Leita í fréttum mbl.is

Bloggfærslur mánaðarins, maí 2011

Grískar skuldir og íslenska krónan

Grikkland glímir við samkeppnisvanda sem landið gæti lagað með því að fella gengi drökmunnar. En Grikkir fylgdu fyrir tíu árum ráðum Samfylkingarinnar og vörpuðu eigin mynt fyrir róða og tók evru fagnandi. Vextir lækkuðu, kaupmáttur jókst og allir sátu glaðir að veisluborði Evrópusambandsins. ´

Samkeppnishæfni gríska hagkerfisins gagnvart öðrum ríkjum evrusvæðisins, einkum Norður-Evrópu, versnaði jafnt og þétt allan áratuginn sem evran hefur verið í notkun í Grikklandi. Nú er svo komið að Grikkir standa ekki undir skuldunum sem safnast hafa í góðæri evru-tímabilsins og eru meira og minna á framfæri Evrópusambandsins. Grikkir geta ekki fellt gjaldmiðilinn sinn vegna þess að þeir hafa engan gjaldmiðil að fella.

Anthony Coughlan er írskur hagfræðingur sem er í heimsókn hér á landi á vegum Heimssýnar. Hann fór yfir málefni evrunnar gagnvart jaðarríkjum eins og Írlandi og Grikklandi á fundi í Reykjavík í gær og á Akureyri í hádeginu.

Skilaboð Coughlan og annarra hagfræðinga sem ekki eru félagar í Samfylkingunni eru skýr: evran eyðileggur hagkerfi þjóða sem ekki ganga í takt við þýska hagkerfið. 

Íslenska krónan er margfalt betri kostur fyrir Ísland en evran.


mbl.is Roubini: Endurskipuleggið skuldir Grikklands
Tilkynna um óviðeigandi tengingu við frétt

Írland og evran í hádeginu í dag

Alþjóðamálastofnun Háskóla Íslands og Heimssýn standa fyrir opnum fyrirlestri í hádeginu í dag með hagfræðingnum Anthony Coughlan undir heitinu Írland og evran - lærdómur fyrir Ísland? Fyrirlesturinn er í stofu 101 í Odda og hefst kl. 12:00. Fundarstjóri er Björn Bjarnason fyrrverandi dómsmálaráðherra.

 


Schengen er mistök

Það voru mikil mistök frá upphafi að binda Ísland við Schengen-samninginn, ekki síst eftir að hann varð órjúfanlegur hluti af ESB. Sem eyland höfum við ekkert nema skaða af því að bindast þessu regluverki meginlandsríkja og halda hér uppi landamæravörslu fyrir Evrópusambandið.

Á þessa leið skrifar Hjörleifur Guttormsson í nýrri útgáfu vinstrimanna, Vinstrivaktin gegn ESB.


Spánn er næstur í evru-gjaldþrotum

Markaðurinn óttast gjaldþrot Spánar, segir í frétt Telegraph. Eftir sveitarstjórnarkosningar í skugga mótmæla stendur ríkisstjórn sósíalista í Madrid veik eftir og er ekki líkleg til að knýja í gegn nauðsynlegan niðurskurð til koma skikki á ríkisfjármálin. Þingkosningar eru á Spáni að ári og allar líkur á að tiltrúin á spænsk stjórnvöld minnki í aðdraganda þeirra.

Spánn er stærsta hagkerfið sem steytt hefur á evru-skerinu. Ríku evru-löndin í norðri hafa ekki efni á stórum björgunarpakka til Spánar.

Hagfræðingurinn Pau de Grauwe þykir skrifa af hvað mestri yfirsýn um þann vanda sem evruríkin 17 glíma við. Hann segir í skarpri greiningu að án sambandsríkis Evrópu sé evran feig. Á meðan sambandsríkis nýtur ekki við býr myntsambandið við varanleg ójafnvægi. Lokaorð de Grauwe eru ótvíræð

A monetary union can only function if there is a collective mechanism of mutual support and control. Such a collective mechanism exists in a political union. In the absence of a political union, the member countries of the Eurozone are condemned to fill in the necessary pieces of such a collective mechanism. The debt crisis has made it possible to fill in a few of these pieces. What has been achieved, however, is still far from sufficient to guarantee the survival of the Eurozone.  In order for the Eurozone to survive, it will have to be embedded in a much stronger political union than is the case today.

