Sjö minnispunktar

Þessa dagana fara sumir mikinn í umræðu um vaxtamál og evru.  Rétt er að rifja upp nokkur atriði í því sambandi.

1. Raunvextir eru mælikvarði á verð á lánsfé, ekki nafnvextir. Raunvextir á íbúðalánum á Íslandi eru frá því að vera neikvæðir upp í um 4%.  Það er ekki sérlega hátt í sögulegu samhengi.
2. Þung greiðslubyrði kallar á tæknilegar útfærslur, ekki breytingu á gjaldmiðli.
3. Ekki er augljóst samhengi milli stærðar myntsvæða, raunvaxta og verðbólgu.
4. Í sumum löndum, innan og utan Evrópusambandsins má segja að gefið sé með lánsfé. Raunvextir eru með öðrum orðum neikvæðir.  Deila má um hvort slíkt sé réttlátt, en í því sambandi er rétt að hafa í huga að eignamenn skulda oft mikið.  Þeir hafa eignir sínar gjarnan bundnar í fyrirtækjum og fasteignum.  Stærstu lánveitendur eru iðulega eftirlaunasjóðir.
5. Sé pólitískur vilji til þess að færa peninga frá fjármagnseigendum til skuldara er hægur vandi að hækka fjármagnstekjuskatt og vaxtabætur. Það er miklu nærtækara og margfalt einfaldara en að taka upp nýjan gjaldmiðil sem óvíst er hvernig muni hegða sér í framtíðinni.  
6. Ekkert bannar evrópskum bönkum að stofna útibú á Íslandi. Þeir virðast bara ekki hafa áhuga á því.  Ekki er augljóst að áhugi þeirra yrði meiri þótt evra væri notuð á Íslandi.  Bankamenn kunna upp til hópa að reikna verðgildi peninga í ólíkum gjaldmiðlum.  Þeir kunna líka á ýmis konar framvirka gengissamninga og finnst gaman að selja svoleiðis.
7. Verulegt óhagræði er af því að nota gjaldmiðil sem er ekki í neinu sambandi við efnahagsástandið. Færa má fyrir því rök að öreigar tapi mestu á slíku fyrirkomulagi.

 

Bannað

Fyrir nokkrum áratugum bárust öðru hverju fréttir af því að menn hefðu verið nappaðir fyrir "and-sovéskan áróður" í Sovétríkjunum sálugu. Þá hristu vesturlandabúar höfuðið og prísuðu sig sæla fyrir að búa við þokkalegt frelsi til orðs og æðis. 

Það er af sem áður var.  Evrópusambandið bannar fréttasíður sem því finnst vondar og sett hafa verið lög sem bera skammstöfunina DSA og eiga að taka á illmælgi og því sem Evrópusambandinu finnst að ekki eigi að segja. Maður að nafni Elon Musk hefur verið stórtækur á netinu og hann fékk um daginn viðvörun frá Evrópusambandinu.  Sagt er að hann íhugi að hætta að bjóða þegnum sambandsins þjónustu sína. 

Viðvörun Evrópusambandsins er forvitnilegur lestur, en hana má sjá ef smellt er á tengilinn hér að neðan.  Í henni segir m.a.:

... when you receive notices of illegal content in the EU, you must be timely, diligent and objective in taking action and removing the relevant content when warranted. We have, from qualified sources, reports about potentially illegal content circulating on your service despite flags from relevant authorities.

Ekkert er nýtt undir sólinni segja þá þeir sem muna fréttir frá Sovétríkjunum.

https://www.theguardian.com/technology/2023/oct/10/eu-warns-elon-musk-over-disinformation-about-hamas-attack-on-x

Dónaskapur

Norðmenn afþökkuðu aðild að Evrópusambandinu í þjóðaratkvæðagreiðslu fyrir tæpum 3 áratugum síðan.  Atkvæði féllu 52% - 48%, fullveldissinnum í vil.  Það hefði getað farið verr, en margt má af þessu ævintýri Norðmanna læra.  Eitt af því er að viðstöðulaus hræðsluáróður Evrópusinna útvegaði mörg atkvæði, en áróðurinn reyndist svo tómt bull.  Margir muna platið og staðan nú er sú að stór meirihluti Norðmanna hefur alls ekki áhuga á að gerast þegnar í Evrópusambandinu. 

Furðu stór hluti stjórnmálastéttarinnar og margir embættismenn eru ósammála meirihluta norsku þjóðarinnar í því máli.  Sjaldan er um það fjallað og segja má að þar fari opinbert leyndarmál.  Ástæðan fyrir dálæti margra norskra stjórnmála- og embættismanna á Evrópusambandinu er enn meira leyndarmál og er aldrei rædd.  Það þykir nefnilega óviðeigandi að halda því fram að einkahagsmunir stjórni ferðinni hjá umboðsmönnum almennings.  Það þykir dónalegt að benda á þá staðreynd að aðild að Evrópusambandinu kallar á mikla útþenslu hins opinbera og fjölmörg atvinnutækifæri fyrir þá sem róa á þau mið, bæði innanlands sem og í Brussel.   

