Leita í fréttum mbl.is

Bloggfærslur mánaðarins, nóvember 2012

17,2 milljarðar á ári til ESB

Ísland yrði að borga 17,2 milljarða króna á ári til Evrópusambandsins ef við yrðum aðilar að sambandinu. Ragnar Arnalds reiknar gjald Íslands á Vinstrivaktinni. Ísland getur gert sér vonir um að fá tilbaka hluta fjárhæðarinnar í formi styrkja.

Vegna þess að Ísland er ríkara land en þorri aðildarríkja Evrópusambandsins munum við allaf borga með okkur til sambandsins. Fyrir hálfu öðru ári giskaði utanríkisráðuneytiðað við gætum sótt til Brussel 12 milljarða og miðaði þá við að aðildargjöldin yrðu 15 milljarðar.

Stærstu sjóðir Evrópusambandsins eru byggða- og landbúnaðarsjóðir. Styrkir úr þeim sjóðum eru háðir mati sérfræðinga í Brussel. ESB-sinnar á Íslandi hafa alveg gleymt því að útskýra fyrir þjóðinni hvers vegna sérfræðingar í Brussel viti betur en Íslendingar sjálfir hvernig eigi að styrkja landbúnað og dreifðar byggðir.


Kostnaðurinn af Villa og Viðskiptaráði

Auðmennirnir sem settu Ísland á hausinn fjármögnuðu Vilhjálm Egilsson, Samtök atvinnulífsins og Viðskiptaráð. Vilhjálmur segir Ísland nyrsta Afríkuríkið og Viðskiptaráð er orðið að ,,viðræðusinna" sem undir fölskum formerkjum vill Ísland í Evrópusambandið.

Vilhjálmur Egilsson, Samtök atvinnulífsins og Viðskiptaráð stuðluðu að þjóðargjaldþroti Íslands. Það kemur úr hörðustu átt þegar þessir sömu aðilar þykjast þess umkomnir að vanda um fyrir Íslendingum um hvert við stefnum með efnahagslegt fullveldi okkar.

Hrunverjar verða ekki leiðarljós þjóðarinnar á ný.


mbl.is Segir Ísland nyrsta Afríkuríkið
Tilkynna um óviðeigandi tengingu við frétt

Prófkjör Sjálfstæðisflokksins: ESB-andstæðingar og girðingarfólkið

Jón Baldur L'Orange skrifar um minnislista sem birtist á Heimssýnarblogginu og tók til afstöðu þátttakenda í prófkjöri Sjálfstæðisflokksins. Minnislistinn, sem byggði á svörum frambjóðenda við spurningu Vilborgar Hansen, flokkaði frambjóðendur í andstæðinga aðildar og fylgjendur. Jón Baldur bætir um betur og flokkar svörin með meiri nákvæmi.

Listi Jóns Baldurs er eftirfarandi:

Á móti aðild Íslands að ESB. Punktur!
Bjarni Benediktsson, formaður Sjálfstæðisflokksins
Elín Hirst, fjölmiðlafræðingur og sagnfræðingur
Friðjón R. Friðjónsson, ráðgjafi
Gunnlaugur Snær Ólafsson, upplýsingafulltrúi
Karen Elísabet Halldórsdóttir, varabæjarfulltrúi og skrifstofustjóri
Kjartan Örn Sigurðsson, bæjarfulltrúi
Óli Björn Kárason, ritstjóri og varaþingmaður
Sævar Már Gústavsson, sálfræðinemi við HR
Þorgerður María Halldórsdóttir, háskólanemi

Loðið svar, eða kemur sér undan að svara því sem spurt var um:
Jón Gunnarsson, alþingismaður 

Fylgjandi aðild að ESB eða, aðild að ESB kemur til greina við réttar aðstæður.
Bryndís Loftsdóttir, vörustjóri Íslenskra bóka
Ragnar Önundarson, viðskiptafræðingur 
Ragnheiður Ríkharðsdóttir, alþingismaður
Sigurlaug Anna Jóhannsdóttir, framkvæmdastjóri
Sveinn Halldórsson, húsasmíðameistari 
Vilhjálmur Bjarnason, viðskiptafræðingur

 


ESB-flokkarnir tapa fylgi

Flokkarnir sem ætluðu að gera Ísland aðila að Evrópusambandinu tapa næstu kosningum, samkvæmt Gallup. Stórflótti er brostinn á fylgi Samfylkingar og VG og engar líkur á að þessir flokkar komist nálægt því að mynda ríkisstjórn eftir kosningar.

