Fimmta herdeildin

Til eru menn sem vilja að stjórn lands og þjóðar sé í útlöndum.  Í venjulegu árferði eru þeir fáir, en það fjölgar í hópnum þegar bjátar á og raddir boðbera töfralausna á vandmálum verða háværar. 

Ástæður þess að þessir menn vilja stjórnina úr landi eru ýmsar.  Sumir telja sig geta hagnast á breyttu stjórnskipulagi með einum eða öðrum hætti, en aðrir telja einfaldlega að heimamenn séu of heimskir og vitlausir til að geta stjórnað. 

Fyrir þessu fólki vefst ekki að fórna lýðræðinu.  Það hugsar eins og Kínverjinn sem spurði “Hví skyldi ég vilja lýðræði þegar ég hef stjórn sem útvegar mér vinnu, sjónvarp og loftkælingu?”. 

Til eru samtök sem vinna að því að stofna sambandsríki Evrópu, umfram það sem þó er orðið.  Til skamms tíma var hópur Íslendinga þar innanborðs.  Sá hópur var hávær heima fyrir og lætur nú á sér kræla á ný.  Sem fyrr, er lofað gulli og grænum skógum, bara ef valdið er flutt til útlanda.  Það vefst ekki fyrir trúboðinu að flestir þeirra sem fyrir eru í Evrópusambandinu eiga ekkert gull, bara tóma vasa.

Hjörtur J. Guðmundsson veltir samtökunum fyrir sér og sögulegum tengslum Íslendinga í Evróputrúboðinu við þau á vefsíðunni fullveldi.is

http://fullveldi.is/?p=3543

Athugasemdir

[Óskar Helgi Helgason (IP-tala skráð) 23.7.2021 kl. 00:11]

Komið þið sæl; Heimssýnarfólk - sem aðrir gestir, ykkar.

Haraldur Ólafsson !

Sýnir ástandið í landinu ekki í hnotskurn; hversu brýnt er, að þið undirbúið af kostgæfni framboð Heimssýnar sjálfrar til September kosninganna: raunverulega ?

Tökum dæmi; af amlóðahætti Guðlaugs Þórs Þórðarsonar t.d., í öllum hans smeðjulegheitum gagnvart Brussel - Berlínar (ESB) öxlinum, ekki gat hann / og gerir ekki úr þessu, neina bragarbót varðandi íslenzka velunnara ESB/NATÓ, viðvíkjandi fjandskapinn í garð Rússneska Sambandslýðveldisins, svo aðeins sje nefnt, t.d.

Og gleymum aldrei; niðurstöðunni í Orkupakka III afgreiðzlu alþingis í September 2019, þá Ásmundur Friðriksson var hinn eini stjórnarþingmanna, sem stóð í sína fætur í því máli, þrátt fyrir ýmsa hans ágalla, gagnvart öðrum málaflokkum.

Heimssýn - Miðflokkurinn og Flokkur fólksins; kynnu að ylgja óstjórnarklíkunni verulega undir uggum, með ákveðnu kosninga bandalagi gagnvart Engeyinga/ Samherja Mafíunni þann 25. IX. n.k. - og það þarf raunverulega að gerast:: eigi ekki verr að fara, en orðið er.

Fullvíst má ætla; að Orkupakkar IIII og V sjeu uppi í ermum Bjarna Benediktssonar - Katrínar Jakobsdóttur og Sigurðar Inga Jóhannssonar, þó þau myndu aldrei viðurkenna það, í aðdraganda kosninganna.

Mbkv; af Suðurlandi /

Óskar Helgi Helgason

Sölumaður sjerhæfðra verkfæra; fyrir Málmiðnað - til sjávar og sveita //

Gsm: 618 5748

[Jónatan Karlsson, 23.7.2021 kl. 07:14]

Er óeðlilegt að lýðræðis og þjóðernisloginn dofni í brjósti hvers, sem er þegar, eða gerir sér rökstuddar vonir um að verða hálaunaður embættismaður í flokki þeirrar elítu sem hafin er yfir öll landamæri?

[Óskar Helgi Helgason (IP-tala skráð) 23.7.2021 kl. 12:26]

Komið þið sæl; á ný.

Jónatan Karlsson !

Engan skyldi undra; tortryggni þín er rjettmæt, hvað alla þróun mála snertir á komandi tímum, sem og að undanförnum árum og áratugum að óbreyttu sýnist mjer:: svo sem, ágæti drengur.

Með sömu kveðjum; sem fyrri /