Delors: smáríkin tapa fullveldi í ESB

Eftir því sem stóru ríkin, einkum Þýskaland og Frakkland, vinna nánar saman að lausnum skuldakreppunnar minnkar hlutur smáríkjanna í Evrópusambandinu. Sá sem mælir þessi aðvörunarorð er Frakkinn Jacques Delors, fyrrverandi forseti framkvæmdastjórnar ESB.

Delors var í forsæti fyrir þeim breytingum sem leiddu til Evrópusambandsins eins og það var við upptöku evrunnar. Tíu ár með evru og skuldakreppu að auki breyta sambandinu í stórríkjabandalag þar sem Frakkar og Þjóðverjar leggja línurnar í öllum meginmálum en smáríki eins og Danmörk fylgja í humátt á eftir.

Hvaða erindi á örríki eins og Ísland inn í stórríkjabandalagið ESB? Einhver? 

Delors: Óánægjan með ESB orðin almenn

ESB myndi reikna niður lífskjör Íslendinga

Lífskjör á Íslandi eru betri en að meðaltali  í Evrópusambandinu. Yrðu Íslendingar aðilar að ESB myndi aðildin hægt en örugglega draga lífskjör okkar niður í meðtalið. Evrópusambandið jafnar niður á við, eins og Styrmir Gunnarsson útskýrir á Evrópuvaktinni þegar hann ræðir stöðu frænda okkar Íra.

Nú er afborgun framundan í lok marz og Írar velta því fyrir sér hvort þeir eigi að borga. Félagsmálaráðherra Írlands Joan Burton hefur viljað tengja saman afgreiðslu þessa máls og þjóðaratkvæðagreiðslu um ríkisfjármálasamninginn. Hún vill að Írar samþykki hann ekki nema komið verði til móts við þá vegna bankaskuldanna.

Svör Seðlabanka Evrópu eru athyglisverð. Sá banki segir við Íra: Þið hafið svigrúm til að borga. Hvernig spyrja Írar. Þá segir Seðlabanki Evrópu:

Þið getið lækkað laun opinberra starfsmanna og dregið úr greiðslum velferðarkerfisins. Hvoru tveggja er hærra en á Spáni, í Slóveníu og í Slóvakíu en þessi þrjú ríki eru í hópi þeirra, sem hafa lagt fram peninga til að draga ykkur að landi.

Svona gerast kaupin á eyrinni innan Evrópusambandsins. Þessi veruleiki fæst ekki ræddur á Íslandi, hvorki á Alþingi né annars staðar. Það er eins og þessi veruleiki sé ekki til í hugum þeirra sem vilja að Ísland gangi í Evrópusambandið.

Innganga í Evrópusambandið fæli í sér niðurfærslu á lífskjörum Íslendinga. Er ekki kominn tími til að horfast í augu við staðreyndirnar og afturkalla umsóknina?

Jóhanna staðfestir einangrun Samfylkingar

Jóhanna Sigurðardóttir staðfestir einangrun Samfylkingar í íslenskum stjórnmálum. Á flokksstjórnarfundi Samfylkingar segir forsætisráðherra og formaður flokksins að Samfylkingin ein tali fyrir Evrópusambandsaðild Íslands.

Hingað til hefur Samfylkingin átt nokkra stuðningsmenn ESB-aðildar í Sjálfstæðisflokknum. Þeim fer þó fækkandi. Þorgerður Katrín Gunnarsdóttir þingmaður vill greiða atkvæði um framhald aðildarumsóknarinnar og Þorsteinn Pálsson tekur undir það sjónarmið.

Samfylkingin fékk 29 prósent atkvæða við síðustu þingkosningar og mælist með 19 prósent fylgi í skoðanakönnunum. Engar líkur eru á að einangruð Samfylking komi Íslandi inn í Evrópusambandið. 

Samfylkingin ein með skýra ESB-stefnu

Björn Bjarna: rangfærslur Þorgerðar Katrínar

ESB-sinninn Þorgerður Katrín Gunnarsdóttir þingmaður rangfærir landsfundarsamþykkt Sjálfstæðisflokksins þegar hún segir tillögu sína um að kjósa um framhald aðildarviðræðna við ESB í næstu þingkosningum.

Björn Bjarnason fyrrverandi dómsmálaráðherra ræðir tillögu Þorgerðar Katrínar á Evrópuvaktinni

Landsfundur í nóvember 2011 samþykkti að gert yrði hlé á ESB-viðræðunum og þær yrðu ekki hafnar að nýju fyrr en að lokinni þjóðaratkvæðagreiðslu. Þorgerður Katrín þarf að rangfæra landsfundarályktun sjálfstæðismanna til að réttlæta tillögu sína. Hún er alls ekki í „ágætu samræmi“ við vilja landsfundarins. Að óbreyttu verður þessi tillaga aldrei flutt í nafni Sjálfstæðisflokksins. Hún á ekki heldur neitt erindi í tengslum við þingkosningar þegar mestu skiptir að kjósa fólk á alþingi sem segir afdráttarlaust hvort það vilji aðild að ESB eða ekki.

ESB-sinninn Þorgerður Katrín reynir að kaupa sér pólitískt framhaldslíf með því að vísa ábyrgð á ESB-umsókn í þjóðaratkvæði. Þorgerði Katrínu væri nær að fylgja eftir samþykkt landsfundar Sjálfstæðisflokksins og leggja áherslu á að hlé verði gert á viðræðum við Evrópusambandið.

Vill kjósa um ESB í þingkosningum

Grikkjum bjargað i nokkrar vikur, Portúgal næst

Afskriftir lánadrottna á grískum ríkisskuldum á að heita ,,frjáls" en er þvinguð. Með vafasömum aðferðum er komist hjá því að virkja samninga sem keyptir voru til trygginar á grískum ríkisskuldum. Þegar skuldatryggingar eru teknar úr sambandi verður því erfiðara að fyrir ríki að fá lánað - alþjóðlegir sjóðir einfaldlega treysta ekki að lántaki greiði tilbaka.

