Þýskaland leggur ESB á hilluna

Evru-samstarfið verður tekið út úr laga- og reglugerðarramma Evrópusambandsins og fært undir milliríkjasamstarf undir forystu Þjóðverja. Þetta liggur fyrir eftir að Bretland beitti neitunarvaldi gegn því að Lissabon-sáttmála ESB yrði breytt til að færa valdheimildir frá aðildarríkjum til Brussel.

Þjóðverjar í félagi við nánustu bandamenn sína á evru-svæðinu, Frakka, ákváðu að efna til milliríkjasamstarfs um ríkisfjármál til að sniðganga neitunarvald Breta.

Af 27 þjóðum Evrópusambandsins eru 17 í evru-samstarfi. Fullkomlega óljóst er hve margar þjóðir utan evru-samstarfsins munu taka þátt í fyrirhuguðu ríkisfjármálasamstarfi.

Ísland er með umsókn í Evrópusambandið en það er ekki lengur sama sambandið og við sóttum um sumarið 2009.

Umrót kallar á endurmat

Bretar neituðu að fórna fullveldinu

Evrulöndin 17 auk sex annarra ríkja munu gera með sér milliríkjasamninga um ríkisfjármálasamband þar sem miðstýring verður á fjarlögum hvers þjóðríkis. Evrópusambandið er ekki aðili að þessu ríkisfjármálasambandi þar sem Bretar beittu neitunarvaldi sínu innan sambandsins, sem telur 27 ríki.

Bretar kröfðust þess að fá tryggingar fyrir því að fullveldi þeirra til að setja lög og reglur um fjármálaviðskipti í Bretlandi yrði virt. Frakkar og Þjóðverjar neituðu að veita slíka tryggingu og beittu Bretar því neitunarvaldi.

Stofnanir Evrópusambandsins geta að óbreyttu ekki tekið þátt í nýju ríkisfjármálasambandi sem myndað er um evru-samstarfið. Skapandi lögfræði þarf til að framkvæmdastjórnin eigi aðild að ríkisfjármálasambandinu. En það var einmitt skapandi bókhald í ríkisfjármálum Grikkja sem hratt skuldakreppunni úr vör. Skapandi lausnir á djúptækum kerfisvanda eru hættulegar.

Evrópusambandið sem Ísland sótti um árið 2009 er ekki lengur til.

„Erfið en góð ákvörðun"

Umræðuleysi aðildarsinna

Áhugamenn um aðild Íslands að Evrópusambandinu keppast við að þegja um þær áskoranir sem Evrópusambandið stendur frammi fyrir. Þögn um tillögur Merkel og Sarkozy að breyta Evrópusambandinu, annað hvort í heild sinni eða evru-hlutanum einum, í ríkisfjármálabandalag sýnir að aðildarsinna á Íslandi eru ekki með í umræðunni.

Umræðuleysi aðildarsinna verður ekki skýrt á annan veg en þann að þeir eru ekki með neina sannfæringu fyrir málstaðnum

Tromp aðildarsinna var evran. Þeir sem núna mæla evrunni bót eru brandarakarlar sem enginn tekur mark á.

Eitraðar eignir evrópskra banka

Bretar hóta að beita evru-ríki neitunarvaldi

Forsætisráðherra Bretlands, David Cameron, hótar að beita neitunarvaldi gegn breytingum á sáttmálum Evrópusambandsins ef ekki verði tryggt að stóru ríkin, Þýskaland og Frakkland, láti vera að knýja fram íþyngjandi reglur fyrir fjármálastarfsemina í London.

Þjóðverjar og Frakkar eru gagnrýnir á þátt fjármálakerfisins í tilurð skuldakreppunnar og vilja koma á sérstökum fjármálaskatti. Bretar telja slíkan skatt beina atlögu að sér þar sem London er fjármálamiðstöð Evrópusambandisns.

Hótanir og gagnhótanir eru að verð daglegt brauð skuldakreppunni sem umlykur evruland.

Hótun Standard & Poor um að lækka lánshæfismat evrulands rétt fyrir neyðarfund leiðtoga Evrópusambandsins er stríðsyfirlýsing  bandaríska fjármálakerfisins gegn Evrópusambandinu. Bandaríkin vilja að ESB leysi skuldavanda sinn með engilsaxnesku leiðinni, - að prenta peninga.

