Er ESB að gefast upp á því að bjarga evruríkjunum?

Þessi yfirlýsing seðlabankastjóra Þýskalands gæti verið til marks um að ESB og evruríkin séu að gera sér grein fyrir því að engir björgunarsjóðir muni geta tryggt að ríkissjóðir allra evrulanda haldist á floti.

Þýskaland er öflugast ESB-ríkjanna og þýski seðlabankinn fyrirmynd Seðlabanka Evrópu. Þegar bankastjóri hans talar ættu menn að hlusta og velta því fyrir sér hvaða sjónarmið þessi valdamikli maður endurspeglar.

Bankastjórinn er greinilega á því að björgunaraðgerðir ESB og evruríkjanna séu ekki að skila tilætluðum árangri.

 

Fréttin í mbl.is er svohljóðandi:

Seðlabankastjóri þýska Seðlabankans, Jens Weidmann, sagði síðastliðinn föstudag að sá möguleiki yrði að vera fyrir hendi á evrusvæðinu að ríki þess gætu lent í greiðsluþroti en til þessa hefur Evrópusambandið lagt megináherslu á að hrindra að það gerðist.

„Til lengri tíma litið ættum við að sjá til þess að ríkjum standi til boða það lokaúrræði að fara í greiðsluþrot,“ sagði Weidmann samkvæmt frétt AFP. Það væri lykilatriði til þess að koma á aga á fjármálamörkuðum.

Evruríki geti farið í greiðsluþrot

Nú ríður á að efla Heimssýn

Heimssýn vann síðustu orustuna um ESB-málið hér á landi. Stríðið er þó langt frá því unnið. Það þarf að fylgja eftir sigrinum í síðustu kosningum og tryggja að ESB-daðrinu verði hætt fyrir fullt og fast. Ísland og Heimssýn geta einnig miðlað af reynslu sinni til hrjáðra evruþjóða. Það yrði þó allt önnur útrás frá Íslandi en var fyrir hrun.

Erlendis horfa margir til Íslands vegna þess hvernig Íslendingar hafa tekið á bankakreppunni, Icesave-málinu og ESB-aðildarviðræðum nú í síðustu kosningum. Vissulega hefur hvert land sínar séraðstæður og sjaldnast er hægt að yfirfæra reynsluna hráa til nota fyrir aðrar þjóðir. En Íslendingar þykja að sumu leyti fyrirmynd í ýmsu sem þeir hafa gert að undanförnu. Við skulum ekkert vera feimin að tala um það. Evrópubúar vilja hlusta á okkur og við höfum einnig gott af því að heyra aðeins nánar af reynslu Evrópubúa. Heimssýnarfólkið, Icesave-baráttufólkið og ýmsir aðrir af því tagi ættu að láta rödd sína heyrast í Evrópu jafnframt því sem við ættum að hlusta betur eftir því sem er að gerast í álfunni.

Með því að efla tengsl á milli grasrótarstarfsemi og almennings hér á landi og á meginlandinu má áreiðanlega stuðla að því að stýra málum til betri vegar en toppembættismanna- og stjórnmálaelítunni hefur tekist til þessa. Þar er mikið verk að vinna.

En það er líka feykimikið verk óunnið hér á landi við að fylgja eftir sigrinum í síðustu kosningum og því sem stendur í stjórnarsáttmála ríkisstjórnarinnar.

Þess vegna þurfum við að halda baráttunni áfram á fullum dampi þótt hún verði ef til vill með eitthvað öðru sniði en verið hefur.

 

Eðlileg samskipti við ESB framundan?

Það er annar og jákvæðari tónn í þessu bréfi frá Barroso en ýmsu sem heyrst hefur frá lægra settum embættismönnum eða stjórnmálamönnum innan ESB í kringum síðustu kosningar og eftir að ljóst var að núverandi ríkisstjórn vill stöðva aðildarviðræður við ESB.

Vonandi er þessi tónn til marks um eðlilegri samskipti framundan á milli ESB og Íslands en verið hafa þar sem ESB hefur beitt afli sínu til að hafa áhrif á hug Íslendinga til aðildar.

Nú er það spurningin hvort ESB muni ekki í samræmi við þetta draga örlítið saman seglin á Íslandi. Spurningin er hvort nauðsyn sé á sendinefnd, áróðursskrifstofu, auk sendiráðs hér á landi?

