Stærsti mótor evrusvæðisins hikstar

Þetta er nú orðið hálfþreytandi, þessar fréttir af evrusvæðinu. Sama stöðnunin í efnhagagslífinu í nokkur ár. Og nú er það eðalklárinn sem hefur ekki lengur kraft til að hífa efnahagslíf álfunnar upp úr mýrinni. Það er samdráttur í framleiðslu í Þýskalandi. Og Frakkland stendur í stað.

 

Hefur nokkur hér á landi lengur áhuga á ESB?

 

Innflutningur á evrusvæðinu dregur kraftinn úr öðrum hagkerfum eins og lesa má í EUobserver.

 

Frétt mbl.is hljóðar svo: 

 

 

 

Stöðnun og sam­drátt­ur í efna­hag helstu ríkja evru­svæðis­ins veld­ur nú tölu­verðum áhyggj­um, en fram­leiðsla í lang­öflug­asta rík­inu, Þýskalandi, dróst sam­an um 0,2% á öðrum árs­fjórðungi.

Á svæðinu í heild var hag­vöxt­ur­inn eng­inn, 0,0%, og verðbólga fer enn minnk­andi.

Þá mæld­ist eng­inn hag­vöxt­ur í Frakklandi, ann­an árs­fjórðung­inn í röð.

Hag­fræðing­ar segja að haldi þessi þróun áfram á ár­inu auk­ist þrýst­ing­ur á Evr­ópska seðlabank­ann um að beita sér í aukn­um mæli, til að mynda með bein­um kaup­um á rík­is­skulda­bréf­um aðild­ar­ríkj­anna eða seðla­prent­un, eigi að tak­ast að koma í veg fyr­ir skeið verðhjöðnun­ar á evru­svæðinu.

Ekki er langt síðan hag­töl­ur sýndu að ít­alska hag­kerfið væri enn frem­ur á ný farið að skreppa sam­an. Þýska­land, Frakk­land og Ítal­íu eru þrjú stærstu hag­kerfi myntsvæðis­ins. 

Enginn hagvöxtur á evrusvæðinu

Efnahagur ESB enn í frosti

Evrusinnar á Íslandi halda sumir hverjir að það sé til marks um styrk evrusvæðisins að verðbólga á svæðinu er nánast engin. Fréttir berast nú af því að mæld verðbólga á evrusvæðinu hafi í síðasta mánuði lækkað úr 0,5 prósentum í 0,4 prósent. Fjölmiðlar á Íslandi virðast ekki gera sér grein fyrir hættunni sem þetta getur valdið því vandfundin er frétt um þetta.

Þetta þýðir að raunveruleg verðbólga á evrusvæðinu, þ.e. ef hægt væri að mæla allar keyptar vörur og þjónustu en ekki einungis úrtak, er líklega undir núllinu. Atvinnuleysi helst enda hátt þrátt fyrir árstíðabundna lækkun um 0,1 prósent.  

Þetta merkir að Seðlabanki Evrópu er nánast gagnslaus í því að koma hjólum atvinnulífsins á stað á ný þrátt fyrir dælingu á ódýru lánsfé út í hagkerfið. Reyndar á bankinn að stuðla að því að verðbólgan verði sem næst tveimur prósentum. Hann bara getur það ekki.

Víða í Evrópu hafa menn verulegar áhyggjur af þessu, en skilningur á ástandinu er ekki alls staðar jafn ríkur. Ekki er t.d. að auðfundin frétt um þetta á áróðursmiðli ESB, Euronews. Seðlabanki Evrópu gerir sér þó fulla grein fyrir þessu eins og BBC greinir hér frá.