Hvaða Suður-Evrópuríki fara í gjaldþrot vegna evrunnar?

Minnisblað frá Dogulas McWillimas gengur manna á milli í morgun. Minnisblaðið er niðurstaða útreikninga á líkum á gjaldþroti einvers Suður-Evrópuríkis á evru-svæðinu. Ítalía fer nær örugglega í gjaldþrot, segir minnisblaðið, en Spánn gæti sloppið.

Lokaorð minnisblaðsins eru þau að stærðfræði og hagfræði skipta kannski ekki máli. Ef eitt evru-land verður gjaldþrota munu önnur í veikri stöðu nánast vera þvinguð í þrot. Höfundurinn er svartsýnn á að evru-samstarfið haldi velli. Eftirfarandi er niðurlag minnisblaðsins

 

However, these distinctions based on economics and mathematics may not matter. If one Eurozonecountry defaults, the markets are likely to put pressure on the other weak economies and push up bond yields. This will in turn drag them down, making devaluating and thus leaving the euro increasingly attractive, which is why we are pessimistic about the chances ofthe euro holding together.

Fullvalda ríki á meðan við stöndum utan ESB

Helgi Áss Grétarsson, lögfræðingur og sérfræðingur í sjávarútvegskerfum við Lagastofnun HÍ, segir hæpið að íslenska ríkið gæti leikið einleik í málinu gegn ESB-ríkjunum væri það aðili að ESB. „Ég tel að það væri mun erfiðara af því að um leið og menn ganga inn í hina sameiginlegu sjávarútvegsstefnu þá hefur ESB valdið til þess að semja um deilistofna við önnur ríki. Núna hefur Ísland rétt til að semja, sem fullvalda ríki, en þegar um er að ræða sameiginlega stjórn á deilistofnum þá fer valdið til þess að semja um stjórn þessara stofna til Evrópusambandsins og stofnana þess,“ segir Helgi Áss.

Ofanritað er tilvitnun í Vísi.is þar sem fjallað er um makríldeilu Íslendinga við Evrópusambandið.

Þarf eitthvað að ræða þetta frekar?

Fjárfestar flýja Suður-Evrópu

Hlutabréfamarkaðurinn í Mílan hefur ekki verið lægri í þrjú ár. Ítalskir fjölmiðlar segja frá orðrómi um neyðarstjórn er taki við af ríkisstjórn Berlusconi. Olli Rehn framkvæmdastjóri efnahagsmála hjá framkvæmdastjórninni í Brussel verður að hætta í fríinu sínu Finnlandi og halda til Lúxemborg að hitta Juncker sem fer með forystu í evru-löndunum 17.

Alþjóðlegir fjárfestar eru hættir að lána Spáni og Ítalíu. Lánveitandi til þrautavara er Þýskaland sem ekki fór í evrusamstarf til að láta blóðmjólka sig. Skilaboðin frá markaðinum eru þessi

"The eurozone faces a very big decision: it either creates a central fiscal authority or accepts reality and starts to think the unthinkable, which is to cut the currency union into workable pieces."

Sem sagt: annað hvort fullveðja fjármálaráðuneyti Evrulands 17 þjóðríkja eða að brjóta upp samstarfið. Áhugavert. 

Evruland frestar sumrinu

Í ágúst lokar Evruland og fer í sumarfrí. Ekki þetta árið. Skuldatryggingarálag á Spán, Ítalíu og Kýpur er komið hressilega yfir dauðamörkin 5,7 prósent sem felur í sér að skuldavandi þessara landa er orðið að vandamáli Þýskalands.

Þjóðverjar standa hikandi og höktandi að bjarga smáríki eins og Grikklandi með tíu milljónir íbúa. Spánn og Ítalía eru samanlagt meira en tíu sinnum stærri og Þjóðverjar hafa einfaldlega ekki efni á bónbjörg til þeirra.

Hér á Íslandi er til stjórnmálaflokkur sem vill inn í brennandi hús Evrulands. Ótrúlegt en satt.

Frestaði sumarleyfi

Fjöldamorð til framdráttar aðildarumsókn

Þau gerast langsóttari rökin fyrir aðild Íslands að Evrópusambandinu og síst smekklegri. Margrét Björnsdóttir formaður framkvæmdastjórnar Samfylkingarinnar skrifar í Fréttablaðið og fær viðhafnarpláss við hlið leiðara. Fyrsta málsgreinin er eftirfarandi

Fjöldamorðin í Noregi sýna okkur hvert sjúklegar hugmyndir um yfirburði tiltekinnar trúar, þjóðar eða kynþáttar geta leitt.

Tilgangurinn með upphafsmálsgreininni er að gefa til kynna skyldleika norska fjöldamorðingjans Breivik við íslenska andstæðinga aðildar að Evrópusambandinu. Til að ekkert fari á milli mála hrúgar Margrét nasisma og kommúnista í kaupbæti handa íslenskum fullveldissinnum.

Er ekki rétt að samfylkingarliðið dragi andann djúpt og tékki aðeins á veruleikanum?

22 milljónir atvinnulausra í Evrópusambandinu

Atvinnuleysi í Evrópusambandinu mælist 9,4 prósent, samkvæmt tölu frá Eurostat. Hærra atvinnuleysi mælist í þeim 17 löndum sem eru með evru sem lögeyri, eða 9,9 prósent. Áætlað er að um 22 milljónir íbúa þeirra 27 landa sem tilheyra Evrópusambandinu gangi um atvinnulausir.

Atvinnuleysi ungmenna undir 25 ára er rúm 20 prósent.

Þau lönd sem búa við hvað mest atvinnuleysi eru Spánn með 21 prósent atvinnuleysi, Litháen með 16,3 prósent og Lettland með 16,2 prósent atvinnuleysi.

 

ESB-aðild, brottkast og arðrán

Spænskir sjómenn sem fiska í Norðursjó umgangast fiskimiðin þar eins og arðræningjar og leiða aldrei hugann að sjálfbærni veiða. Sjómenn sem líta ekki á fiskimiðin sem hluta af heimkynnum sínum umgangast þau ekki af virðingu heldur með hugarfari arðræningjans.

RÚV segir frá frétt breska blaðsins Guardian um 500 milljarða króna brottkast á fiskimiðum sem falla undir Evrópusambandið. Um 75 prósent af fiskistofnun Evrópusambandsins eru ofveiddir.

Ef Ísland verður aðili að Evrópusambandinu mun landhelgi Íslands opnast sjómönnum með áratugareynslu að eyðileggja lífríki og fiskistofna Evrópusambandslanda.