64% stjórnenda mótfallnir ESB-aðild

Vinstristjórnin hélt lengi í þá trú að atvinnulífið myndi styðja ESB-umsóknina. Á síðustu vikum er margstaðfest að þetta haldreipi stjórnarinnar er ónýtt. Samtök iðnaðarins gerðu könnun hjá sínum félagsmönnum nýverið og reyndust nærri þrír af fjórum á móti aðild. Það sem meira er þá var meirihlutaandstaða við evru.

Könnun Viðskiptablaðsins núna staðfestir fyrri mælingar á afstöðu til aðildar Íslands að Evrópusambandinu: andstaðan fer vaxandi.

Það þýðir ekki lengur fyrir Össur og ESB-sinna að afsaka andstöðuna með Icesave eða makríl. Þjóðin er á móti aðild, bæði almenningur og atvinnulíf.

Afturköllum umsókn Íslands um aðild að Evrópusambandinu.

Mikill meirihluti stjórnenda á móti ESB

Fyndin frétt um fáránleika evru

Ameríkanar sjá húmorinn í ruglvædda evru-samstarfinu. Í Atlantic  er birt tafla þar sem sýndar eru 100 pólitískar, efnahagslegar og félagslegar breytur og hvernig þær tengja saman þjóðríki.

Það kemur á daginn að tólf helstu evru-ríkin eiga minna sameiginlegt en nánast hvaða tilviljanakennda úrtak sem vera skal. Ríki sem byrja á bókstafnum M eiga meira sameiginlegt en tólf stærstu evru-ríkin innbyrðis.

Mitt í öllum þessum fáránleika verður ESB-umsókn Samfylkinginar skiljanleg: líkur sækir líkan heim.

Ætla að tæta í sundur skilyrði ESB og AGS

Fer Össur til Brussel til að þegja?

EES-ráðið, æðsti pólitíski samstarfsvettvangur Evrópusambandsins og EES/EFTA-landanna Íslands, Noregs og Lichtenstein, fundar eftir viku í Brussel. Samkvæmt frétt norska utanríkisráðuneytisins ætlar Jonas Gahr Störe utanríkisráðherra Noregs að mæta.

Utanríkisráðherra Íslands fær þar tækifæri til að mótmæla yfirgangi Evrópusambandsins gagnvart Íslandi með meðákæru gegn Íslendingum fyrir EFTA-dómstólnum. vegna Icesave-málsins. Mótmæli á þessum pólitíska vettvangi eru í þágu hagsmuna Íslands enda meðákæran pólitísk yfirlýsing framkvæmdastjórnar Evrópusambandsins.

En kannski fer Össur til Brussel bar til að þegja um hagsmuni Íslands.

Hagvöxtur með ríkisútgjöldum

Frambjóðandi sósíalista boðaði hagvöxt með ríkisútgjöldum og bauð lækkun lífeyrisaldurs í kaupbæti. Frönskum kjósendum var tekið að leiðast þýska sparnaðarstefnan með Sarkozy og voru til í ævintýramennsku með Francois Hollande.

Angela Merkel kanslari Þýskalands, sem opinberlega studdi Sarkozy, er undir ágjöf heima fyrir vegna þess hve langan tíma tekur að koma böndum á ríkisútgjöld evru-ríkjanna. Þjóðverjar óttast að þeir verði neyddir til að niðurgreiða lífskjör óreiðuríkjanna í Suður-Evrópu.

Með kjöri Hollande verður Evrópusambandið að finna nýjan pólitískan samnefnara. Þau Merkozy náðu fyrir hönd Frakklands og Þýskalands að knýja fram ríkisfjármálabandalagið sem Holllande vill rífa upp í því skyni að minnka sparnað og auka útgjöld.

Spennandi.

Hollande sigraði Sarkozy

Lýðræðið í Grikklandi og stöðugleiki ESB

Sitjandi ríkisstjórn Grikklands er án lýðræðislegs umboðs, enda leidd til valda af framkvæmdastjórninni í Brussel sem þótti Papandreu forsætisráðherra ekki nógu taumhlýðinn. Stóru flokkarnir í Grikklandi eru skaðbrenndir af áratug evrunnar með óseðjandi neyslu og yfirþyrmandi skuldum.

Grikkir munu í dag kjósa sér andóf gegn ríkjandi elítu í Aþenu og Brussel. Kannski munu andófsflokkarnir bogna þegar þeir komast til valda,- en kannski standa í lappirnar og bjóða framkvæmdastjórninni byrginn.

Lýðræði í Grikkland og stöðugleiki Evrópusambandsins gætu reynst andstæður.

Þingkosningar í Grikklandi

Ósannindin um viðræður án aðlögunar

Ríkisstjórnin, með utanríkisráðherra í fararbroddi, segist í viðræðum við Evrópusambandið um aðild án þess að aðlögun að lög og regluverki ESB fari fram samhliða. Það eru ósannindi eins og sést á margvíslegum aðgerðum sem stjórnvöld standa fyrir til að mæta kröfum Evrópusambandsins.

Styrkir frá Evrópusambandinu er notaðir sem mútufé handa fjársveltum stofnunum. Stjórnsýslan er sett á hvolf til að mæta kröfum sem ekki taka minnsta tillit til íslenskra aðstæðna heldur miðast við milljónasamfélög.

