Skynsemi

Þeim fer fækkandi sem reyna að halda því fram að ríki geti samtímis verið fullvalda og í Evrópusambandinu.  

Með góðum vilja má segja að Þýskaland og Frakkland séu þar undantekningar, þau eru fullvalda í þeim skilningi að þau ráða flestu í Evrópusambandinu.

Það kemur kannski ekki svo ýkja mikið að sök þótt lönd á borð við Belgíu og Luxemborg séu ekki fullvalda, heldur undir yfirstjórn Evrópusambands.  Flest í þessum löndum er svo líkt því sem er í stóru ríkjunum Frakklandi og Þýskalandi, að mikill hluti löggjafar sem sniðin er að þeim stóru meltist bærilega í litlu hjálendunum. 

Annað er með Ísland.  Atvinnulíf á Íslandi byggist á allt öðrum grunni en í fyrrnefndu löndunum og landfræðilegar aðstæður eru allt aðrar.  Þá er menningin svo ólík að á Íslandi er samfélag sem enn sem komið er gengur á íslensku sem nánast enginn skilur, aðrir en íslendingar og þeir sem hafa búið lengi á Íslandi. Síðast en ekki síst er íslenskt samfélag 1-2 stærðargráðum minna en meðalþjóðríki í Evrópusambandinu. 

Þegar svo háttar er augljóslega skynsamlegast að viðkomandi þjóð, í þessu tilfelli Íslendingar, setji sér lög sjálf. 

https://www.visir.is/g/20242614296d/faer-prik-fyrir-hreinskilnina

 

 

 

Skjöldur að sunnan

 

Á síðari árum hefur Evrópusambandið gengið lengra og lengra í því að hefta tjáningarfrelsi.  Það er reyndar gömul saga og ný að valdamönnum leiðist þegar dónar á götunni segja eitthvað ljótt um þá eða láta að því liggja að þeir standi sig illa.

Það er hins vegar alveg ný saga að arabaríki skuli beita viðskiptaþrýstingi í því skyni að verja ritfrelsi í Evrópu.  Sumir mundu segja að þar hefði eitthvað snúist á hvolf.

En allt þetta minnir okkur á að ef yfirvöld á Íslandi reyna að þrengja að tjáningarfrelsi getur verið hentugt að geta kosið sér ný yfirvöld.  Það gera menn ekki svo auðveldlega ef búið er að færa valdið langt í burt.  

 

UAE suspends deal to buy fighter jets from France over Telegram CEO's arrest: Report – Firstpost

Valdalaus bleikja

Auðvitað er það svo að stórfiskarnir ráða ferðinni í Evrópusambandinu.  Smáfiskarnir fylgja á eftir.  Danmörk, Írland, Slóvenía og nokkur lönd til viðbótar er torfa af smáfiskum.  Ísland næði varla að verða hornsíli í þessum félagsskap.

Það kom berlega í ljós hverjir ráða í Evrópusambandinu þegar Dönum var sagt að beita Færeyinga refsiaðgerðum fyrir nokkrum árum síðan.  Sæti við eitthvert borð skipti þá engu máli, enda eru allar alvöru ákvarðanir teknar þar sem er friður fyrir smáfiskum.   Hjörtur rifjar þetta upp í grein í Morgunblaðinu og bendir þeim sem enn ekki vita, að hornsíli eru valdalaus í Evrópusambandinu. 

https://www.fullveldi.is/?p=56414 

Gagnleg samantekt um séríslenska umræðuþoku

Í ágætri grein í Vísi í dag dregur Hjörtur J. Guðmundsson saman nokkur atriði í sambandi við þá furðuhugmynd að við inngöngu í Evrópusambandið semji nýtt aðildarríki um það hvað af lögum Evrópusambandsins eigi að gilda og hvað ekki. 

Ástæða þess að þessi furðuhugmynd komst á kreik er ljós.  Ætlunin var að hrinda af stað inngönguferli undir yfirskini rannsókna og viðræðna.  Ferlið mundi enda á innlimun Íslands í Evrópusambandið. 

Í leiðinni bendir Hjörtur réttilega á að hlutfallsleg áhrif Íslendinga innan sambandins yrðu innan við 0,1%. 

Hvort ætli sé skynsamlegra fyrir smáþjóð að ráða 100% af löggjöf sinni eða ganga í ríkjabandalag og ráða 0% af löggjöfinni?  

 https://www.visir.is/g/20242612764d/spurning-sem-ekki-er-haegt-ad-svara-

Meira lýðskrum

Eitt mesta lýðskrum síðari ára tengist vaxtaumræðunni. 