Valdastéttin í Evrópusambandinu stendur frammi fyrir tveim valkostum. Annað hvort liðast evrusamstarfið í sundur eða að sambandsríki Evrópu verður að veruleika. Það mun taka valdastéttina um 2-5 ár að kannast við þennan veruleika, sé tekið mið af því hvernig vandi Grikkja, Íra og Portúgala er leystur. 

Og hvers vegna í ósköpunum stendur Ísland í biðröð eftir því að taka þátt í evrusamstarfinu?

(Breytt og bætt héðan.)


Gjaldþrot með evru

Grikkland er gjaldþrota, Írland er á leiðinni, Portúgal er í röðinni og Spánn ekki fjarri. Á Íslandi er spurt hvort við græðum á inngöngu í Evrópusambandið þegar fyrir liggur að við verðum alltaf í mínus.

Írland og evran verða til umræðu á miðvikudag. Anthony Coughlan hagfræðingur og prófessor emeritus við Trinity College í Dublin flytur fyrirlestur á vegum Heimssýnar og Alþjóðamálastofnunar Háskóla Íslands miðvikudaginn 25. maí kl. 12:00 í stofu 101 í Odda. Fundarstjóri er Björn Bjarnason fyrrv. dómsmálaráðherra.

Evran er æði,  en aðeins fyrir Þjóðverja og helstu nágranna þeirra.


Vg ítrekar andstöðu við ESB-aðild

Flokksráðsfundur Vinstrihreyfingarinnar græns framboðs ítrekaði andstöðu flokksins við aðild Íslands að Evrópusambandinu. Nær engin umræða var um aðildarumsókn Íslands en í ályktun er kveðið skýrt að orði

Fundurinn ítrekar andstöðu flokksins við aðild Íslands að ESB.

Í síðustu þingkosningum, vorið 2009, var það á stefnuskrá Vg að Ísland skyldi standa utan Evrópusambandsins. Flokkurinn lét unda kröfu Samfylkingarinnar sem neitaði að ganga til stjórnarmyndunarviðræðna nema Vg samþykkti að senda umsókn til Brussel. Síðan hefur Vg logað stafnana á milli í innanflokksátökum. Í vetur sögðu þrír þingmenn skilið við þingflokk Vg.

 


Yfirlýsingastríð í Evrópusambandinu

Þetta er hrein og klár nýlendustefna, segir grískur verkalýðsleiðtogium þau ummæli Angelu Merkel kanslara Þýskalands að Suður-Evrópubúar séu latir og vilji helst lifa á ölmusu Þjóðverja. Finanacial Times greinir frá lækkun Fitch á greiðsluhæfni Grikkja og náið samhengi milli pólitískra yfirlýsinga og fjármálamarkaðar.

Merkel sætir gagnrýni heimafyrir vegna sístækkandi fjárlagagats Grikkja sem Þýskalandi er ætlað að fylla upp í. Frjálsir demókratar, annar ríkisstjórnarflokkurinn, eru að herða sig upp í að vera á móti frekari björgunaraðgerðum fyrir Grikki. Stjórnvöldum í Aþenu er bent á að íhuga að taka upp drökmu og segja sig frá evru-samstarfinu.

Harkan í samskiptum evru-ríkjanna mun aukast á næstunni. Írsk, portúgölsk og grísk stjórnvöld munu reyna að saman um kröfur gagnvart framkvæmdastjórninni og Evrópska seðlabankanum um skuldasnöruna sem þegar er búið að bregða að hálsi ríkjanna þriggja.

Þýskaland og þau lönd evru-svæðisins sem eiga afgang láta ekki stilla sér upp við vegg. Evru-samstarfið er búið að vera í núverandi mynd.


Peningar og fiskur, Ísland og Írland

Peningarnir eru farnir en við eigum fiskinn, sagði Steingrímur J. við írska dálkahöfundinn og hagfræðinginn David MacWilliams og hann endursegir með ýktum framburði á umræðu European Zeitgeist. Efni umræðunnar er fyrirsjáanlegt hrun evrusvæðisins og þarna tala stórmenni eins og Joseph Stiglitz.

