Hræðsluáróður ESB varðandi Grikkland - enn einu sinni?

Jean-Claude Juncker, formaður framkvæmdastjórnar ESB, kom heiminum í uppnám um daginn með því að tala um að úrslitastund yrði í dag vegna Grikklands. Í dag segir hann hins vegar fundinn nánast vera spjallfund þar sem menn bera saman bækur sínar. Samt kalla sumir fundinn enn neyðarfund.

Juncker tekst sannaralega að halda mönnum við efnið.

Dvínandi vonir um samkomulag

Seðlabanki Grikklands pólitískt verkfæri ESB

Nýleg tilkynning frá Seðlabanka Grikklands er dæmi um það hvernig ESB og seðlabanki evrunnar beitir stofnunum aðildarlanda fyrir sig í pólitískum tilgangi. Með þessu reynir ESB að hafa áhrif á lýðræðislega þróun í Grikklandi. Því er haldið fram af hógværum íhaldsmönnum að ESB reyni allt til þess að vegur vinstri stjórnarinnar í Grikklandi verði sem verstur.

Við getum ímyndað okkur hvað hefði gerst ef ESB og seðlabanki evrunnar hefðu getað skipað seðlabankanum á Íslandi fyrir verkum í aðdraganda og eftirmála hrunsins hér á landi. Hefðum við þá haft okkar Papandreóa eða Tsiprasa?

ESB og AGS eru sögð keyra hagkerfið í Grikklandi fram á brún hengiflugs hrunsins til þess eins að framfylgja úreltri innheimtustefnu sinni fyrir kröfuhafa í fjármálakerfinu. Þessi hegðun þríeykisins (ESB, AGS og ECB) stefni hins vegar Grikklandi í öngþveiti og grafi í leiðinni undan lögmæti ESB og AGS og geri jafnframt framtíðarhorfur í efnahagsmálum í Evrópu og heimsbyggðinni allri mun verri fyrir vikið.

Sagt er að til úrslitastundu dragi á morgun eða í lok þessa mánaðar. Gefist ríkisstjórn Grikklands ekki upp er þó líklegast að AGS, ESB og ECB lengi í hengingarrólinni fram eftir sumri og jafnvel fram eftir ári.

Nýleg skrif Ambrese Evans-Pritchards um málið ættu að vera skyldulesning hvers áhugamanns um Evrópusambandið og efnahagsmál.

Hér er Styrmir Gunnarsson með stutta útgáfu af þessari grein Pritchards.

Þurfa ekki á AGS að halda

Kathrine Kleveland tók á móti Jóni Bjarnasyni á þjóðhátíðardaginn

Jón Bjarnason, formaður Heimssýnar, heimsótti Nei til EU hreyfinguna í Noregi á þjóðhátíðardag Íslendinga, 17. júní. Fram kemur í frétt á vef Nei til EU að Kathrine Kleveland, leiðtogi Nei til EU, og Vigdis Hoböl, aðalframkvæmdastjóri Nei til EU, hafi tekið á móti Jóni. Regluleg samskipti hafa verið á milli Heimssýnar og Nei til EU en þau hafa fyrst og fremst falist í því að samtökin hafa sent fulltrúa á landsfundi hvor annars.

Með Jóni í för voru Ingibjörg Kolka, eiginkona hans, lengst til hægri á myndinni, og Valdimar, barnabarn þeirra.  

Aukin andstaða við ESB meðal danskra kjósenda

Það hefur vakið athygli fjölmiðla að í þingkosningunum í Danmörku í gær jók sá flokkur mest fylgi sitt sem hefur gagnrýnt ESB hvað mest, þ.e. Dansk Folkeparti. Flokkurinn jók fylgi sitt um tæplega 9 prósentur, náði 21% og 37 þingmönnum. Þar með er sá flokkur stærsti borgaralegi flokkurinn í Danmörku. Enhedslisten, sem er vinstri flokkur, og einnig mjög gagnrýninn á ESB, jók fylgi sitt einnig lítilsháttar, fékk 7,8% og tvo þingmenn.

ESB-andstaðan heldur því áfram að aukast og breiðast út um Evrópu í þeim kosningum sem þar eiga sér stað. 

