Evru-kreppan versnar

Frakkland verður næsta fórnarlamb evru-kreppunnar. Fyrir eru Írland, Grikkland, Spánn, Ítalía, Kýpur, og Portúgal.

Vaxandi atvinnuleysi og samdráttur í efnahagskerfinu ásamt ósjálfbærum skuldum er vítahringur evru-landanna sem læst eru í myntsamstarfi með Þjóðverjum.

Á meðan Frakkar standa í biðröðinni eftir því hvað kreppan býður þeim upp á þá hinkra Spánverjar og kalla ekki yfir sig björgunaráætlun ESB. Von Spánverja er að sameiginlegt skipbrot með Frökkum leiði til mildari skilyrða af hendi Þjóðverja sem verða að borga fyrir allt havaríið.

Lækka lánshæfi franska ríkisins

Bretar hafna ESB, VG sækist eftir aðild

Verkamannaflokkurinn í Bretlandi ætlar að endurskoða afstöðu sína til Evrópusamsambandins enda að myndast staðfastur meirihluti Breta gegn aðild. Hér á Fróni heldur Samfylkingin fast í ESB-umsóknina í von um að geta verslað með hana í stjórnarmyndurnarviðræðum eftir kosningar.

Vinstrihreyfingin grænt framboð er hins vegar á slíkum villigötum að jafnvel þeir staðföstustu gefast upp. Hjörleifur Guttormsson skrifar í Smunguna

Andstaðan við ESB-aðild og ný sýn til umhverfismála greindu skýrt á milli VG og Samfylkingar, sem hafði Evrópusambandsaðild sem meginboðskap. Á þessum forsendum náði VG umtalsverðu fylgi og lengi vel vaxandi  hljómgrunni um land allt. Lifandi starf var í flestum flokkseiningum og góður hugmyndalegur grunnur lagður með virkri þátttöku félags- og stuðningsmanna flokksins. Viðsnúningurinn frá þeirri stöðu sem byggð hafði verið upp fyrir alþingiskosningarnar 2007 og 2009 er hvað innviði snertir hörmulegur. Flokksforystan taldi sér trú um að með þátttöku í ríkisstjórn væri hún komin í skipsrúm til langs tíma. Hún hætti að rækta garðinn og trúnað við umbjóðendur sína, fólkið sem borið hafði hana til valda. Nú þegar andstaðan við aðild að ESB er orðin slíkt aukaatriði að frambjóðendur VG nefna hana ekki á nafn þegar þeir gera grein fyrir sér, er fokið í flest skjól. Flokkurinn sem við stofnuðum um aldamótin er því miður að verða ósjálfbært rekald við hliðina á Samfylkingunni.

VG er flokkur á leið til sjálfstortímingar.

Óskiljanlegt að íhuga inngöngu

Össur svindlar ekki

Landsmálafélagið Rósin var stofnað til að vinna að kjöri Össurar Skarphéðinssonar ESB-fursta íslenskra stjórnmála. Lögmaður Rósarinnar, Sigurður G. Guðjónsson, barðist um hæl og hnakka til að fá atkvæðarétt til ólögmætar félagsmanna. Sigurður G. er yfirlýstur stuðningsmaður Össurar.

Þegar kemur á daginn að einhver ólögmæt atkvæði Rósarinnar hafi jafnvel verið greidd áður en svindlið komst upp er von að spurt sé hvort þau hafi riðið baggamuninn og tryggt Össuri fyrsta sætið.

Ekki það að Össur hafi komið þar nærri. Eins og allir vita þá svindlar Össur ekki. A.m.k. ekki á þeim sem eru fyrir aftan hann í stafrófinu.

68 atkvæði skildu á milli

Economist: Frakkland er tímasprengja á evru-svæðinu

Grikkland er komið í ruslakörfuna en það Frakkland fremur en Ítalía sem gæti gert útslagið og kollsteypt evru-samstarfinu. Tímaritið Economist segir Frakkland tímasprengju evru-svæðisins.

Telegraph segir frá uppnámi í sósíalistastjórn Frakklands vegna forsíðuuppsláttar breska tímaritsins.

Ómögulegt er að segja til um hvenær og hvernig evru-samstarfið verður stokkað upp eða hvort það yfir höfuð lifir af. Hitt er víst að ef það springur ekki með látum tekur áratug eða meira að lappa upp á samstarfið.

Á meðan eiga Íslendingar vitanlega að standa álengdar og koma ekki nærri bálinu en nauðsyn krefur. Við eigum þess vegna að afturkalla umsóknina.

Þörf á frekari endurskipulagningu skulda

Fimm fræknu eftir Enid Blyton úthýst af ESB

Barnabækur eftir Enid Blyton, Fimm fræknu, eru komnar í ónáð hjá Evrópuþinginu. Sömuleiðis eru ótækar bækurnar um björninn Paddington og Pétur Pan. Evrópuþingið telur að þessar bækur ýti undir staðaímyndir um hlutverk kynjanna þar sem konur eru sýndar gæta bús og barna en karlarnir eru útvinnandi.

Daily Mail segir frá skýrslu þingnefndar Evrópuþingsins sem vill breyta uppeldisskilyrðum ungra íbúa Evrópusambandsríkjanna í þágu jafnréttis kynjanna.