MacWilliams uppsker hlátur þegar hann endursegir ísenskan leigubílstjóra sem segist skulda íbúðarlán í japönskum yenum og bætir við - en Japan er langt í burtu. Skilaboðins eru þessi: Írar skulda í evrum og Brussel er (því miður) býsna nærri.

Evran og Írland og lærdómurinn fyrir Ísland verður til umræðu á fundi Heimssýnar og Alþjóðamálastofnunar á hádegisfundi í Odda miðvikudaginn 25. maí.


Engin séríslensk leið inn í ESB

Evrópusambandið býður upp á eina leið umsóknarríkja inn í sambandið, accession, eða aðlögun. Í aðlögun felst að umsóknarríki taki jafnt og þétt upp lög og reglugerðir Evrópusambandsins samhliða aðildarviðræðum. Samkvæmt útgáfu Evrópusambandsins er um að ræða um 90 þúsund blaðsíður af lögum og reglum sem ætlast er til að umsóknarríki innleiði í sín lög.

Össur Skarphéðinsson utanríkisráðherra segir að það sé til önnur leið inn í Evrópusambandið, séríslensk leið. Í nýrri skýrslu utanríkisráðherra til alþingis er þessi kostulega málsgrein bls. 16

Fastar reglur gilda um það ferli sem snýr að umsóknum ríkja um aðild að ESB, bæði í umsóknarríkjunum sjálfum og innan ESB og aðildarríkja þess. Hér á landi hefur verið farið eftir því skipulagi sem utanríkismálanefnd mælti með.

Í málsgreininni er sagt með loðnu orðalagi að þótt Evrópusambandið sé með ,,fastar reglur" fyrir umsóknarríki þá hafi Ísland búið til aðrar reglur til að samfylkingarhluti ríkisvaldsins geti haldið umsókninni til streitu.

Össur vill að alþingi og þjóðin trúi því að Ísland setji Evrópusambandinu reglur um hvernig umsóknarferli inn í sambandið skuli háttað. Ætli Össur trúi skáldskapnum sjálfur? 

(Tekið héðan.)


Össur og Stefán á leynifundum um tilboð ESB í Ísland

Samningsmarkmið Íslands gagnvart Evrópusambambandinu liggja ekki enn fyrir. Í skýrslu utanríkisráðherra sem kynnt var á alþingi í dag eru hvergi sett fram markmið Íslands í samningaviðræðunum, aðeins vísað í þingsályktun alþingis frá 16. júlí 2009.

Í skýrslunni er óbeint viðurkennt að samningsmarkmið liggi fyrir. Þar segir á bls. 17

Á sama tíma hafa bæði utanríkisráðherra og aðalsamningamaður átt samskipti við aðildarríki ESB og framkvæmdastjórn ESB í því skyni að kynna sérstaklega þau meginatriði sem standa munu upp úr í samningaviðræðunum og þau efnislegu rök sem Ísland byggir á. 

Fundir Össurar Skarphéðinssonar utanríkisráðherra og Stefáns Hauks Jóhannessonar aðalsamningamanns eru ekki gerðir opinberir. Á þessum fundum eru sett fram samningsmarkmið Íslands án þess að þau hafi fyrirfram verið rædd á alþingi og með þjóðinni.

Á leynifundum Össurar og Stefáns er Evrópusambandinu sagt hversu hátt tilboðið í Ísland þarf að vera til að Samfylkingin treystir sér að selja það þjóðinni.

 

Hér er hlekkur á skýrslu utanríkisráðherra

http://www.althingi.is/altext/139/s/pdf/1416.pdf

 

 


« Fyrri síða | Næsta síða »

Heimssýn

Heimssýn

hreyfing sjálfstæðissinna í Evrópumálum, eru þverpólitísk samtök þeirra sem telja hagsmunum Íslendinga best borgið með því að halda áfram að vera sjálfstæð þjóð utan Evrópusambandsins.

 

Sími 895 5334 (Haraldur Ólafsson, formaður)


Nánar um Heimssýn

Vertu með!

Frjáls framlög

Eldri færslur

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (29.3.): 11
  • Sl. sólarhring: 104
  • Sl. viku: 2123
  • Frá upphafi: 1112165

Annað

  • Innlit í dag: 10
  • Innlit sl. viku: 1918
  • Gestir í dag: 10
  • IP-tölur í dag: 10

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband