Verkafólk tapar á ESB

Verkafólk hefur víða farið illa út úr aðild sinna landa að ESB. Atvinnuleysið hefur verið að meðaltali á bilinu 10-12 prósent í evru- og ESB-löndunum. Evrusvæðið stendur sig að jafnaði heldur verr en önnur lönd í ESB að þessu leyti. Ein af ástæðum þess að Samfylkingin hefur ekki náð því flugi sem stofnendur hennar vonuðust í upphafi er að hún misreiknaði það hvaða þýðingu ESB og evran hefur fyrir venjulegt verkafólk. Það tapar nefnilega að meðaltali mest á ESB og evrunni eins og sést í Grikklandi, Spáni, Ítalíu, Portúgal, Írlandi, Eistlandi og víðar. Stjórnsýslu- og embættismannaelítan og ákveðnir hópar í kringum hana tapa minnst.

Forysta ASÍ hefur algjörlega misskilið hlutverk sitt og gert það að köllun sinni að þrýsta Íslendingum inn í ESB og evrusamstarfið. Þessi tengslalausa forysta hefur ekkert umboð til þess frá venjulegu verkafólki á Íslandi að tifa og tönnlast stöðugt á því að Ísland eigi að ganga í ESB og taka upp evru. 

Í gær minnti hópur fólks í tengslum við Heimssýn, Nei við ESB, Herjan og Ísafold á að ekki er heppilegt fyrir Íslendingar að binda trúss sitt við ESB og evruna og tók þátt í fyrsta maí göngunni undir merkjum Nei við ESB.

Það var þörf áminning um það hvað er heppilegt og hvað ekki fyrir verkafólk á Íslandi.

Meðfylgjandi eru myndir sem voru teknar í göngunni og síðan af hluta af okkar fólki eftir gönguna:

 

 

 

 

 

 

 

 

 

 

 

 

 

 

 

 

 

 

 

Það er enn hörkuvetur í Grikklandi

Það hefur verið kuldalegt um að litast á evrusæðinu, efnahagslega séð. Álfan hefur búið við hið mikla sjúkdómseinkenni, verðhjöðnun, um nokkurt skeið. Heldur hefur hið efnahagslega hitastig þokast upp á við, eða úr mínus 0,1 og upp í núll frá mars til apríl. En það er með þetta eins og annað í efnahagsmálum og hagfræði. Meðaltalið segir aðeins hluta sögunnar. Þótt hið efnahagslega hitastig sé nú bærilegt í Þýskalandi og helstu nágrannalöngum þess er enn frostavetur á Spáni og í Grikklandi. Þar er um fjórðungur íbúa án átvinnu og um helmingur ungmenna er hvorki í skóla né vinnu. 

Mbl.is greinir svo frá:

Verðbólga í 19 ríkj­um evru­svæðis­ins mæld­ist eng­in, eða 0%, en 0,1% verðhjöðnun mæld­ist í mars. Helsta skýr­ing­in á verðhjöðnun­inni und­an­farna mánuði er lækk­un á orku­kostnaði. 

Ljóst er að Seðlabanki Evr­ópu mun fagna þess­um frétt­um en í mars var gripið til viðamestu aðgerða sem bank­inn hef­ur gripið til í pen­inga­stefnu­mál­um.

At­vinnu­leysi er áfram 11,3% en það mæld­ist 11,7% fyr­ir ári síðan. Afar mis­mun­andi er eft­ir evru­ríkj­un­um hversu hátt hlut­fall íbú­anna er án at­vinnu. Í Þýskalandi mæl­ist at­vinnu­leysið 4,7% á meðan það er 25,7% í Grikklandi. Um helm­ing­ur ung­menna í Grikklandi og Spáni eru án at­vinnu.

Verðhjöðnun að baki á evrusvæðinu

Össur gengur í Nei við ESB

Það er alltaf skemmtilegt þegar nýir félagar ganga til liðs við okkur í Heimssýn og Nei við ESB. Ekki er verra að geta flaggað jafn miklum höfðingjum og Össuri Skarphéðinssyni, jafnvel þótt það sé í skamma stund.

Þessi mesti kratahöfðingi vorra tíma hér á landi lagði okkur lið við gerð hinna skemmtilegu myndbanda, sem góðir liðsmenn okkar hafa unnið á síðustu dögum og vikum, og gekk í mynd með okkur.

Til að gæta sanngirni gagnvart Össuri skal þó tekið fram að hann yfirgaf sviðsmyndina eftir stutta viðdvöl. Össur er lengst til hægri á myndinni en það er okkar góða liðskona og ritari Heimssýnar, Halldóra Hjaltadóttir sem er í viðtali.

 

 

Sjá nánar hér:

https://www.facebook.com/177477475637222/photos/pcb.938690812849214/938688306182798/?type=1&theater

Og svo er viðtalið við Halldóru aðgengilegt hér:

https://www.youtube.com/watch?v=9VefV1bycDM

Lítið eftirlit með sjóðasukkinu í ESB

Flestum er kunnugt um að endurskoðendur og eftirlitsmenn hafa í áravís gert mjöl alvarlegar athugasemdir við reikninga Evrópusambandsins, reyndar svo alvarlegar að reikningarnir hafa ekki verið undirritaður. Nú neita þingmenn ESB að samþykkja reglur um skoðun á meðferð þeirra á styrkjum til þeirra sem nema um sjö milljónum króna á ári og eiga að mæta ýmsum skrifstofu- og ferðakostnaði.

Sænsku vefurinn Europaportalen greinir frá þessu og segir jafnframt að ESB-þingmenn Svía hafi allir stutt breytingar á vinnureglum sem hefðu falið í sér aukið eftirlit. Meirihlutinn á ESB-þinginu kom hins vegar í veg fyrir að reglur um rannsókn og aukið eftirlit yrðu samþykktar. Það er því ekkert vitað hvernig þessum fjármununum er varið.

Stjórnmálamenn og embættismenn í ESB hafa ekki þurft að kvarta yfir þeim launum og styrkjum sem þeir fá. Per G. Gyllenhammar, fyrrverandi forstjóri Volvo, segir í nýlegri bók að það séu aldrei bestu eða þekktustu stjórnmálamennirnir hverju sinni sem veljist til forystu og hæstu embætta í ESB. Slíkt fólk veljist til forystu í sínum heimalöndum. En þetta annars- og þriðjaflokks stjórnmála- og embættismannalið í ESB þarf þó ekki að kvarta yfir kjörunum. Launin eru á bilinu sem svarar einni og hálfri milljón króna og upp í fjórar milljónir króna á mánuði, auk kostnaðarstyrkja fyrir álíka fjárhæðir án þess að fullnægjandi eftirlit sé með notkun þeirra skattpeninga.

ESB sér vel um toppana á meðan almenningur í mörgum löndum býr við hrikalegt og langvarandi atvinnuleysi.

Hér má sjá yfirlit yfr laun embættis- og stjórnmálamanna í ESB.

Sjá einnig hér