Á þessa leið greinir helst dagblað Þýskalands, Frankfurter Allgemeine, hótun bandaríska matsfyrirtækisns.

Evrópski Seðlabankinn er ekki lánveitandi til þrautavara og ekki er heimilt samkvæmt gildandi sáttmálum ESB að leysa kaupa evru-ríki undan gjaldþroti.

Bresk-bandarískur þrýstingur á Þýskaland og Frakkland gæti leitt til þess að evru-ríkin 17 kljúfi sig úr Evrópusambandinu og stofni til kjarnasamstarfs. Tveggja þrepa Evrópusamband yrði niðurstaðan.

(Byggt á þessu bloggi.)

Einungis sáttmáli fyrir evrusvæðið?

Evrunni skipt út fyrir krónur

Vantrú á evrunni vex og fjölmiðlar segja frá því að almenningur í evurlöndum er kaupi norskar krónur fyrir evrur, til að tryggja fyrir skaða vegna hruns gjaldmiðilsins. Engin lausn er í sjónmáli á skuldakreppu evrulands. Leiðtogafundur Merkel kanslara Þýskalands og Sarkozy Frakklandsforseta í gær skilaði ekki þeim árangri sem að var stefnt.

Í lok vikunnar hittast leiðtogar Evrópusambandsins og ræða tillögur Merkel og Sarkozy um ríkisfjármálabandalag. 

Aðeins 17 af 27 aðildarríkjum Evrópusambandsins mynd evruland, gjaldmiðlasamstarfið um evruna. Til að bjarga evru-samstarfinu úr skuldakreppunni þarf að hafa hraðar hendur og breyta stofnsáttmála ESB.

Merkel kanslari Þýskalands og Sarkozy Frakklandsforseti hótuðu þjóðunum tíu, sem standa utan evrulands, að standi þau gegn breytingum á stofnsáttmála ESB munu evrulöndin kljúfa sig frá sambandinu.

Samkvæmt þýskum fjölmiðlum vilja þessi ráðandi öfl keyra sáttmálabreytingu í gegn fyrir mars á næsta ári. Það telst hraðferð í stjórnkerfi ESB.

Sáttmálabreyting á að auðvelda inngrip í ríkisfjármál evruríkja og tyfta þau ríki sem  ekki halda sér innan fjárlagaramma. 

Með því að stilla ríkjum eins og Bretlandi, Póllandi og Svíþjóð upp við vegg og hóta klofningi nema gegnið sé að kröfum um fullveldisframsal eru Þjóðverjar og Frakkar að taka verulegu áhættu. Örþrifaráðin eru til marks um hve nálægt hruni evruland stendur. 

(Byggt á þessari færslu.)

 

Allt evrusvæðið á athugunarlista

ESB steypist í efnhagslegt svarthol

Banka og ríkissjóðir eru gjaldþrota í Evrópusambandinu vegna þess að skuldafjallið sem tíu ára evru-tilraun hefur búið til sligar efnahagskerfi ríkjanna sem lokuð eru inn í sambandinu. Neikvæður hagvöxtur á Ítalíu kemur í kjölfar frétta um kælingu á efnahagsstarfseminni í Frakkalandi. Um lönd eins og Grikkland, Portúgal og Spán þarf ekki að ræða.

Skuldafjallið verður erfiðara að fást við þegar enginn hagvöxtur er. Framundan er áratugur ólgu og óreiðu í Evrópusambandinu þar sem tekist verður á um hverjir skulu borga skuldir misheppnaðrar evru-tilraunar.

Og svo er það auðvitað þetta lítilræði að ,,vinda ofan af" evru-tilrauninni, sem gæti tekið smá tíma.

