Evran sigrar með tapi: lifi dauðinn

Það er sigur fyrir evruna að ríkisstjórn Spánar sækir um neyðarlán hjá Evrópusambandinu, segir Rajoy forsætisráðherra Spánar. Sigurinn er svo mikill að Finnar vilja sérstaka tryggingu fyrir sínum hluta lánsins og Írar fengu fullvissu um að Spánn fengi ekki lán á betri vöxtum en þeir sjálfir - segir í Telegraph.

Síðast þegar Evrópa var í viðlíka kreppu urðu til slagorð í anda yfirlýsingar Rajoy um sigur evrunnar.

Viva la morte, lifi dauðinn, er arfleifð frá taugabiluðu millistríðsárunum sem skópu rými fyrir kauða eins og Mussolini og Dolla.

Orðræðan á meginlandinu verður sífellt örvæntingarfyllri. Die Welt segir Merkel kanslara hafa 20 daga til að bjarga evrunni. Og sumarfríin í Berlín byrja 20. júní.

Rajoy: Sigur fyrir evruna

ESB er risamús

Stjórnarskrá Þýskalands er 50 blaðsíður og stjórnarskra Bandaríkjanna frá 1787 er 15 síður. Stjórnarskrárlíki Evrópusambandsins, Lissabonsáttmálinn, er 500 blaðsíður og átti að vera undirstaða fyrir sameinaða Evrópu.

Á þessa leið skrifar þýska blaðið Welt og líkir Evrópusambandinu við risamús.

Stökkbreytta risamúsin er orðin heldur lasburða.

Ræða björgun spænskra banka

Í gær Grexit, í dag Spanic - ragnarök á morgun

Evru-hörmungarnar verða tilefni til nýrra orða: Grexit um þjóðargjaldþrot Grikkja og væntanlega úrsögn úr evru-samstarfinu; Spanic um taugaveiklunina í kringum efnahagslegt kviksyndi Spánar.

Úr goðafræðinni eigum við orð sem heitir ragnarök og merkir heimsslit.

Bara tillaga.

Lækkar lánshæfismat Spánar

Þjóðverjar, Norður-Evrópa og framtíð evru

Þjóðverjar eru Norður-Evrópuþjóð og á meira sameiginlegt með Bretum og Norðurlandabúum en Ítölum, Spánverjum og Grikkjum. Evru-samstarfið, á hinn bóginn, bindur Þjóðverja við Suður-Evrópu - og það svo fast að þeir óttast að sökkva.

Ný rannsókn Transparancy Internationalrennir stoðum undir staðhæfingar að víðtæk og almenn spilling í Suður-Evrópu dýpki skuldakreppuna. Í Þýskalandi er aukin umræða um ,,minni Evrópu" í stað ,,meiri Evrópu" sem svar við tilvistarvanda Evrópusambandsins.

Fundur Merkel kanslara Þýskalands og David Cameron forsætisráðherra Breta er að því leyti merkilegur að Bretar standa utan evru og munu ekki ganga inn í myntsamstarfið í fyrirsjáanlegri framtíð.

Þýskur þankagangur nú um stundir er eftirfarandi: við skulum reyna að bjarga evrunni, en ef það tekst ekki og Suður-Evrópa sekkur dýpra í skuldafenið tökum við afleiðingunum og höllum okkur meira í norðurátt og aukum samvinnuna við Bretland og Norðurlönd.

Þýskaland getur ekki eitt leyst vandann

Skipbrot evrópskrar samstöðu

Meirihluti íbúa þeirra landa sem nota evruna telja hana til tjóns fyrir efnahagslífið, samkvæmt skýrslu bandarísku rannsóknastofnunarinnar Pew Research Center. Skýrslan ber heitið Skipbrot evrópskrar samstöðu og dregur upp dökka mynd af viðhörfum almennings í þjóðríkjunum sem mynda Evrópusambandið.

Breski Evrópuþingmaðurinn Daníel Hannan segir frá Slóvakíu sem frá inngöngu hefur fengið 1 milljarð evra í aðstoð frá ESB en er látin taka á sig ábyrgð upp á 13 milljarða evra vegna björgunarsjóðs ESB - sem vel að merkja er fyrir þjóðir með mun hærri þjóðarframleiðslu á mann en Slóvakía. Almenningur veitir ekki stuðning sinn við svona hagpólitíska loftfimleika. 

Eins og hundur sem leitar í eigin ælu, skrifar Hannan, leggur framkvæmdastjórn Evrópusambandsins til að setja skatt á banka til að bjarga ESB. 70 prósent af skatttekjunum mun koma frá Englandi, - sem er ekki í evru-samstarfinu. Líklegt að það gerist, eða hitt þó heldur.

Moody's lækkar sex þýska banka

Evran: löng þjáning og fullveldismissir

Evran er gjaldmiðill sem ekki skiptir sér hætis hót af efnahagskerfi Grikklands. Hvort sem blússandi sigling er á atvinnulífinu og það þyrfti hærri vexti, líkt og var í upphafi aldarinnar, eða hægagangur með þörf fyrir þenslupólitík, líkt og núna, þá er evran yfir það hafin að taka mið af litlu efnahagskerfi eins og Grikklands.

Atvinnuleysi og ósjálfbærar ríkisskuldir eru stærðir sem bólgna út á meðan evran stendur kjurr enda tekur skráning gjaldmiðilsins mið af stóru efnahagskerfum álfunnar, Þýskalands þó fyrst og fremst.

Allar þær tillögur sem ræddar eru nú um stundir til bjargar efnahag Grikklands ganga út á að fullveldi þjóðarinnar verði flutt til Brussel/Berlín. 

Án evru ættu Grikkir möguleika að ná sér upp úr kreppunni á eigin forsendum.

Kaupmáttur Grikkja yrði helmingi minni

Die Welt: tveggja hraða ESB

Kreppa evru-svæðisins mun kljúfa Evrópusambandið í tvo hluta, segir þýska dagblaðið Die Welt, annars vegar evru-löndin 17 og hins vegar þau tíu ríki sem eru í Evrópusambandinu en taka ekki þátt í evru-samstarfinu.

Evru-löndin 17 munu freista þess að ná tökum á skuldakreppunni með stórauknum samruna á sviði ríkisfjármála.

Löndin sem standa utan evru-svæðisins eru næstu nágrannar Íslands: Bretland, Danmörk og Svíþjóð. Þau verða ekki hluti af samrunaferlinun, samkvæmt Die Welt.

Öll Norður-Evrópa stendur utan samrunaferlis ESB, sem Ísland er með umsókn um að verða aðili að, þökk sé Samfylkingunni.

Setja 6,65 milljarða evra í björgun banka

ESB-stjórnin, syndirnar sjö og landsdómur

Björn Bjarnason rekur sjö ástæður fyrir ríkisstjórn Jóhönnu Sig. að hætta viðræðum við Evrópusambandið um aðild Íslands að sambandinu. Flokksfélagar Steingríms J. í Vinstri grænum vekja athygli á að Steingrímur gæti átt yfir höfði sér landsdóm ef hann vitkast ekki í ESB-umræðunni.

Ríkisstjórnin situr enn um stund bjargarlaus. Andstæðingar stjórnarinnar munu dunda sér við að plaffa á 'ana til að kjósendum festist í minni hvílík hörmung ESB-stjórnin er í raun og sann.

Og kjósendur sem vilja afsögn eru orðnir yfir 10 þúsund.

9.358 vilja afsögn Jóhönnu

Steingrímur J. veit ekkert um ESB-áróðurinn

Evrópusambandið rekur Evrópustofu sem hefur 200 milljónir króna úr að spila; sendiherra ESB á Íslandi auglýsir áróðursfundi vítt og breitt um landið en Steingrímur J. Sigfússon efnahags- og viðskiptaráðherra veit ekkert um íhlutun Evrópusambandsins í íslenska umræðu.

Staðreyndin er sú að Steingrímur J. veit ekkert og skilur ekkert nema það komi Evrópusambandinu til góða.

Steingrímur J. er laumuaðildarsinni sem með bellibrögðum og blekkingum reynir að þvinga Ísland inn í ónýta ríkjasambandið.

Ráðuneyti ekki kunnugt um áhrif ESB

ESB-flokkarnir samtals með 22,8% fylgi

Í nýrri skoðanakönnun mælist Samfylking með 13,6 prósent fygli og 9,2 prósent styðja Vinstri græna. ESB-flokkarnir eru komnir út í horn í íslenskum stjórnmálum.

Er ekki kominn tími til að tengja, Steingrímur J. og Jóhanna Sig?

Nema, auðvitað, að skötuhjúin séu að bíða eftir góðum fréttum af evrunni.

Hahahahahahahahahahahahahahah...

Sjálfstæðisflokkurinn með 43,7%