ESB andstæðingur vinsælastur ráðherra

Jón Bjarnason ráðherra landbúnaðar og sjávarútvegs er vinsælasti ráðherrann í kjörklefa Útvarps Sögu. Af rúmlega 500 svörum fékk Jón Bjarnason 40 prósent atkvæða. Jón Bjarnason er hvað öflugasti andstæðingur aðilar Íslands að Evrópusambandinu í ríkisstjórninni.

Næst vinsælasti ráðherrann samkvæmt sömu könnun er einnig andstæðingur aðildar, Ögmundur Jónasson.

Þjóðin veit hvaða ráðherrum má treysta.

ESB-umsóknina á að draga tilbaka

Þrír stjórnmálaflokkar af fjórum á alþingi eru með þá yfirlýstu stefnu að hagsmunum Íslands sé betur borgið utan Evrópusambandsins en innan þess. Aðeins Samfylkingin vill inn í Evrópusambandið og sá flokkur fékk 29 prósent atkvæða í síðustu þingkosningum.

Meirihluti þjóðarinnar er andvígur inngöngu í Evrópusambandið samkvæmt ítrekuðum mælingum.

Ástæðan fyrir því að umsókn var send til Brussel 16. júlí 2009 er að nokkrir þingmenn Vinstri grænna sviku nýgefin kosningaloforð.

Á grunni þessara svika vilja aðildarsinnar eins og Egill Helgason halda umsókninni til streitu.

Aðrir aðildarsinnar, eins og Þorsteinn Pálsson, viðurkenna það sem öllum ætti að vera ljóst að umsókn jafngildir ósk um inngöngu.

Hvorki þing né þjóð æskja inngöngu í Evrópusambandið. Af því leiðir að Ísland á að draga tilbaka umsóknina um aðild að Evrópusambandinu.

Evrusvæðið í ljósum logum - Jóhanna þangað

Neyðarfundir eru í annarri hverri höfuðborg evru-ríkjanna 17.  Grikkir eru í reynd gjaldþrota en enginn þorir að viðurkenna það af ótta við raðgjaldþrot á evrusvæðinu. Spiegel segir frá vaxandi spennu milli þýskra stjórnvalda og Evrópska seðlabankans. Bíða og biðja er taktík dagsins, segir dálkahöfundur Telegraph en dómsdagur evrunnar verður ekki umflúinn.

Á Íslandi situr í stól forsætisráðherra kona sem skilur ekki útlensku og boðar evruna sem bjargvætt efnahagslífsins á Íslandi - og Samfylkingarinnar í leiðinni.

Brandarinn er ekki fyndinn.

Reynt að bjarga Grikkjum frá greiðsluþroti

Enginn vill með Jóhönnu í ESB-leiðangur

Formaður Samfylkingarinnar bauðst til að leggja flokkinn niður í gær og stofna nýjan með aðildarsinnum í Sjálfstæðisflokknum og Framsóknarflokki. Sjálfstæðismenn hver um annan þveran segja nei takk.

Ragnheiður Ríkharðsdóttir afþakkar.

Þorsteinn Pálsson segir nei takk.

Halldór Halldórsson aftekur með öllu samstarf við Jóhönnu og Samfylkinguna.

Niðurstaða: Samfylkingin sekkur ein og yfirgefin með vanhugsaðasta pólitíska leiðangur lýðveldissögunnar.

Samfylkingin á hnjánum

Stórflótti er brostinn á liðsmenn Samfylkingar og flokkurinn stendur einangraður á alþingi. Almennir félagsmenn hafna Evrópustefnu flokksins og aðrir stjórnmálaflokkar eru með skýra stefnu gegn aðild Íslands að Evrópusambandinu.

Undir þessum kringumstæðum biður Jóhanna Sigurðardóttir um liðstyrk úr Framsóknarflokki og Sjálfstæðisflokki. Jóhanna er tilbúin að breyta nafni Samfylkingar, skipulagi og forystu.

Samfylkingin er að verða að ruslahrúgu íslenska flokkakerfisins.

Við grátum þurrum tárum.

„Lyktar af örvætningu“

Aðildarsinnar og þjóðin

Tvískinnungurinn í aðdraganda umsóknar Íslands að Evrópusambandinu, þar sem þingmenn Vinstri grænna sögðust styðja umsókn en ekki aðild, leiðir til mótsagna í málflutningi aðildarsinna. Þorsteinn Pálsson segir eftirfarandi í viðtali á Eyjunni

Ég ætla engum þingmanni að vita ekki hvað felst í því að sækja um aðild að Evrópusambandinu. Ákvörðun Alþingis felur í sér að Ísland stefnir að aðild.

