða ekki mun Evrópusambandið taka stökkbreytingu. Engin ný ríki munu í fyrirsjáanlegri framtíð ganga til liðs við evru-samstarfið. Það felur í sér að Bretland, Svíþjóð og Danmörk verða ekki hluti af samrunaþróun sem nauðsynleg er til að skjóta stoðum undir evruna.

Bretar eru líklegir til að nota tækifærið þegar grunnsáttmáli ESB verður endurskoðaaður og krefjast tilbaka valdheimilda sem hafa flust til Brussel á síðustu áratugum, t.d. á sviði félagsmála og atvinnumála.

Ef á annað borð tekst að halda evru-samstarfinu gangandi verður það í formi meginlandsbandalags þar sem eyþjóð á Atlantshafi á ekki heima.

Skrifum undir hjá skynsemi.is

Merkel og Sarkozy funda um skuldakreppuna

Óbreytt Evrópusamband stenst ekki

Financial Times segir frá því að helstu samtök atvinnurekenda í Þýskalandi, Frakklandi og Ítalíu hvetji til aukins samruna Evrópusambandsins. Innifalið er nýr sáttmáli sem auki miðstýringu á efnahagskerfum sambandsins.

Angela Merkel kanslari  Þýskalands er sögð styðja tillögu Hollendinga um sérstakan evru-ráðherra í framkvæmdastjórn Evrópusambandsins.

Evrópuvaktinhefur eftir áhrifamesta tímariti Evrópusambandsins, Der Spiegel, að ráðamenn í álfunni átti sig æ betur á því að evru-samstarfið sé ekki á vetur setjandi.

Æ betur kemur á daginn að Evrópusambandið stendur frammi fyrir áskorunum sem annað tveggja munu valda því að sambandið liðist í sundur eða að til verður Stór-Evrópa með sameiginlegu ríkisvaldi.

Ísland ætti ekki að setja sín mál í hendur ráðamanna í útlöndum sem vita ekki í hvorn fótinn þeir eiga að stíga. Skrifum undir hjá skynsemi.is og leggjum þeim lið sem vilja að umsókn Íslands verði lögð til hliðar.

Lagarde fundar með Sarkozy

ESB ætlar að mýkja okkur

Evrópusambandið áttar sig á þeim vandræðum sem umsókn Samfylkingarinnar um aðild Íslands að Evrópusambandinu hefur ratað í. Til er að verða ný áætlun hjá embættismönnum í Brussel sem gengur út á að kaupa fylgi Íslendinga með sértækum aðgerðum.

Þegar nógu margir hafa þegið nógu mikið fé frá Brussel er verður farið hratt yfir sögu í aðlögun og Íslendingum gert tilboð sem þeir geta ekki hafnað.

Eina leiðin fyrir okkur að hafa stjórn á atburðarásinni er að leggja umsóknina til hliðar. Látum skynsemina ráða.

Erfiðustu kaflarnir ekki opnaðir á næstunni

ESB-rányrkja á fiskimiðum

Sjávarútvegsstefna Evrópusambandsins leyfir rányrkju á fiskistofnum og elur á spillingu þar sem skattfé er notað til að fjármagna ofveiði. Greinarflokkur alþjóðlegra blaðamannasamtaka afhjúpar eðli og inntak sjávarútvegsstefnu Evrópusambandsins undir heitinu Rányrkja á höfunum (Looting the Seas).

Evrópusambandið ræður yfir fiskveiðilandhelgi aðildarríkja sinna og ákveður heildarveiði sem og reglur um hvernig skuli staðið að veiðum. Sjávarútvegur fellur undir landbúnað hjá Evrópusambandinu og er niðurgreiddur í stórum stíl.

Spánverjar eru með hvað stærsta úthafsveiðiflota Evrópusambandsríkja. Í greinarflokknum eru rakin dæmi um samhengi ofveiði, niðurgreiðslna og spillingu sem gagngert má rekja til sjávarútvegsstefnu Evrópusambandsins.

Ef Ísland yrði aðili að Evrópusambandinu myndi sjávarútvegsstefna sambandsins taka yfir lögsögu fiskveiðilandhelgi Íslands.

Lýðræðið og ESB-umsóknin

Í stefnuræðu sinni á mánudagskvöld sagði Jóhanna Sigurðardóttir að umsókn Íslands um aðild að Evrópusambandinu nyti stuðnings þjóðarinnar. Svo er ekki, - 64,5 prósent þjóðarinnar er andvígur aðild samkvæmt skoðanakönnun Gallup.