Stundum er sannleikurinn dálítið dónalegur.

 https://neitileu.no/aktuelt/frykter-en-mer-eu-positiv-regjering

Að ganga í mafíuna

Sú var tíð að menn héldu að Evrópusambandið væri aðallega bandalag um staðla og þvíumlíkt.  Upp á síðkastið hefur heldur betur komið í ljós að Evrópusambandið er, ásamt mörgu öðru, hernaðarbandalag.  Búið er að farga hálfri milljón manna í A-Evrópu á hálfu öðru ári, og Evrópusambandið hefur lagt sitt af mörkum við það verk.  Engu að síður suðar litill hópur um að að koma Íslendingum þarna inn.

Að óska þess að ganga í Evrópusambandið til að fá afslátt af peningum eða einhverju öðru, er eins og að biðja um að ganga í mafíuna í von um að fá 1% afslátt af ólífuolíu – og komast svo að því eftir inngöngu að afsláttartilboðið er útrunnið.   

Þingmenn þegja

Fréttir berast af fyrirhuguðu framsali á ríkisvaldi til Alþjóðaheilbriðgðisstofnunarinnar.  Allt er það mál hið skrýtnasta, en Arnar Þór Jónsson, varaþingmaður, ætlar nú að gera gangskör í því að útskýra málið.  Hann og margir aðrir hafa komist að því að of langt sé gengið. 

Þá ber svo við að þingmenn, sem bera þunga ábyrgð í málinu, steinþegja. Hvernig stendur á því?

https://arnarthorjonsson.blog.is/blog/arnarthorjonsson/entry/2295637/ 

Gæludýrið sem étur húsbónda sinn

Eitt stærsta vandamálið við EES-samninginn, fyrir utan hvað það kostar mikið að eltast við allar reglur sem í gegnum hann koma, er hversu lifandi hann er.  Hann er skepna sem sífellt sækir meira vald handa Evrópusambandinu, á kostnað aðildarríkja EES.  Hann er eins og gæludýr sem stækkar og stækkar, verður í sífellu heimtufrekara og endar á að éta húsbónda sinn. 

Hjörtur J. Guðmundsson fer skilmerkilega yfir nokkur atriði þessa máls í ágætri grein í Morgunblaðinu 24. október 2023.

  https://www.fullveldi.is/?p=33679

Nýtt tímarit - Heimaey

Sú var tíð að útgáfa blaða og tímarita var öflug á Íslandi.  Margir líta með söknuði til þess tíma.  Það er ekki að ástæðulausu, því sú útgáfa var að miklu leyti um íslensk málefni og á íslensku.  Annað hefur tekið við og mikið af því er á ensku.

Það er Heimssýn mikið fagnaðarefni að nú hefur hafið göngu sína nýtt tímarit sem ber nafnið Heimaey.  Að baki Heimaeyjar stendur Arnar Þór Jónsson, varaþingmaður og fv. dómari.  Í ritinu er fjallað um ýmis samfélagsmál, lög og rétt.  Óhætt er að segja að í Heimaey ríkir djúpur skilningur á gildi fullveldis og lýðræðis.  Það er ekki ónýtt. 

 

https://arnarthorjonsson.blog.is/blog/arnarthorjonsson/entry/2295294/

 

 

Perlur á þræði

Í ræðum Arnars Þórs eru margar perlur.  Hann hefur mælt þær af munni fram á fundum víða um land undanfarna daga.  Geri aðrir betur! 

Neðst í þessum pistli er tengill á ræðurnar. 

https://arnarthorjonsson.blog.is/blog/arnarthorjonsson/entry/2295475/

Snorri flengir húskarl Úrsúlu

"Hæg er leið til Helvítis, hallar undan fæti" eru þau orð sem fyrst koma upp í hugann þegar í ljós kemur að Evrópusambandið hefur dregið réttar ályktanir af viðbrögðum við ritskoðun og banni á fjölmiðlum sem stjórnvöldum fannst vondir.   

Viðbrögðin voru lítil sem engin og hin eðlilega ályktun að óhætt væri að halda áfram á sömu braut.  Andstöðu virðist helst vera að finna norður á Íslandi, t.d. í föstudagspistli Snorra Mássonar, ritstjóra á ritstjóri.is, þegar komið er 25 mínútur og 45 sekúndur inn í þáttinn.

 

https://www.ritstjori.is/p/frettir-vikunnar-afsogn-ofyndin-ra 

Arnar Þór á Akranesi í dag og á Akureyri á mánudag

Arnar Þór Jónsson mun ræða fullveldismál og annað sem máli skiptir í tónlistarskólanum á Akranesi í dag, laugardaginn 14. október kl. 13 og á Akureyri á mánudagskvöld.  Allir hjartanlega velkomnir!

https://www.facebook.com/groups/439592811666682/