Ólafur Ragnar tekur stöðu með fullveldinu

Ólafur Ragnar Grímsson forseti vísaði í óvissuna um fullveldi landsins þegar hann rökstuddi ákvörðun sína um bjóða sig fram á ný til embættis forseta Íslands.

Helstu hvatamenn að undirskriftarsöfnun þar sem skorað var á Ólaf Ragnar að gefa kost á sér á ný komu úr röðum fullveldissinna.

Ólafur Ragnar hefur óbeint látið í ljós þá skoðun að vegferð samfylkingarhluta ríkisvaldsins til Brussel sé ekki heppileg fyrir hagsmuni þjóðarinnar í lengd og bráð.

Margvísleg óvissa er ástæðan

ESB-áróður í þágu sértrúarsafnaðar

Sértrúarsöfnuðurinn sem heitir Samfylking er eini stjórnmálaflokkur landsins sem stefnir að inngöngu Íslands í Evrópusambandið. Til að styðja við áhugamál sértrúarsafnaðarins rekur Evrópusambandið sendiráð og svokallaða Evrópustofu. Mörg hundruð milljónir króna eru til ráðstöfunar fyrir áróðurinn.

Áróður Evrópusambandsins hér á land brýtur gegn gildandi lögum á Íslandi og siðvenjum í samskiptum þjóða sem m.a. eru bundnar í Vínarsáttmálanum.

Alþingi verður að taka af skarið og afturkalla umboðið sem veitt var 16. júlí 2009. Utanríkisráðuneytið, sem er á valdi sértrúarsafnaðarins, er löngu farið fram úr umboðinu með óskammfeilinni aðlögun Íslands að Evrópusambandinu.

Sakar sendiherra ESB um áróður

Krónan er gott verkfæri

Krónan er efnahagskerfi Íslands þénugt verkfæri. Illu heilli eru þeir sem véla um ríkisfjármál og atvinnulíf fremur illa gerðir ævintýramenn annars vegar og hins vegar réttir og sléttir þrjótar. Þegar ríkisfjármálum og efnahagskerfi er stjórnar af ábyrgðarleysi hlýtur krónan að láta á sjá.

En jafnvel þótt elítan ónýta hafi klúðrað málum hressilega er krónan enn bjargvættur.

Þess vegna eigum við að halda krónunni.

Ísland þarf ekki að kasta krónunni

Atvinnuleysi eykst í Evrópusambandinu

Um 180 þúsund manns misstu vinnunaí Evrópusambandinu á einum mánuði. Í löndum evrunnar er 10,7 prósent atvinnuleysi að meðaltali og hefur ekki mælst hærra.

Á Ísland er atvinnuleysi um 7 prósent og fer lækkandi.

ESB-sinnar á Íslandi nefna það sjaldnast að innganga í ESB fæli í sér aukið atvinnuleysi hér á landi. 

Atvinnuleysi eykst á Ítalíu

ESB þarf Marshall-aðstoð

Grikkland er gjaldþrota og Portúgal á leiðinni í þrot. Til að bjarga Evrópusambandinu þarf að efna til víðtækrar efnahagsaðstoðar við þau ríki sem eru á heljarþröm fjárhagslega. Samhliða efnahagsaðstoð þarf að stórauka samrunaþróun Evrópusambandsins með beinni kosningu á æðstu embættismönnum.

Á þessa leið skrifar Alfred Gusenbauer fyrrum kanslari Austurríkis í þýska dagblaðið Die Welt. Kanslarinn fyrrverandi notar orðið Marshall-aðstoð en þar er heitið á bandarískri aðstoð sem kom Vestur-Evrópu á fæturna eftir seinna stríð.

Ríkjasamband sem þarf á Marshall-aðstoð að halda er komið að fótum fram. Og hvaða erindi á Ísland í slíkan félagsskap? Til að veita Evrópusambandinu þróunaraðstoð?

Lántökukostnaður Portúgals eykst

ESB vill banna fjármálakreppur

Skuldakreppa evrulands er orðin svo leið valdhöfum í Brussel að þeir hyggjast banna fjármálakreppur sem þvælast fyrir samrunaþróun álfunnar. Í verkfærakistu embættismanna ESB er m.a. að finna reglugerðir sem banna bognar gúrkur. 

Þegar hægt er að banna náttúrulögmál, segja sérfræðingarnir í Brussel, hvers vegna ekki að útiloka efnahagslögmál frá Evrópusambandinu.

Þegar búið er að banna fjármálakreppur í Evrópusambandinu er næsta mál að banna öldrun álfunni. Lýðfræðitölur sýna æ færri barneignir Evrópubúa og því verður að mæta með reglugerð um eilífa æsku.

Geti bannað mat á lánshæfi evruríkja í vanda