Þýska útgáfan Welt spyr hvort Evrópusambandið hafi ekkert þarfara að gera en að agnúast út í barnabækur núna þegar stórborgir álfunnar loga í óeirðum vegna evru-kreppunnar. Spyr sá sem ekki veit.

Aðlögunin, ESB-umsóknin og allsherjarklúðrið

Heimssýnarblaðið er nýkomið út. Það er stútfullt af fróðleik um fullveldið og ónýtu ESB-umsóknina. Hér er blaðið í rafrænni útgáfu.

Málþing á mánudag um hættur ESB-aðildar

Mánudaginn 19. nóvember efnir Íslenskt þjóðráð – IceWise til málþings á veitingastaðnum Rúbín í Öskjuhlíð við hlið Keiluhallarinnar kl. 17:15. Sérstakur gestur verður breski þingmaðurinn Kate Hoey, sem er þingmaður Verkamannaflokksins í Vauxhall í Lundúnum. Kate er frá Norður-Írlandi. Hún er skeleggur málssvari þess, að efnt verði til þjóðaratkvæðagreiðslu í Bretlandi um aðild að Evrópusambandinu. Fyrirlestur Kate nefnist: Hættur Evrópuaðildar - The Dangers of Joining the EU.

Fullveldisákvæði í nýrri stjórnarskrá

Fullveldinu er borgið í þeirri stjórnarskrá sem við búum við í dag. Tilraunir að Samfylkingar að þynna varnir fullveldisins í drögum að nýrri stjórnarskrá verður að stöðva.

Lágmark er að setja nýtt ákvæði um að aukinn meirihluta þurfi á alþingi til að samþykkja lög og þingsályktanir er varða fullveldi landsins.

Tillagan sem liggur fyrir um stjórnarskrá Samfylkingar er með öllu óboðleg þegar kemur að fullveldisframsali. Þar segir

111. gr. Framsal ríkisvalds

Heimilt er að gera þjóðréttarsamninga sem fela í sér framsal ríkisvalds til alþjóðlegra stofnana sem Ísland á aðild að í þágu friðar og efnahagssamvinnu. Framsal ríkisvalds skal ávallt vera afturkræft.

Með lögum skal afmarka nánar í hverju framsal ríkisvalds samkvæmt þjóðréttarsamningi felst.

Samþykki Alþingi fullgildingu samnings sem felur í sér framsal ríkisvalds skal ákvörðunin borin undir þjóðaratkvæði til samþykktar eða synjunar. Niðurstaða slíkrar þjóðaratkvæðagreiðslu er bindandi.

Tillögu stjórnlagaráðs breytt

Tvöfaldur meirihluti á Íslandi gegn ESB

Afgerandi meirihluti þjóðarinnar, yfir 57 prósent er mótfallin aðild Íslands að Evrópusambandinu. Jafnframt er staðfestur meirihluti þjóðarinnar, yfir 53%, hlynntur því að afturkalla umsókn Íslands um aðild að Evrópusambandinu.

Þessi tvöfaldi meirihluti gegn ESB-ferli ríkisstjórnar Samfylkingar og VG undirstrikar umboðsleysi Össurar og Brussel-strákana í utanríkisráðuneytinu.

Ísland hefur ekkert að gera í Evrópusambandið og andstaðan við misheppnaðan Brussel-leiðangur vinstriflokkanna eykst jafnt og þétt.

Fjölgar sem vilja afturkalla ESB-umsóknina

Fundur um Evrópumál í hádeginu mánudag 12. nóv.

Evrópuvaktin stendur að fundi með Alþjóðamálastofnun HÍ og RNH í stofu 201 í Odda, félagsvísindahúsi Háskóla Íslands, mánudaginn 12. nóvember klukkan 12-13 um samrunaþróun innan ESB og samkeppnishæfni Evrópu. Mats Persson, forstöðumaður hugveitunnar Open Europe, í London flytur fyrirlesturinn og svarar fyrirspurnum.

Mats Persson nefnir fyrirlestur sinn How Further Integration Could Hurt Europe’s Competitiveness Hvernig samrunaþróunin innan ESB getur torveldað samkeppnishæfni Evrópu.

Open Europe er hugveita, sem starfar í tengslum við forystumenn í bresku atvinnulífi og hefur skrifstofur í London og Brussel. Einnig hefur þýsk systurstofnun Open Europe opnað skrifstofu í Berlín. Aðstandendur hugveitunnar eru hlynntir samstarfi Evrópuríkja, en telja, að samrunaþróunin innan Evrópusambandsins geti gengið of langt. Nauðsynlegt sé að örva hagvöxt og samkeppnishæfni í Evrópu og hverfa af leið miðstýringar. Stjórnarformaður Open Europe er Leach lávarður af Fairford.

Mats Persson fæddist í Bankeryd í Svíþjóð og hefur lokið meistaraprófi frá Hagfræðiskólanum í London, LSE. Hann hefur verið forstöðumaður Open Europe frá 2010, en var áður stjórnmálaráðgjafi í Washington-borg í Bandaríkjunum. Hann bloggar reglulega á heimasíðu Telegraph í London.

Áhugamenn um þróun mála innan ESB og stjórnmála í Evrópu með hliðsjón af umræðum um ESB-málefni í einstökum löndum hafa aðgang að daglegu yfirliti á vefsíðu Open Europe. Þar eru tekin saman höfuðatriði í fréttum dagblaða í fjölmörgum löndum.