Lýðræðislegt umboð utanríkisráðherra fyrir umsókninni var veikt frá upphafi. Aðeins einn flokkur hafði aðild að Evrópusambandinu á stefnuskrá sinni við síðustu kosningar, Samfylkingin, og fékk rúm 29 prósent atkvæða. Þegar þingsályktun um að sækja um var borin undir alþingi samþykktu 33 þingmenn en 28 voru andvígir og tveir sátu hjá.

Tillaga Vigdísar Hauksdóttur og fleiri þingmanna um þjóðaratkvæðagreiðslu um framhald viðræðu- og aðlögunarferlis Íslands að Evrópusambandinu hlýtur að vera fagnaðarefni fyrir Jóhönnu Sigurðardóttur forsætisráðherra og aðra aðildarsinna.

Þjóðin fær tækifæri til að segja af eða á um umsóknina. Verði já-ið ofaná er komið lýðræðislegt umboð fyrir umsókn ellegar verður umsóknin afturkölluð.

Þjóðaratkvæði um framhald umsóknarinnar um aðild að Evrópusambandinu er sanngjörn málamiðlun milli stríðandi fylkinga.

 

Vilja atkvæðagreiðslu um framhald aðildarviðræðna

Einn dagur enn í evru-eymd

Grikkland getur ekki borgað skuldir sínar. Evrópusambandið ætlar ekki að borga grískar skuldir. Eina leið Grikklands er gjaldþrot. Hvað gerir elítan í Brussel? Jú, hún þvertekur fyrir það að Grikkland fari í gjaldþrot.

Heimurinn stendur frammi fyrir efnahagskreppu, sem að nokkrum hluta stafar af óvissu um framtíð evru-samstarfs þeirra 17 ríkja sem það mynda. Með því að útiloka ein færu leiðina, sem er grískt gjaldþrot, er óvissunni viðhaldið.

Evrópusambandið stendur á bjargbrúninni og er með hagkerfi heimsins í gíslingu.

Juncker: Ekki hætta á grísku greiðslufalli

Vinstri grænir ESB-klækir

Vinstrihreyfingin grænt framboð gekk til kosninga vorið 2009 með þá stefnuyfirlýsingu að Íslandi væri betur borgið utan Evrópusambandsins en innan þess. Til að undirstrika vilja Vinstri grænna í málinu var sett klausa í landsfundarsamþykkt veturinn 2009 sem mátti skilja sem svo að þjóðaratkvæðagreiðsla væri forsenda þess að nokkrar breytingar yrðu á stefnu flokksins. 

Samþykkt landsfundar Vinstrihreyfingarinnar græns framboðs frá í mars 2009 um Evrópumál hljóðar í heild sinni svona

 

Vinstrihreyfingin - grænt framboð telur nú sem fyrr að hagsmunum Íslands sé best borgið utan Evrópusambandsins.  Sjálfsagt er og brýnt að fram fari opin og lýðræðisleg umræða um samskipti Íslands og sambandsins. Landsfundur VG leggur áherslu á að aðild íslands að ESB eigi að leiða til lykta í þjóðaratkvæðagreiðslu. Landsfundur telur mikilvægt að fyrirkomulag þjóðaratkvæðagreiðslu fái rækilega umræðu og að hliðsjón verði höfð af væntanlegum stjórnarskrábreytingum og hvað eðlilegt getur talist þegar afdrifaríkar ákvarðanir eru teknar um framsal og fullveldi.

Forysta Vinstri grænna og meirihluti þingflokks sveik þessa samþykkt þann 16. júlí 2009 þegar þeir höfnuðu fyrirliggjandi tillögu á alþingi um að þjóðaratkvæðagreiðsla yrði um það hvort Ísland ætti að sækja um aðild að Evrópusambandinu.

Þorri þingflokks samþykkti á hinn bóginn tillögu Össurar Skarphéðinssonar um að sækja um aðild að Evrópusambandinu. Umsóknin er um aðlögunarferli þar sem Ísland er smátt og smátt tekið inn í Evrópusambandið með innleiðingu laga- og regluverks ESB á meðan viðræður standa yfir. Leið aðlögunar er eina leiðin inn í Evrópusambandið.

Þingflokkur Vg getur bætt ráð sitt með því að styðja tillögu Vigdísar Hauksdóttur alþingismanns um að efnt verði til þjóðaratkvæðgagreiðslu um það hvort halda skuli aðlögunarviðræðum áfram eða afturkalla umsóknina.