Barroso hlakkar til samstarfs

Það er kominn tími til að endurskoða ESB-fyrirbærið

Fréttir erlendis frá bera með sér mikla endurskoðun á afstöðu til ESB og reyndar til hugmyndarinnar um ESB. Æ fleiri líta fyrirbærið gagnrýnum augum, nema helst kjarni Samfylkingarinnar.

Ítalir, Bretar og margar aðrar Evrópuþjóðir hafa efasemdir um margt af því sem ESB er að gera.

Það eru tvísýnir tímar framundan í Evrópusambandinu.

Vill þjóðaratkvæði um ESB

Tilraunin með evruna að mistakast segir Nóbelsverðlaunahafi

Nóbelsverðlaunahafinn Edmund Phelps er einn af þekktustu hagfræðingum samtímans. Hann hefur sérþekkingu á atvinnuleysi og veit því við hvað er að glíma á evrusvæiðnu. Hann skilur ekki að nokkur þjóð vilji gerast aðili að ESB um þessar mundir.

Samkvæmt mbl.is telur Phelps ekki útilokað að tilraunin með ESB og evruna muni reynast mislukkuð.

„Ég trúi því ekki að nokkrum sé alvara með aðild að ESB um þessar mundir,“ segir Phelps. „Það er eins og að segja: Þetta er fallegt hús -- það stendur í björtu báli í augnablikinu -- við ættum að kaupa það!,“ segir hann í viðtali við Bloomberg.

Phelps: Óráð að sækja um ESB

Heimta endurgreiðslu á áróðursstyrkjunum fyrst Íslendingar létu ekki segjast

Þessi breski Evrópuþingmaður telur greinilega að Íslendingar eigi að endurgreiða þessa áróðurs-IPA-styrki fyrst þeir dugðu ekki til að hafa áhrif á það hvernig Íslendingar greiddu atkvæði í þingkosningunum.

Kannski að það þurfi bara að endurgreiða líka alla styrkina sem háskólarnir hafa fengið frá ESB, sem Háskólinn í Reykjavík hefur fengið, sem Háskóli Íslands hefur fengið og sem Bifröst hefur fengið.

Það væri nú handleggur.

Það þarf nú einhver Evrópufræðingurinn að fara í saumana á þessu!

Spyr hvort ESB heimti styrki til baka

Fyrstu viðbrögð ESB sýna hroka í garð ríkisstjórnarinnar og Íslendinga

Það var eftir því tekið að fulltrúar ESB sögðust í dag ekki vilja tjá sig um stefnu nýrrar ríkisstjórnar fyrr en það kæmi raunverulega í ljós hver stefnan væri. Raunverulega! Það er ekki laust við að þessi viðbrögð sem RUV endurflutti í dag sýni talsverðan hroka í garð Íslendinga.

Af þessum ummælum mætti ætla að fulltrúar ESB telji að það sé ekkert að marka það sem stendur í stjórnarsáttmála nýrrar ríkisstjórnar!

Það er skiljanlegt að einhverjir embættismenn og pólitíkusar í ESB séu í áfalli yfir því að ný ríkisstjórn á Íslandi ætli að stöðva viðræðurnar við ESB. Það sem er hins vegar áhugavert er hvort forysta ESB fari í verulega fýlu og reyni að vinna gegn Íslendingum á einhverja lund. Ýmsir hafa látið slíkt í veðri vaka.

Það er því spurning hvort ekki þurfi að ræða eitthvað við fulltrúa ESB hér á landi og jafnvel hjálpa þeim undirbúa fyrirséða brottför sína. Fulltrúar ESB hafa svo sem verið ákafir til þessa að ræða sín mál við Íslendinga.

Áfall fyrir Evrópusambandið

180 gráðu beygja í ESB-málunum á Íslandi segir danski Börsen

Danski vefmiðillinn Börsen.dk segir að Íslensk stjórnvöld hafi nú tekið 180 gráðu beygju í ESB-málunum. Aðildarumsóknin að ESB verði nú lögð til hliðar. Ný ríkisstjórn á Íslandi segi nei við ESB.

Fréttir um viðsnúning í Evrópumálunum á Íslandi eru nú fljótar að berast um álfuna. Það má búast við því að þær verði efasemdarfólki um ESB á meginlandi Evrópu og í Bretlandi hvatning til að herða róðurinn.

 

Jákvæð og bjartsýn ríkisstjórn