Framferði stjórnvalda gagnvart þjóðinni af óafsakanlegt. Þegar ferlið verður gert upp gæti orðið nauðsyn að kalla landsdóm saman á ný.

Aðlögun í felulitum

ESB-sinnar leggja til atlögu að stjórnarskránni

Össur Skarphéðinsson plantaði frétt í RÚV í gær um nauðsyn þess að breyta stjórnarskránni vegna EES-samningsins. Í morgun var forsíða Fréttablaðsins undirlögð sama boðskapnum og í leiðara var tekið undir með Össuri.

Stjórnarskrá lýðveldisins er þyrnir í augum ESB-sinna sem vilja þynna út fullveldisákvæði stjórnarskrárinnar til að hægt sé að halda áfram aðlögun að Evrópusambandinu.

ESB-sinnar í stjórnmálum og fjölmiðlum koma málflutningi sínum skipulega á framfæri.

 

Reglugerðin ósamrýmanleg stjórnarskrá

Verkalýðshreyfingin vaknar við vondan draum

Sósíalistinn Hollande gæti orðið forseti Frakklands á sunnudag. Víða í löndum Evrópusambandsins eru vinstrimenn í sókn, ekki síst úr röðum verkalýðshreyfingarinnar sem áttar sig á svikum framkvæmdastjórnarinnar í Brussel við grunngildi velferðarríkisins.

Doro Zinke er trúnaðarmaður í þýsku verkalýðshreyfingunni. Í viðtalivið norska dagblaðið Klassekampen segir Zinke að framkvæmdastjórn ESB hafi markaðsvætt velferðarkerfið. Krafan um peningalegan hagnað er sett ofar markmiðum um velferð almennings.

Verkalýðshreyfingin studdi samrunaþróunina í Evrópu enda taldi hún að velferðarkerfið yrði hornsteinn Evrópusambandsins. Svo er ekki, segir Zinke, og lýðræðislegar leikreglur eiga ekki við Evrópusambandið, þar sem það lýtur öðrum leikreglum en kjörin stjórnvöld.

- Þegar Svíar börðust gegn upptöku evrunnar undir þeim formerkjum að þeir vildu vera húsbændur í eigin húsi þá skildum við ekki sænsku launþegasamtökin. Við skiljum þau núna, segir Zinke.

Verkalýðshreyfingin í Evrópusambandinu berst gegn fjármálasáttmálanum sem samþykktur var í vor að kröfu markaðsaflanna. Hollande lofar að endurskoða sáttmálann, verði hann kjörinn forseti núna á sunnudaginn.

Verkalýðshreyfingin á Íslandi fylgist illa með umræðunni í Evrópu. Hér heima mænir forseti ASÍ á aðild að Evrópusambandinu.

Hart tekist á í kappræðum

Evru-ríkin einangrast

Hvorki Bandaríkin né Kanada voru tilbúin að auka framlög sín til Alþjóða gjaldeyrissjóðsins þegar evru-ríkin komu betlandi þangað. Fjármálaráðherra Kanada útskýrir í dagblaðsgreinað vandi evru-ríkjanna sé fyrst og fremst pólitískur, ekki fjármálalegur.

Spánn, sem núna er á kúpunni, sýnir pólitískan vanda í evru-samstarfsins í hnotskurn. Spánn þarf annað tveggja gengislækkun upp á 30 til 40 prósent, til að bæta samkeppnishæfi landsins, eða víðtæka fjármálaaðstoð frá Evrópusambandinu.

Í evru-samstarfinu er gengislækkun útilokuð. Víðtæk fjármálaaðstoð er pólitískt óhugsandi vegna þess að þýskir kjósendur vilja ekki borga hærri skatta til að fjármagna lífskjör Spánverja.

Grein fjármálaráðherra Kanada undirstrikar þá tvo kosti sem evru-samstarfið stendur frammi fyrir. Annað tveggja að brjóta upp samstarfið eða búa til miðstýrt ríkisvald fyrir þau 17-ríki sem mynda evru-samstarfið.

Uppgjörið á milli þessara kosta á eftir að fara fram.

Aftur komin kreppa á Spáni

Fullveldið 1. maí

Verkalýðshreyfingin á Íslandi krefst þess að réttur launafólks til frídaga sé virtur og verslanir loki 1. maí. Baráttudagur verkalýðsins er alþjóðlegur, með upptök sín í Bandaríkjunum fyrir liðlega hundrað árum.

Víða í Evrópu eru mótmælagöngur í dag þar sem fólk vill fá tilbaka glatað fullveldi. Evrópusambandið og efnahagspólitíkin sem rekin er þar á bæ dæmir margar jaðarþjóðir til örbirgðar og eymdar. Fjöldagöngur verða áberandi en sumar þær fámennari segja kannski meiri sögu: 25 ítalskar ekkjur munu mótmæla fátæktarstefnunni sem leiddi eiginmenn þeirra til sjálfsvígs.

Fullveldi er bjargir til að breyta aðstæðum sínum, glíma við aðsteðjandi vanda. Evrópusambandið tekur fullveldið af fólkinu. 

Eign notuð til að þrýsta á að 1. maí verði frídagur