Ef Grikkir standa við skuldbindingar sínar og skera niður samkvæmt kröfum ESB og Alþjóða gjaldeyrissjóðsins fer landið í tíu ára samdrátt - en mun samt skulda 120 prósent af landsframleiðslu árið 2020. Enginn trúir því að Grikkir munu láta það yfir sig ganga og því er rætt um þriðja björgunarpakkann.

Næsta ríki á skuldabál evrulands er Portúgal, segir í Telegraph.

Tæplega 84% samþykktu

ESB stundar flokkspólitík á Íslandi

Evrópusambandið rekur sérstaka stofnun, Evrópustofu, til að koma á framfæri stefnumáli sem einn íslenskur stjórnmálaflokkur er með á dagskrá: aðild Íslands að Evrópusambandinu. Aðeins Samfylkingin er með aðild að Evrópusambandinu á stefnuskrá sinni. Allir aðrir starfandi flokkar á alþingi eru með flokkssamþykkir gegn aðild Íslands að Evrópusambandinu.

Evrópusambandið stundar flokkspólitík hér á landi sem ekki er leyfileg samkvæmt íslenskum lögum og brýtur í bága við Vínarsáttmálann um starfsemi sendiráða.

Innanríkisráðherra hlýtur að vekja athygli Evrópusambandsins á íslenskum lögum og alþjóðlegum samþykktum og fara fram á að fullveldi Íslands sé virt.

Innanríkisráðuneytið skoðar kynningu ESB

ESB-samstaða í verki: kúgum Íslendinga

Meingallaðar reglur Evrópusambandsins leyfðu íslenskum útrásarbönkum að ryksuga upp sparifé í Bretlandi og Hollandi. Einkabankarnir fóru á hausinn og áhættusæknir sparifjáreigendur töpuðu.

Málið ætti þar með að vera dautt. Í Evrópusambandinu eru hins vegar ótal leiðir fyrir stórríkin að klekkja á smáríkjum. Breskur þingmaður vill sækja að Íslendingum í gegnum sjóði Evrópusambandsins sem hafa ekkert með bankastarfsemi að gera.

Tillaga breska þingmannsins heggur í sama knérunn og sjávarútvegsdeild Evrópusambandsins: ef Íslendingar beygja sig ekki undir ESB-vald á einu sviði skulum við klekkja á þeim á öðrum stað.

Ástæðan fyrir því að Evrópusambandið telur sig hafa í fullu tré við Íslendinga er þessi ólukkan umsókn Össurar og félaga um aðild að sambandinu. Er ekki heppilegast fyrir alla aðila að vík verði milli vinanna Íslands og Evrópusambandsins?

Vill stöðva greiðslur til Íslands

Upptaka erlends gjaldmiðils er uppgjöf

Frosti Sigurjónsson tekur saman helstu rökin fyrir upptöku annars gjaldmiðils og segir þau léttvæg. Hann vitnar í skýrslu Alþjóða gjaldeyrissjóðsins sem sýnir svart á hvítu að aðeins fátæk ósjálfstæð þjóðríki láta sér til hugar koma að taka upp erlendan gjaldmiðil.

Svo er það evran. Þær þjóðir sem álpuðust inn í evru-samstarfið eru á leiðinni þar út, nema, auðvitað þau fátækustu í Suður-Evrópu.

Ísland er hvorki fátækt land né ósjálfstætt. Við fórnu hvorki fullveldi né krónu.

Litla ESB-hryllingsbúðin

Í Grikklandi er 30 til 40 prósent atvinnuleysi, ríkissjóður er gjaldþrota þrátt fyrir einn og hálfan alþjóðlegan björgunarpakka á tveim árum; árið 2020 verða skuldir Grikkja enn yfir 100 prósent af þjóðarframleiðslu - ef allt fer vel.

Og svo segir forseti framkvæmdastjórnar Evrópusambandsins að það yrði hryllingur fyrir Grikki að yfirgefa evruna - sem er bein orsök þess efnahagshruns sem þjóð Sókratesar og Platóns stendur frammi fyrir.

Er ekki allt í lagi heima hjá Barroso?

Yrði hryllingur að yfirgefa evruna

Grikkir eru fórnarlömb Stór-Evrópu

Stór-Evrópa er verkefni sem hleypt var af stokkunum eftir tvö heimsstríð á síðustu öld, þar sem kveikan í báðum tilvikum var sambúðarvandi stórvelda álfunnar, einkum Þýskalands og Frakklands. Stór-Evrópa átti að leysa sambúðarvandann með því að þjóðir meginlandsins rynnu saman í eina.

Útópían um Stór-Evrópu var keyrð áfram af velviljuðum hugsjónamönnum með tilfinningu fyrir hagnýtum aðferðum. Evrópuvaktin orðar ferlið á þennan veg

Samstarf ríkja á meginlandi Evrópu byrjaði sem tollabandalag. Svo þróaðist það upp í efnahagsbandalag. Þriðja skrefið var gjaldmiðilsbandalag. Fjórða skrefið var ríkisfjármálabandalag, sem varð formlega til í gær. Fimmta skrefið verður pólitískt bandalag. Lokaskrefið verður ríkjasamband-Bandaríki Evrópu.

Hagnýtu aðferðirnar við að búa til Stór-Evrópu voru duldar almenningi. Grikkjum, ekki frekar en öðrum þjóðum, var sagt að samruninn fæli í sér afnám þjóðríkisins.

Vill að Grikkir þakki fyrir sig