Gengur á fund drottningar

Millistéttin ferðast í boði ESB

Stórir hópar opinberra starfsmanna, námsmanna og stjórnmálamanna ferðast á fundi og ráðstefnur í ýmsum ESB-löndum þessa dagana. ESB notar hluta af áróðurspeningum sínum til að styrkja þessar ferðir og fundahöld. Tilgangur þessara ferða og funda er meðal annars að auka jákvæðni þessara lykilhópa í garð ESB í þeirri trúa að millistéttarhóparnir muni síðan hafa áhrif á hina stærri hópa sem ekki hafa tækifæri til þátttöku í slíkum fundum og ráðstefnum.

Hversu margir Íslendingar skyldu þessa stundina þiggja áróðurspeningana frá ESB?

Aliber úthúðar evru og segir fjármagnshöft til fyrirmyndar

Robert Aliber,fyrrverandi prófessor í hagfræði við Chicago-háskóla, segir að Íslendingar eigi að halda eigin gjaldmiðli vegna þess hvernig íslenskt hagkerfi sé gert. Þar á hann ekki síst við að útflutningur Íslendinga sé gjörólíkur því sem á við um önnur Evrópulönd. Þetta hafa íslenskir fjölmiðlar eftir Aliber í nýlegri heimsókn hans til landsins. 

Það er jafnframt athyglisvert að Aliber segir að hefta þurfi skammtímafjármagnshreyfingar á milli landa til að koma í veg fyrir sveiflur. Þar er hann í raun að tala um væga útgáfu á þeim fjármagnsfhöftum sem voru innleidd á Íslandi árið 2008.

Sem sagt: Forðumst evruna og temprum það gjaldeyrisflæði sem ekki tengist vöru- og þjónustuviðskiptum. Þannig yrði hag almennings best borgið, ef marka má Robert Aliber, prófessor í hagfræði við Chicago-háskóla.

Íslandshrunið óumflýjanlegt

Lilja Mósesdóttir segir evruást undarlega jafnaðarstefnu

Lilja Mósesdóttir, hagfræðingur og fyrrverandi þingmaður VG, segir það vera undarlega jafnaðarstefnu að vilja troða ógæfu evrunnar upp á Íslendinga í ljósi reynslu Grikkja. Í Grikklandi hafi evran gert ríka fólkinu kleift að koma sér undan því að taka á sig byrðar kreppunnar og eftir hafi setið grískt alþýðufólk með skuldir ríkissjóðs, skuldir sem voru komnar til vegna eyðslu og spillingar yfirstéttarinnar.

DV skýrir frá því að þetta hafi komið fram í ummælakerfi við frétt DV um ummæli Össurar um haftaáætlun ríkisstjórnarinnar.

DV birtir ummæli í Lilju í heild sinni sem eru svohljóðandi:

Lilja sendir Össuri tóninn - DV

„Athyglisvert að maður sem kallar sig jafnaðarmann og er fyrrverandi formaður flokks sem nú ber heitið Jafnaðarmannaflokkur skuli stöðugt boða kosti evrunnar á kostnað krónunnar í ljósi reynslu Grikkja.

Á Grikklandi gerði evran ríka fólkinu kleift að koma sér undan að taka á sig byrðar kreppunnar með því að færa eignir sínar úr landi. Eftir sat grískt alþýðufólk með skuldir ríkissjóðs sem voru ekki síst tilkomnar vegna eyðslu og spillingar evru-Grikkjanna.

ESB hefur síðan hamast við að svelta gríska alþýðu í stað þess aðstoða grísk stjórnvöld við að skattleggja evrueign auðstéttarinnar.“

 

ESB hefur lengt vandræðaástandið í Grikklandi

Ef svo fer sem fréttir dagsins boða, þ.e. að grískir bankar verði þjóðnýttir, settir í þrot eða gripið til annarra álíka afdrifaríkra aðgerða ásamt fjármagnshöftum, þá er ljóst að ESB hefur dregið sársaukasstríðið hjá grísku þjóðinni á langinn. Verði þetta niðurstaðan er ljóst að fjögur ár hafa farið í súginn hjá Grikkjum. ESB er alveg sama um þjáningar grísku þjóðarinnar. ESB er fyrir öllu að bjarga evrunni og stofnanastrúktúr ESB.

Sjá hér:

 

http://www.ruv.is/frett/grikkir-velji-islensku-leidina

og hér:

http://www.mbl.is/vidskipti/frettir/2015/06/14/fjarmagnshoft_likleg_i_grikklandi/

 

 

Fjármagnshöft líkleg í Grikklandi