Málatilbúnaður vinstriflokkanna er í innbyrðis mótsögn. Atvinnulífið og efnahagskerfið rétti sig af eftir hrun vegna þess að Ísland er fullvalda og með eigin gjaldmiðil. Vinstriflokkarnir njóta ekki góðærisins vegna þess að ESB-umsóknin fórnar fullveldinu og flytur forræði íslenskra mála til Brussel.

Þjóðin metur fullveldið meira en svo að hún gefi vinstriflokkunum nýtt tækifæri að svíkjast undan merkjum þjóðfrelsis.


mbl.is Eykur fylgi sitt í öllum kjördæmum
Tilkynna um óviðeigandi tengingu við frétt

Prófkjör Sjálfstæðisflokksins - minnislisti

Vilborg Hansen óskaði eftir afstöðu frambjóðenda í prófkjöri Sjálfstæðisflokksins í Kraganum til aðildar Íslands að Evrópusambandinu. Hér er samantekt á svörum frambjóðendanna. 

Á móti aðild Íslands að ESB

Bjarni Benediktsson, formaður Sjálfstæðisflokksins

Bryndís Loftsdóttir, vörustjóri íslenskra bóka

Elín Hirst, fjölmiðlafræðingur og sagnfræðingur

Friðjón R. Friðjónsson, ráðgjafi

Gunnlaugur Snær Ólafsson, upplýsingafulltrúi

Jón Gunnarsson, alþingismaður

Karen Elísabet Halldórsdóttir, varabæjarfulltrúi og skrifstofustjóri

Kjartan Örn Sigurðsson, bæjarfulltrúi

Óli Björn Kárason, ritstjóri og varaþingmaður

Ragnar Önundarson, viðskiptafræðingur

Sveinn Halldórsson, húsasmíðameistari

Sævar Már Gústavsson, sálfræðinemi við HR

Þorgerður María Halldórsdóttir, háskólanemi

 

Fylgjandi aðild að ESB

Ragnheiður Ríkharðsdóttir, alþingismaður

Sigurlaug Anna Jóhannsdóttir, framkvæmdastjóri

Vilhjálmur Bjarnason, viðskiptafræðingur

 

 

 


Vilhjálmur Bjarnason með 70% ESB-blekkingu

Vilhjálmur Bjarnason fjárfestir og þátttakandi í prófkjöri Sjálfstæðisflokksins í Kraganum kynnir sig sem ,,viðræðusinna," sem er nýja orðið yfir ESB-sinna, með þessum rökum 

Ísland er 70% aðili að Evrópusambandinu með aðild að evrópsku efnahagssvæði frá árinu 1993. Viðræður sem nú standa yfir miða að fullri aðild að Evrópusambandinu.

Þetta er rangt hjá Vilhjálmi.  Verulega stórir málaflokkar standa utan EES-samningsins, svo sem landbúnaður, sjávarútvegur, tollamál, viðskiptasamningar við önnur ríki og peningamál. A árabilinu 2000 til 2009 tóku gildi í Evrópusambandinu samtals 34 733 tilskipanir, reglur og aðrir löggjörningar. Aðeins rúmlega þrjú þúsund (3 119) af þessum löggjörningum fengu gildi í EES-samningnum, eða 8,9 prósent.

Upplýsingarnar eru sóttar úr gagnabönkum og gefa raunsanna mynd af hlutfalli ESB löggjörninga sem teknir eru upp í EES-samningnum.

 


Evru-kreppa allt næsta kjörtímabil

ESB-umsókn Íslands á samkvæmt Samfylkingunni að leiða til aðildarsamnings næsta kjörtímabils, 2013 - 2017. Angela Merkel kanslari Þýskalands segir að evrukreppan verði í ráðandi næstu fimm árin, eða til 2017, í efnahagskerfi Evrópusambandsins.

Þótt engin væri kreppan í Evrópusambandinu væri harla ólíklegt að Íslendingar myndu ljá máls á aðild. Til þess eru hagsmunir meginlandsþjóðanna of ólíkir okkar hagsmunum. Ríki á Norður-Atlantshafi, Grænland, Noregur og Færeyjar er með líka hagsmuni og Ísland og ekkert þeirra er á leiðinni inn í ESB.

En með evru-kreppu lausa í álfunni er engar líkur að ESB-umsókn Samfylkingar fái hljómgrunn með þjóðinni. Allur málatilbúnaður Samfylkingar í kringum ESB-málið er steindauður.


mbl.is Merkel: Fimm ár í lok skuldakreppunnar
Tilkynna um óviðeigandi tengingu við frétt

Áskorun gegn innflutningi á dýrasjúkdómum

Evrópuvaktin segir frá áskorun til stjórnvalda um að leyfa ekki innflutning á lifandi dýrum eða erfðaefnum þeirra til að hægt sé að verja landið margvíslegum dýrasjúkdómum, t.d. hundaæði.

