Ríkisstofnun með ESB-blæti

Það er gul stormviðvörun í samtali Gunnars Smára við Arnar þór á Samstöðinni þar sem Arnar Þór kemst m.a. svo að orði:

„Ef Sjálfstæðisflokkurinn ætlar að standa undir einhvers konar samfélagslegri ábyrgð og hann ætlar að verja frelsi hins almenna manns þá skal hann gjöra svo vel að fara að taka á þessum málum og hætta þessari þjónkun við þetta erlenda vald…..…og hætta að vera ríkisstofnun með ESB-blæti“ (39:50)

 

https://www.youtube.com/watch?v=KQS-yX4lSBk

Ástamál smáþjóða

Þegar ríkisstjórn Íslands óskaði eftir innlimun Íslands í Evrópusambandið apaði hver Evróputungan eftir annarri að Evrópusambandinu þætti svo ósköp vænt um smáþjóðir að íslenska yrði vitaskuld opinbert tungumál í sölum Evrópusambandsins. 

Tæpir fjórir áratugir eru síðan Katalónar, Baskar og Galisíumenn urðu þegnar í Evrópusambandinu, en tungumál þessara þjóða eru ekki til hjá Evrópusambandinu, nema sem rannsóknaverkefni sérfræðinga. 

Slík er ást Evrópusambandsins á smáþjóðum. 

Nú hafa spænsk stjórnvöld beðið um að vegur þessara tungumála verði aukinn.  Og Evrópusambandið mun hugsa sig um. 

Þrjátíu og sjö ár var greinilega of knappur tími til þess.

https://www.ft.com/content/5de62c76-6db1-4f47-a53f-37c03d696b73

Evrópumál á Sögu

Arnþrúður Karlsdóttir og Haraldur Ólafsson ræddu Evrópumálin og fleira á Útvarpi sögu í dag.  Farið var yfir nokkur atriði sem ofarlega eru á baugi, m.a. útblástursskatt á flug og skipaferðir til Íslands, vegabréfsáritunarmáið, bókun 35, hermál, ritskoðun og eftirlit með borgurum og sitthvað fleira. 

https://utvarpsaga.is/fer-evropusambandid-med-skattlagningavald-a-islandi/

Hálfur sigur

Á fundi í gær samþykkti Stjálfstæðisflokkurinn að standa vörð um fullveldi Íslands. 

Það hljómar vel, en þeirri framúrstefnulegu skoðun hefur stundum verið haldið fram að fullveldi verði best varðveitt með því að farga því.  Við skulum vona að Sjálfstæðismenn villist aldrei í þeirri rökþoku og túlki eigin stefnu til samræmis við orðanna hljóðan.  Og hlusti svo enn meira á Arnar Þór og félaga hans í framtíðinni.  

https://arnarthorjonsson.blog.is/blog/arnarthorjonsson/entry/2293515/

 

 

 

 

 

 

 

 

Brýning

Í dag, laugardaginn 26. ágúst, funda Sjálfstæðismenn.  Arnar Þór Jónsson mun leggja fram tillögu sem lýtur að því að halda löggjafarvaldinu hjá Alþingi í stað þess að flytja það til útlanda. 

Júlíus Valsson birtir á bloggsíðu sinni ávarp Arnars Þórs, sem rétt er að gefa gaum. 

https://juliusvalsson.blog.is/blog/juliusvalsson/entry/2293435/

Sorfið til stáls

Margt bendir til þess að ríkisstjórnin ætli sér að leggja bókun 35 á ný fyrir Alþingi og til viðbótar er í pípunum frumvarp um framsal á valdi til Alþjóðaheilbrigðisstofnunar Sameinuðu þjóðanna. Fullvíst er að margir, og kannski allur þorri manna, muni vilja skoða það nánar. 

Nú um helgina funda Sjálfstæðismenn og þurfa að líkindum að horfast í augu við að það gæti verið erfitt fyrir þá að halda lengra á braut framsals valds til vandalausra í útlöndum. 

https://arnarthorjonsson.blog.is/blog/arnarthorjonsson/

Spennandi helgi framundan

Það verður forvitnilegt að sjá hvort það verður fall á þessu manndómsprófi um helgina. 

 

https://arnarthorjonsson.blog.is/blog/arnarthorjonsson/entry/2293404/

Í köngulóarvef

Það verður ekki annað sagt en að Arnar Þór Jónsson sé harla beinskeyttur í þessu innihaldsríka og hvetjandi viðtali á Útvarpi sögu.  

Hann ræðir m.a. bókun 35 og kemst svo að orði:

"Núna, hins vegar, er staðan sú, ef þetta fer í gegn, er litið framhjá skýrum íslenskum lagaákvæðum ef þau mæla fyrir um annað en EES-reglur gera...að opna glufu, eins og verið er að gera núna getur falið í sér einhvers konar opinn tékka...og þá sitjum við föst í einhverjum köngulóarvef sem við getum ekki losnað úr."

Viðtalið í heild sinni er hér:

https://utvarpsaga.is/framsal-a-akvordunum-i-heilbrigdismalum-til-who-er-valdaran/

Að deyja ekki ráðalaus

Eftir Brexit má segja að líkurnar á því að hægt væri að koma Noregi og Íslandi í Evrópusambandið væru komnar nálægt núlli.  Hvaða ráð eiga þá gömlu nýlenduveldin og fylgiríki þeira?  Jú, stunda skapandi túlkun á EES og koma Noregi og Íslandi inn í ótal mörgum örsmáum bútum. Það verður seint sagt að þetta fólk deyi ráðalaust. 

https://www.facebook.com/groups/heimssyn

 

Honum fatast ekki flugið

Umræða um fánýti fullveldis og mikilvægi framsals valds til vandalausra í útlöndum á það til að renna út í sand vangaveltna um styrki, gengi gjaldmiðla og þokukenndan orðaflaum um alþjóðlegt samstarf. Jafnan er fljótgert að kveða svoleiðis tal í kútinn, en alltaf er hætta á að umræðan fari að snúast um verðið á snákaolíu og að hún virki ekki.  Arnar Þór Jónsson hefur lag á að halda hæð í umræðu og hann er óhræddur við að ígrunda grundvallaratriði í samfélaginu og stjórnskipun þess.         

Í ágætum pistli á Moggabloggi 17. ágúst sl. fjallar Arnar Þór um þessi mál og segir meðal annars:

Þegar lagareglur streyma í síauknum mæli utanfrá, frá ESB og SÞ, þá tekur stjórnarfarið að líkjast harðstjórn. Þegar fólk á ekki lengur hlutdeild í lögunum sem það á að búa við verða lögin ekki lengur sameign okkar heldur fyrirskipanir annarra. Undir slíku kúgunarvaldi dofnar smám saman tilfinning almennings fyrir því að þau séu bundin af lögum. Slíkt ástand leyðir til upplausnar, stjórnleysis og ofbeldis, þar sem hnefarétturinn ræður, en lögin eyðast. 

Í þessum orðum felast mikil sannindi, sem og í pistlinum öllum sem er hér:

https://arnarthorjonsson.blog.is/blog/arnarthorjonsson/entry/2293156/