Stór meirihluti Norðmanna andvígur aðild að ESB - afturköllum umsóknina!

Eins og þessi frétt ber með sér er stór meirihluti Norðmanna andvígur aðild að ESB. Ríflega 70 prósent þeirra vill ekki að Noregur verði hluti af ESB. Aðeins tæp 18 prósent þeirra eru hlynntir aðild.

Hvenær ætlar núverandi ríkisstjórn að klára það mál að afturkalla umsóknina? Það er ekki eftir neinu að bíða með það.  

Meirihluti áfram gegn ESB-aðild

Helmingur ungra Spánverja án atvinnu

Alls eru um 54% ungs fólks í evrulandinu Spáni án atvinnu. Þar með slær Spánn út evrulandið Grikkland, en þar eru 53% án fólks á aldrinum 16-24 ára án atvinnu. 

 

Evrudraugurinn lætur ekki að sér hæða .....

 

Sjá nánar hér. 

 

Jóhanna Sigurðardóttir er hundfúl með ESB

Jóhanna Sigurðardóttir, fyrrverandi forsætisráðherra, er ein af þeim konum sem er mjög ósátt við karlaveldið í ESB. Hlutur kvenna í stjórnunarstöðum hefur verið heldur rýr í sambandinu, einkum eftir því sem ofar dregur, svo sem í framkvæmdastjórninni. Sum ríki hafa aldrei tilnefnt konu í framkvæmdastjórnina. Jóhanna vill breyta þessu!

Nánar um þetta hér.  

Seðlabanki Evrópu ræður ekki við verkefnið

Þessi frétt greinir frá því að Seðlabanki Evrópu er langt frá markmiði sínu um 2% verðbólgu. Bankinn hefur verið langt frá markmiði sínu í talsverðan tíma. Æ fleiri hallast nú að því að Seðlabanki Evrópu ráði ekki við það verkefni sem honum hefur verið ætlað. Hin hliðin á þessum peningi, evrunni, er að atvinnuleysi helst í háum hæðum og framleiðslustigið er í krepptum dal.

Minnsta verðbólga í tæp 5 ár

Vélarvana risaskip í hættu skammt frá Íslandi!

Það er vélarvana risaskip sem leki hefur komið að skammt frá Íslandsströndum. Áhöfnin er ósamstíga og ringluð yfir ástandinu og veit ekki hvernig skuli bregðast við. Rifist er um að fá að stýra, vélstjórarnir koma skipsvélinni ekki almennilega í gang, heldur höktir hún svo skipið rétt færist úr stað. Loftskeytamaðurinn hamast við að ausa.

Þetta er í stuttu máli lýsing the Economist á ESB í dag. Mynd þeirra segir meira en mörg orð.

 

Atvinnuleysi sívaxandi í evrulandinu Frakklandi

Stutt er síðan ríkisstjórn Frakklands sprakk vegna átaka um efnahagsstefnu ESB sem Frakkar eru knúnir til að fara eftir. Nú berast þær fréttir að atvinnuleysi heldur stöðugt áfram að aukast í Frakklandi vegna aðhaldsstefnu ættaða frá ESB. Nú eru 3,4 milljónir Frakka án vinnu. Alls bættust 26 þúsund manns á atvinnuleysislistann í Frakklandi í júlí eins og frétt í EUobserver ber með sér.

Rök ESB-sinna hverfa eitt af öðru

Það er þá ljóst að verðtrygging er heimil í ESB og rök ýmissa ESB- og evrusinna því fokin út í veður og vind um að verðtrygging yrði bönnuð ef við værum í ESB.

Falsrök ESB-sinna falla því dauð hvert af öðru ....

Verðtrygging ekki bönnuð

ESB kann sér ekki hóf

Þessi frétt er ein hliðin á þeirri skoðun að ESB hefði aldrei átt að vera stærra en Þýskaland, Austurríki, Frakkland og Beneluxlöndin - og e.t.v. með Bretlandi og fáeinum öðrum jaðarlöndum án evrunnar. Fréttin endurspeglar þá skoðun stórs hluta Evrópu að ESB er að verða að risa sem hefur vaxið úr hófi þannig að hann stendur ekki undir sér lengur. Löndin á ysta jaðri og evran eru að kafsigla ESB.

Vilja ekki frekari stækkun ESB

Feitir bitar fyrir ESB-uppana

Þetta er enn ein fréttin um ofurlaun þeirra sem ganga ESB-elítunni á hönd:

 

Mbl. segir svo frá: 

Fjór­ir full­trú­ar í fram­kvæmda­stjórn Evr­ópu­sam­bands­ins, sem setið hafa tíma­bundið í henni frá því síðastliðið vor, fá sam­tals 500 þúsund evr­ur í heild­ar­laun hver fyr­ir fjög­urra mánaða vinnu eða sem nem­ur rúm­um 19 millj­ón­um króna á mánuði.

Full­trú­arn­ir, þau Mart­ine Reicherts frá Lúx­emburg, Jacek Dom­inik frá Póllandi, Fer­d­in­ando Nelli Feroci frá Ítal­íu og Jyrki Katain­en frá Finn­landi, tóku all­ir sæti tíma­bundið í fram­kvæmda­stjórn­inni eft­ir að kosn­ing­arn­ar til Evr­ópuþings­ins í lok maí þar sem fjór­ir full­trú­ar sem áður höfðu setið í henni voru kjörn­ir á þingið.

Frá þessu grein­ir þýska tíma­ritið Der Speig­el. Nú­ver­andi fram­kvæmda­stjórn­in læt­ur af störf­um í haust en ný tek­ur við 1. nóv­em­ber og sit­ur næstu fimm árin. 

Með 19 milljónir í laun á mánuði

Þýskt ráðgjafarfyrirtæki í ESB-áróður á Íslandi

ESB gefst ekki upp við að reyna að halda hér úti áróðri. Íslendingarnir í Evrópustofu stökkva frá borði eins og rottur af sökkvandi skipi. Þá er þýskt almannatengslafyrirtæki sett í að reka Evrópustofu. 

Er þetta hægt?

Allir starfsmenn Evrópustofu hættir