Samfylkingin vill leyfa innflutninginn í nafni aðlögunar að Evrópusambandinu.

Það er ankannalegt að það þurfi að skora á stjórnvöld að verjast því að sjúkdómar flæði yfir landið. Ríkisstjórn vinstriflokkanna vinnur beinlínis gegn þjóðarhagsmunum. Svei þeim.


Skúli Mogensen vill hvorki ESB né evru

Forstjóri WOW air segir það firru að Ísland einangrist þótt það standi áfram utan Evrópusambandsins. Í viðtali við Morgunblaðið kemur einnig fram að Skúli Mogensen telji evruna ekki heppilegan gjaldmiðil fyrir Ísland. Grípum niður í viðtalið

Þú hefur talað gegn aðild að ESB. Hefur það breyst?

 

»Síður en svo. Ef eitthvað er, þá tel ég enn augljósara en áður að varhugavert væri að flýta sér í þeim efnum. Þarna tala ég í ljósi þróunar í Evrópu og innan ESB, en einnig út frá styrk Íslands, sem ég held að fari vaxandi. Svo fremi við búum við heilbrigt pólitískt umhverfi og nýtum tækifæri til þess að tengjast öðrum þjóðum. Það er reginmisskilningur að við einangrumst ef við göngum ekki í ESB.

Og um krónuna

Svo framarlega sem við höldum í okkar auðæfi, þá gæti krónan reynst okkur ágætlega til lengri tíma litið.

Svo mörg voru þau orð.


mbl.is Gagnrýnir óvissu vegna haftanna
Tilkynna um óviðeigandi tengingu við frétt

Hundaæði og samstaðan gegn Samfylkingu

Strangar reglur um innflutning á lifandi dýrum og ófrosnu kjöti bæja frá Íslandi ýmsum landlægum sjúkdómum á meginlandi Evrópu. Almenn samstaða hefur verið á Íslandi um nauðsyn varna gegn búfjársjúkdómum og öðrum dýrasjúkdómum.

Samfylkingin hefur sagt sig frá þessari samstöðu gegn kvikfjársjúkdómum. Ráðuneyti Samfylkingar í utanríkismálum leggur ofurkapp á að fella niður smitsjúkdómavarnir til að auðvelda aðild að Evrópusambandinu. Í Bændablaðinu er fjallað um málið og segir þar

Ísland hefur fylgt ströngum takmörkunum á innflutningi lifandi dýra og hráu ófrosnu kjöti. Jafnframt hafa verið hafðar uppi varnir gegn plöntusjúkdómum vegna viðkvæmrar flóru landsins. Þetta er gert til að vernda heilsu manna og dýra og er algjörlega óumdeild og nauðsynleg ráðstöfun. Þá bregður svo við að ekki má setja í samningsafstöðu Íslands afdráttarlausan texta um að slík opnun sé ekki umsemjanleg af okkar hálfu. Með fullri virðingu fyrir hinum ýmsu vottorðum kemur ekkert í staðinn fyrir slíka varúð þegar verjast þarf innflutningi sjúkdóma eins og til dæmis hundaæðis eða gin- og klaufaveiki.

Samfylkingin fékk rúm 29 prósent atkvæðanna við síðustu kosningar. Flokkurinn mælist með um 20 prósent fylgi núna. Það er ótækt að Samfylkingunni líðist að ráða ein málum um stærri hagsmuni Íslands. Við þurfum samstöðu gegn Samfylkingu.


« Fyrri síða | Næsta síða »

Heimssýn

Heimssýn

hreyfing sjálfstæðissinna í Evrópumálum, eru þverpólitísk samtök þeirra sem telja hagsmunum Íslendinga best borgið með því að halda áfram að vera sjálfstæð þjóð utan Evrópusambandsins.

 

Sími 895 5334 (Haraldur Ólafsson, formaður)


Nánar um Heimssýn

Vertu með!

Frjáls framlög

Eldri færslur

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (29.3.): 23
  • Sl. sólarhring: 102
  • Sl. viku: 2135
  • Frá upphafi: 1112177

Annað

  • Innlit í dag: 13
  • Innlit sl. viku: 1921
  • Gestir í dag: 12
  • IP-tölur í dag: 12

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband