Fimmta herdeildin

Til eru menn sem vilja að stjórn lands og þjóðar sé í útlöndum.  Í venjulegu árferði eru þeir fáir, en það fjölgar í hópnum þegar bjátar á og raddir boðbera töfralausna á vandmálum verða háværar. 

Ástæður þess að þessir menn vilja stjórnina úr landi eru ýmsar.  Sumir telja sig geta hagnast á breyttu stjórnskipulagi með einum eða öðrum hætti, en aðrir telja einfaldlega að heimamenn séu of heimskir og vitlausir til að geta stjórnað. 

Fyrir þessu fólki vefst ekki að fórna lýðræðinu.  Það hugsar eins og Kínverjinn sem spurði “Hví skyldi ég vilja lýðræði þegar ég hef stjórn sem útvegar mér vinnu, sjónvarp og loftkælingu?”. 

Til eru samtök sem vinna að því að stofna sambandsríki Evrópu, umfram það sem þó er orðið.  Til skamms tíma var hópur Íslendinga þar innanborðs.  Sá hópur var hávær heima fyrir og lætur nú á sér kræla á ný.  Sem fyrr, er lofað gulli og grænum skógum, bara ef valdið er flutt til útlanda.  Það vefst ekki fyrir trúboðinu að flestir þeirra sem fyrir eru í Evrópusambandinu eiga ekkert gull, bara tóma vasa.

Hjörtur J. Guðmundsson veltir samtökunum fyrir sér og sögulegum tengslum Íslendinga í Evróputrúboðinu við þau á vefsíðunni fullveldi.is

http://fullveldi.is/?p=3543

Kókauglýsing Evróputrúboðsins

Hjörtur J. Guðmundsson rifjar upp tugguna um að það þyrfti að "kíkja í pakkann".  Það var á þeim árum þegar mest lá á að innlima Ísland í Evrópusambandið og öllum brögðum beitt til að ýta því máli áfram.  Allir sem til málsins þekktu vissu hvað í pakkanum var, enda var orðunum ekki beint til þeirra.  Þeim var beint til þeirra sem ekki höfðu þann áhuga á stjórnmálum að þeir vissu að pakkinn stóð opinn.  Þau áttu að tengja Evrópusambandið við barnslega tilhlökkun til jólanna. Þegar mætti opna yrði kátt í höllinni.  

http://fullveldi.is/?p=2524