Samkvæmt skilgreiningu Þorsteins í Eyjuviðtalinu hlýtur spurningin að vera hvort við eigum að stefna á aðild með því að halda viðræðum áfram eða draga umsóknina tilbaka þar sem hvorki er stuðningur á þingi né meðal þjóðarinnar að Ísland verði aðili að Evrópusambandinu. En nei, málið er ekki svo einfalt í augum aðildarsinna. Sami Þorsteinn Pálsson skrifar dálk í Fréttablaðið, endurbirtur á Vísi, þar sem spurningin um aðild er aukaatriði en viðræðurnar aðalatriðið. 

Eftir stendur eins og áður að þjóðin getur ekki tekið endanlega afstöðu fyrr en fyrir liggur hvernig viðræðum lyktar.

Aðildarsinnar telja sig geta verið fylgjandi aðild á grundvelli almennrar þekkingar á Evrópusambandinu. Aðildarsinnar telja aftur á móti að almenningur geti ekki verið á móti aðild fyrr en samningur liggur fyrir.

Aðildarsinnar vilja hafa vit fyrir þjóðinni - þess vegna verða þeir alltaf í minnihluta.

Össur í Hálsaskógi

Utanríkisráðherra skrifar grein í Fréttablaðið í dag til að útskýra að Ísland eigi að ganga inn í Evrópusambandið til að beita sambandinu fyrir hagsmuni Íslands á norðurslóðum. Össur Skarphéðinsson segir ESB eiginlega ekki hafa áhuga á norðurslóðum nema í saklausu samhengi. ,,Áhugi ESB hefur sprottið einkum af umhyggju fyrir náttúru og loftslagi," skrifar utanríkisráðherra lýðveldis sem vill láta taka sig alvarlega.

Össur telur Evrópusambandið bíða eftir tækifæri til að hjálpa Íslandi á norðurslóðum.

Á leikvangi alþjóðamála er sambandið einn öflugasti málsvari loftslagsverndar og þéttra alþjóðareglna um siglingar og mengunarvarnir. Það þjónar því Íslandi að hafa afl þess á bak við hagsmuni sína í norðrinu.

Jamm, öll dýrin í Hálsaskógi eru vinir. Össur sýnir sama skilninginn á svengd úlfsins og Ólína Þorvarðardóttir. Þau eru bæði í Samfylkingunni og þar eru allir vinir, eins og dæmin sanna.

Grískar afskriftir og þýskur efnahagur

Spiegel segir að þýskir bankar gætu þolað 50 prósent afskriftir af lánum til Grikkja, fari svo að afskriftarleið verði farin til að bjarga Grikkjum. Þýski seðlabankinn, sem á fjórðung í hlutafé Evrópska seðlabankans, gæti líka lifað af, samkvæmt Spiegel. Lokaorð samantektar þýska vikuritsins eru aftur í véfréttarstíl

And a partial Greek default could also result in an aggravation of the euro crisis for a different reason. If Ireland and Portugal were to be infected by the debt restructuring virus, the situation would quickly spin out of control. In that event, private banks, insurance companies and investors in Germany would definitely feel the consequences.

Grískar afskriftir gætu hleypt skriðu af stað sem enginn fær ráðið við. Hvorki Írar né Portúgalar munu láta sér vel líka að Grikkir fái afslátt af sínum skuldum en þeir ekki.

Pólitísk upplausn í Evrópusambandinu

Morgunfréttirnar eru þessar helstar: Evrópuþingið ætlar að hækka fjárlög Evrópusambandsinsum fimm prósent á meðan aðildarþjóðir verða að skera niður velferðarþjónustuna við íbúana. Einn helsti sérfræðingur samtímans um gjaldmiðlasvæði, Paul de Grauwe, segir Evrópusambandið þvælast úr einni kreppunni í aðra og Spánn gæti orðið næsta fórnarlamb.

Í Danmörku standa yfir réttarhöld þar sem ríkisstjórnin þarf að verja þá ákvörðun að samþykkja Lissabonsáttmálann án þjóðaratkvæðagreiðslu. Sáttmálinn tekur neitunarvald frá smáþjóðum eins o Dönum en færir stórríkjum álfunnar stóraukin völd.

Finnland er eitt fárra ríkja í Evrópusambandinu með traustan efnahag. Stærsti stjórnmálaflokkur landsins er Sannir Finnar sem andæfa auknum valdheimildum Brussel.

Að öðru leyti er allt gott að frétta af Evrópusambandinu.

Nei í Sviss og Noregi en umsókn frá Íslandi

Sviss og Noregur standa utan Evrópusambandsins og andstaðan við inngöngu hefur aldrei mælst meiri í þessum löndum. Þau lönd í Evrópusambandinu sjálfu sem hafa ekki evru, s.s. Bretland, Danmörk og Svíþjóð, prísa sig sæl að hafa ekki tekið upp vandræðamyntina.

Ísland sem hvorki er í Evrópusambandinu né hefur evru situr uppi með ríkisstjórn sem grátbiður Brussel að taka við sér.

Vegna Samfylkingarinnar er Ísland alþjóðlegur brandari.

Fáir Svisslendingar vilja í ESB