Það er grundvallarspurningin

Haraldur Ólafsson ræðir um valdið og straum þess til Brussel í viðtali á Útvarpi sögu í dag. Til umræðu er m.a. frumvarp á Alþingi um forgang Evrópulöggjafar.  Haraldur hvetur til þess að málin séu skoðuð í víðu samhengi og menn spyrji hver eigi að ráða á Íslandi.  Á það að vera Alþingi sem kosið er af fólkinu í landinu eða einhver annar? Það er grundvallarspurning. 

EES-samningurinn hefur fengið á sig goðsagnakenndan blæ, en þegar betur er að gáð er ekki ljóst að samfélagið væri svo ýkja frábrugðið því sem nú er, ef EES væri ekki til.  

Þegar til framtíðar er horft hljótum við að sjá fremur víðtæka fríverslun, en að sérhver þjóð setji sér sjálf lög. 

https://utvarpsaga.is/eigum-ad-nyta-taekifaerid-og-endurskoda-ees-samstarfid-og-spyrja-hver-eigi-ad-rada-a-islandi/

Hægfara afnám lýðræðis

Sífellt fleiri hafa áhyggjur af því sem í viðtali við Stefán Má Stefánsson, lagaprófessor, er kallað "útvíkkun EES-samningsins" og í Noregi hefur verið nefnt "skapandi túlkun á EES-samningnum".

Í stuttu máli gengur þessi "útvíkkun" eða "skapandi túlkun" út á að færa aukið vald frá lýðræðislega kjörnum stjórnvöldum í aðildarríkjum EES til Evrópusambandsins.  

Kalla má þetta hægfara afnám lýðræðis.  Viljum við það?  

 

https://www.mbl.is/frettir/innlent/2023/03/27/algjorlega_breyttar_forsendur/

 

Og að vanda tekur Arnar Þór málið til krufningar: 

https://arnarthorjonsson.blog.is/blog/arnarthorjonsson/entry/2288703/

 

Heimssýn á Fasbók: 

https://www.facebook.com/groups/heimssyn

Hvenær er nóg nóg?

Evrópusambandið hyggst leggja útblástursskatt á flug.  Sá skattur mun vitaskuld leggjast þyngra á Íslendinga en aðra í EES.  Miklu, miklu, miklu þyngra. 

Spurt verður um skattinn og verður þá einhver til að svara því að það verði að draga úr útblæstri. 

Ef einhver skyldi spyrja hvernig á því standi að til að draga úr útblæstri sé nauðsynlegt að flytja himinháar upphæðir frá Íslendingum til Evrópusambandsins mun fátt verða um svör.

Alveg eins og þegar spurt var hvers vegna Evrópusambandið ætti að ráða einhverju í orkumálum á Íslandi.

Fer ekki að verða komið nóg?
 

https://arnarthorjonsson.blog.is/blog/arnarthorjonsson/entry/2288662/

 

Heimssýn á Fasbók: 

https://www.facebook.com/groups/heimssyn

Áhrif breytast í sæti

Hjörtur J. Guðmundsson bendir á að orðræðan um áhrifin hafi breyst:  

Þannig töluðu þeir hér áður iðulega um það að Ísland þyrfti að ganga í Evrópusambandið til þess að hafa þar áhrif en hafa í seinni tíð yfirleitt kosið að tala þess í stað um „sæti við borðið“.

Sumum finnst Evrópusambandið ólýðræðislegt.  Það verður þó aldrei svo ólýðræðislegt að smáríki á borð við Ísland muni einhverju ráða. 

 

https://www.visir.is/g/20232394560d/versnandi-stada-famennari-rikja-esb

 

Heimssýn á Fasbók:  

https://www.facebook.com/groups/heimssyn

Heimssýn á Fasbók

Heimssýn hvetur landsmenn alla, til sjávar og sveita, að fylgja félaginu á nýjum stað á Fasbókinni, en hann er hér: 

https://www.facebook.com/groups/heimssyn

 

Evrópusambandið sendir meira púður og fleiri byssukúlur á vígvöllinn

Ekki er langt síðan áhugamenn um innlimun Íslands í Evrópusambandið sóru og sárt við lögðu að ekkert væri fjarri sanni en að Evrópusambandið hygði á hernað eða yrði einhvers konar hernaðarbandalag.  Fjöldi fólks trúði því í alvöru. 