Stefnir í samdrátt á Ítalíu

Viðtal við Jón Bjarnason: berst fyrir hugsjónum VG

,,Ég hef í mínu pólitíska starfi talið mig hafa fullan rétt til að halda fram mínum sjónarmiðum í þessu máli (þ.e. ESB-umsókninni, innskot hér) og mun gera það áfram. Þar vinn ég eftir stefnu míns flokks og hef til þess sama rétt og þeir sem tala fyrir aðild en stefna flokkanna tveggja er gerólík í þessum málum. Ég ætlast til að samþingsmenn mínir í stjórnarliði virði þann sáttmála sem gerður hefur verið. Burtséð frá þessu vinnum við öll að umsókninni eins og Alþingi hefur lagt fyrir en við verðum líka að hafa hugfast að í þingsályktun Alþingis eru gerðir sterkir fyrirvarar sem skilyrða umsóknarferlið."

Á þessa svarar Jón Bjarnason sjávarútvegs- og landbúnaðarráðherra spurningu um afstöðu sína til aðildarumsóknar samfylkingarhluta ríkisvaldsins til Evrópusambandsins.

Samfylkingin sækir hart að Jóni og krefst afsagnar hans. Viðtalið i heil er að finna á nýju bloggi um Evrópusambandið og almannahag.

Pólitísk fjárkúgun í ESB-fiskveiðum

Fiskveiðistefna Evrópusambandsins líkist meira rússneskri rúllettu en heilbrigðri stefnumótun, segir í grein í EU-Observer. Fiskveiðistefna Evrópusambandsins er eitt allsherjarklúður ofveiða, offjárfestinga og misheppnaðra umbóta.

Greinin veitir innsýn í kannsellískt svarthol vanhæfra embættismanna sem í fílabeinsturni í Brussel taka ákvarðanir sem byggja ekki á vísindalegum gögnum heldur lúta lögmálum pólitískrar fjárkúgunar þar sem gögnum er vísvitandi haldið leyndum. Eins og segir í greininni

Lack of scientific data is paralyzing the EU fisheries decision making process. Withholding data has become a political bargaining chip for EU Member States; without data the scientific bodies cannot provide advice, which increases the chance for the member states to get the quota they want.

Inn í þetta kerfi spillingar vill Samfylkingin setja íslenskan sjávarútveg. Munu íslenskri kjósendur lengi enn greiða atkvæði sitt til stjórnmálaflokks sem spilar rússneska rúllettu með grundvallarhagsmuni íslensku þjóðarinnar?

Aðlögunarpeningar eru skiptimynt

Aðild að Evrópusambandinu mun kosta Ísland um 23 milljarða króna árlega í framlög á ábyrgðir. Peningar sem Evrópusambandið býður til aðlögunar Íslands að lögum og reglum ESB eru skiptimynt í þessu samhengi.

Sérlög sem fjármálaráðherra Vinstri grænna mælir fyrir þrátt fyrir skýlausar samþykktir flokksins um að ekki skuli tekið við aðlögunarstyrkjum opna fyrir fjármuni sem ekki eiga að lúta íslenskum reglum og lögum.

Með því að afturkalla umboðslausa umsókn aðildarsinna munum við spara okkur milljarða og halda auk þess fullveldinu. Þarf eitthvað að ræða þetta frekar?

„Þetta er bara galið“

Dollarinn bjargar evrunni - í einn dag

Aðgerðir Seðlabanka Bandaríkjanna í gær til að auðvelda fjármögnun evrópskra banka höfðu áhrif í einn dag. Eftir sem áður er evruland í óleystri skuldakreppu sem verður sífellt dýrara að losna út úr. Olli Rehn fjármálastjóri Evrópusambandsins sagði aðeins tíu daga til stefnu til að bjarga evrunni og þar með ESB.

Rehn og framkvæmdastjórnin í Brussel vilja að Evrópski seðlabankinn leiði evruland úr skuldakreppunni með ódýru lánsfé til gjaldþrota banka og óreiðuríkja í Suður-Evrópu. Otmar Issing, einn af höfundum evrunnar, skrifaði síðast í gær í Financial Times að slík ráðstöfun fæli í allherjargjaldþort allra 17 þjóðríkja evrulands þar sem botnlaus eftirspurn yrði eftir lánsfé en greiðsluvilji enginn.

Evran er dauðadæmdur gjaldmiðill. Spurningin er aðeins hvort dauðastríðið verður skammvinnt eða dragist á langinn.

Rólegt í evrópskum kauphöllum