Í grein í Vísi ræðir Hjörtur málið af yfirvegun og vísar m.a. í grein eftir Ólaf Margeirsson, hagfræðing sem segir m.a. orðrétt:

Háir vext­ir, verð­bólga, við­skipta­halli og geng­is­sveiflur hafa ekk­ert með krón­una að gera

Eins og fyrr hefur verið sagt eru raunvextir mælikvarði á leiguverð fjármagns.  Sá mælikvarði er margfalt betri en nafnvextir, sem eru út í bláinn ef verðbólga er há. 

Raunvextir á íbúðalánum á Íslandi eru nálægt 4 prósentum.  Menn geta haft á því skoðun hvort það séu háir vextir.  Líklega finnst mörgum sem þiggja lífeyri núna, eða munu þiggja lífeyri í framtíðinni það ekki vera frásagnarvert okur. 

 

https://www.visir.is/g/20242611663d/tala-eingongu-um-vextina

 

https://kjarninn.is/skodun/hinn-bitri-sannleikur-um-kronuna/

Það molnar undan

Vandamálin við EES verða sífellt skýrari og fleiri og falinn og ófalinn kostnaður hleðst upp.

Það molnar heldur betur undan samningnum í Noregi, þar sem mun fleiri vilja nú frekar víðtækan fríverslunarsamning en EES.

https://neitileu.no/aktuelt/flere-onsker-en-handelsavtale-enn-eos

Hver á að ráða hverjir mega koma í heimsókn?

Stjórnvöld í Ungverjalandi virðast ekki sjá ástæðu til þess banna ríkisborgurum í Rússlandi og Hvíta Rússlandi að koma í heimsókn. 

Evrópusambandið er ekki ánægt með það.  Það segist ætla að grípa til aðgerða. Evrópusambandið vill ráða. 

Ætli það sendi íslenskum stjórnvöldum relgulega lista yfir þá sem þeir vilja að leyft verði að heimsækja Ísland? 

 

https://www.euronews.com/my-europe/2024/08/19/brussels-awaiting-explanation-for-hungarys-easing-of-visa-scheme-for-russians

Samkvæmisleikur stórvelda

Það sjónarhorn á stjórnmál er þekkt að stríðsrekstur gegni helst því hlutverki að styrkja stöðu stjórnvalda heima fyrir, auk þess að beina fé í vasa sem stuðningsmönnum stríðsrekstrar þykir ástæða til að fylla.  Þá líta sumir svo á að styrjaldir þjóni félagslegum tilgangi sem m.a. lýsir sér í því að styrjaldaraðilar tæma fangelsi í skotgrafirnar. 

Ekki er örgrannt um ofangreind greining komi í hug þegar eftirfarandi er lesið í nýlegri grein Hjartar J. Guðmundssonar:

Frá innrás rússneska hersins í Úkraínu í lok febrúar 2022 hafa ríki Evrópusambandsins greitt um 200 milljarða evra (um 30.600 milljarða króna) fyrir rússneska olíu og gas samkvæmt frétt fréttavefsins Euractiv 14. ágúst. Á sama tíma hefur sambandið og ríki þess stutt Úkraínu um 88 milljarða evra samkvæmt gögnum á vefsíðu þess.

https://www.visir.is/g/20242608978d/fjarmagna-enn-hernad-russlands

Hver er valkosturinn?

Langflestum Norðmönnum finnst Evrópusambandið hafa of mikil völd í Noregi.  Töluvert færri vilja þó segja upp EES-samningnum.  Það er vitaskuld vegna þess að þá óttast menn að í staðinn komi innlimun í sambandið, og á því hafa afar fáir Norðmenn áhuga. 

Hinn rétti og eðlilegi valkostur við EES-samninginn er vitaskuld ekki aðild að Evrópusambandinu, heldur víðtækur fríverslunarsamningur, eins og Hjörtur J. Guðmundsson hefur réttilega bent á. 

https://www.fullveldi.is/?p=52592

Ósannindi aldarinnar

Eins og menn muna óskaði Alþingi Íslendinga eftir aðild að Evrópusambandinu fyrir allmörgum árum.  Óskin var studd af mörgum þingmönnum VG sem samt töldu sig einarða andstæðinga hernaðar og hernaðarbandalaga.

Lausnin á því var að kveikja á síbylju um að Evrópusambandið væri allt annað en hernaðarbandalag. Þar ætti enginn byssu og mundi aldrei kaupa sér aðra. Allt voru það vitaskuld hin mestu ósannindi, Evrópusambandið hefur lengi stefnt að því að gera sig gildandi undir gapandi byssukjöftum.  Það hefur verið staðfest rækilega á síðustu misserum. 

https://www.euractiv.com/section/defence-and-security/news/united-by-nato-the-eu-and-us-must-pull-together-on-defence/