Nú kaupir Evrópusambandið púður og byssukúlur fyrir stjarnfræðilega háar upphæðir og sendir allt austureftir þar sem ungir menn eru neyddir í veg fyrir rússneskar fallbyssur í von um að geta drepið einn Rússa eða tvo áður en þeir eru sjálfir sprengdir í tætlur. 

Hlutverk Íslendinga er að reyna að fá þetta fólk til að róa sig, en að gæta þess, nú sem endranær, að þetta óróalið fái ekki meiri völd á Íslandi en það hefur nú þegar. 

https://kyivindependent.com/news-feed/eu-ministers-agree-to-provide-ukraine-with-1-billion-euros-in-immediate-military-aid

Erlent ríkjasamband á að ráða

Í svokölluðum lýðræðisríkjum sem eru fullvalda eru lög sett af fólki sem til þess er kjörið af fólkinu í viðkomandi ríki.  Það fyrirkomulag er auðvitað umdeilanlegt, en ekki hefur tekist að finna annað betra. 

Nú er í undirbúningi að hnykkja á forgangi laga sem koma í pósti frá útlöndum. Skiptir þá engu hvort þau lög henti Íslandi og Íslendingum, eða ekki.  

Er ekki tímabært að endurskoða þetta undarlega fyrirkomulag?

 

 

Mál nr. 27/2023:

„Drög að frumvarpi til laga um breytingu á lögum um Evrópska efnahagssvæðið nr. 2/1993, með síðari breytingum (bókun 35)“.

„Með frumvarpinu er lagt til að sett verði ný 4. gr., til viðbótar 3. gr. laga um Evrópska efnahagssvæðið nr. 2/1993, þess efnis að þegar lagaákvæði sem réttilega innleiðir skýra og óskilyrta reglu á grundvelli EES-samningsins er ósamrýmanlegt öðru almennu lagaákvæði skuli hið fyrrnefnda ganga framar."

EES sem viðskiptahindrun

Margir sáu EES-samninginn sem leið til frjálsari viðskipta, en íþyngjandi reglur Evrópusambandsins sem berast til Íslands með EES-samningnum virka oft á tíðum sem viðskiptahindrun.  Hjörtur J. Guðmundsson fer yfir málið með skilmerkilegum hætti, eins og honum er vant, í grein í Innherja.  Hjörtur bendir á leiðina til ljóssins: 

Hins vegar er leið út úr þessum aðstæðum. Leið sem ríki heimsins kjósa allajafna að fara þegar þau semja um milliríkjaviðskipti og þar á meðal stærstu efnahagsveldin með sína miklu viðskiptahagsmuni. Þar með talið Evrópusambandið. Víðtækur fríverzlunarsamningur. 

https://www.visir.is/g/20232385923d/minna-svigrum-til-vidskiptasamninga?fbclid=IwAR2_E9MSJ44Q5AtB4SJ94seLX8OZhWAEtEwfdVhDzIp9HXkraZU-H4dWoyU

Þarf keisarinn að rífa af sér hárið líka?

Það verður sífellt óþægilegra, en um leið skýrara, að lög á Íslandi eru sett af öðrum en þeim sem til þess voru kjörnir af fólkinu í landinu. Þau eru samin af fólki sem guð má vita hver valdi í fjarlægu landi og tilviljun ein ræður því hvort lögin eru til þess fallin að rækta sem best mannlíf á Íslandi.

Arnar Þór Jónsson hefur margsinnis bent á að keisarinn sé orðinn afar klæðalítill og bætir í með góðri færslu hér:

https://arnarthorjonsson.blog.is/blog/arnarthorjonsson/entry/2287731/

Löggjafinn í Evrópusambandinu vill leggja himinhá gjöld á atvinnulíf á Íslandi, gjöld sem undirstöðugreinar atvinnulífs í öðrum löndum Evrópu munu að mestu leyti sleppa við, af þeirri einföldu ástæðu atvinnulífið er öðruvísi en á Íslandi og ferðin til útlanda styttri. 

Hversu hár skyldi skatturinn þurfa að vera til að Íslendingar ranki við sér og taki þessa skrýtnu skepnu, EES, til endurskoðunar?