10 hættulegustu stjórnmálamenn Evrópu

Þýska tímaritið Der Spiegel er ESB-sinnað og telur evru-kreppuna ógna tilvist Evrópusambandsins. Tímaritið birti myndir yfir tíu hættulegustu stjórnmálamenn Evrópu. Hvöss gagnrýni á evruna og Evrópusambandið er nóg til að komast á listann en ágætt er að vera öfgasinnaður í leiðinni.

Á listanum eru góðkunningar eins og Berlusconi fyrrum forsætisráðherra Ítalíu sem ætlar sér endurukomu á ítölsk stjórnmál. Berlusconi höfðar til ESB-fóbíu Ítala og kennir Þjóðverjum um hvernig komið er fyrir atvinnulífinu í landi mafíunnar. Útgáfa  sýndi Merkel kanslara Þýskalnds í nasistabúningi um helgina (þó ekki með svipu - enda óþarfi að æsa karlinn um of).

Leiðtogi franskra þjóðernissinna, Maria Le Pen, er á listanum sem og formaður Sannra Finna, Timo Soini. Íslandsvinurinn Nigel Farage er þarna ásamt þeim hollenska Geert Wilders. Vistrivillingurinn í Grikklandi, Alexis Tsipras, heiðrar listanna fyrir þá sök að hann veðjar á að Evrópusambandið muni aldrei þora að reka Grikki úr evru-samstarfinu.

Tveir Þjóðverjar eru á listanum, hvorugur beinlínis í framlínu þýskra stjórnmálamanna. En kannski þarf að endurskoða listann í ljósi atburða helgarinnar þar sem þýskir stjórnmálamenn gripu til andmæla eftir orð Mario Monti forsætisráðherra í starfsstjórn tæknikrata á Ítalíu um að þjóðþingin ættu að aftengja til að ríkisstjórnin evru-landa gætu einbeitt sér að bjarga gjaldmiðlinum.

Bændur vita sínu viti - hafna ESB

Bændur á Íslandi kynntu sér Evrópusambandið og landbúnaðarkerfi þess í þaula eftir óhappaverkið á alþingi 16. júlí 2009 þegar ESB-umsóknin var samþykkt

. Bændasamtökin leituðu í smiðju fræðimanna og sendu trúnaðarmenn sína til ESB-landa, og stöldruðu einkum við Finnland, til að fá yfirsýn og þekkingu.

Niðurstaða bænda var afgerandi: það þjónar ekki hagsmunum landbúnaðar og landsbyggðar að Ísland gangi í Evrópusambandið.

 

Heyrúllur gegn ESB-aðild

Evrópuhugsjónin ristir grunnt

Evrópusambandið var hannað og búið til í stjórnarráðum sex ríkja eftir seinni heimsstyrjöld. Almenningur kom hvergi nærri. Evran að ákveðin, í meginatriðum, af tveim mönnum; Mitterand Frakklandsforseta og Kohl kanslara Þýskalands. Evran var skiptimyntin fyrir blessun Frakka á sameiningu þýsku ríkjanna eftir fall Berlínarmúrsins.

Almenningur í evru-ríkjunum 17 er ekki beinlínis þrunginn Evrópuhugsjóninni og hefur aldrei verið. Þrátt fyrir sameiginlega mynt og sameiginlegan vinnumarkað er lítið um að fólk flytji búferlum á milli landa.

Mario Monti er útnefndur af Die Welt sem helsti bölsýnismaður evrunnar og Evrópusambandsins. Hann vill að Þjóverjar ábyrgist skuldir Suður-Evrópu. Almenningur á meginlandi Evrópu efnir ekki til mótmælafunda að krefjast ,,meiri" Evrópu til að leysa úr skuldakreppunni. Það ætti að vera hin raunverulega ástæða fyrir bölsýni Monti.

Evruvandinn geti sundrað Evrópu

Suður-Evrópa í efnahagslegu kviksyndi evrunnar

Spánn biður um neyðaraðstoð á næstu dögum og missir þar með efnahagslegt fullveldi sitt til Brussel og Washington, Ítalía er næst á dagskrá. Þar eru kosningar á næsta ári.

Þjóðverjar ganga einnig til kjörstaða á næsta ári að velja sér ríkisstjórn. Það stendur ekki til af hálfu Þjóðverja að arka útí fenið með Suður-Evrópuþjóðunum.

Næsta ár verður úrslitaár fyrir evruna og Evrópusambandið.

Lánshæfi 15 ítalskra banka lækkað

ESB-viðræður eru í þykjustunni

Ekkert gerist í viðræðum Íslands og Evrópusambandsins vegna þess að ríkisstjórn Íslands er ekki með umboð til að aðlaga íslenskt regluverk að kröfum ESB. Umboðið er ekki fyrir hendi þar sem aðildarumsóknin var send til Brussel 2009 til að fá að vita ,,hvað væri í pakkanum."

Evrópusambandið semur ekki tilboð handa umsóknarríkjum heldur ætlast til að umsóknarríki aðlagi sig reglum og lögum sambandsins jafnt og þétt á meðan viðræður standa yfir.

Þær þykjustuviðræður, sem nú standa yfir, eru til marks um öngstrætið sem ESB-umsókn Össurar og Samfylkingar er komin í.

 Flokkshagsmunir Samfylkingar eru að halda umsókninni til streitu á meðan þjóðarhagsmunir eru að afturkalla umsóknina enda var illa að henni staðið.

Viðræðurnar skammt á veg komnar

ESB-umsóknin er Icesave í öðru veldi

Ólafur Ragnar Grímsson forseti er með umboð frá þjóðinni sem hvorki aðrir stjórnmálamenn né stjórnmálaflokkar geta státað af. Ólafur Ragnar lagði fyrir dóm þjóðarinnar ákvarðanir sínar um að vísa Icesave-samningum ríkisstjórnarinnar við Breta og Hollendinga í þjóðaratkvæðagreiðslu.

Ólafur Ragnar hlaut afgerandi kosningu í sumar sökum þess að þjóðin fannst hann standa sig þegar ríkisstjórnin tók flokkshagsmuni fram yfir þjóðarhagsmuni.

ESB-umsóknin er annað og allvarlegra dæmi þar sem þröngir flokkshagsmunir eins flokks, Samfylkingarinnar, eru ráðandi á kostnað almannahags.

Ef ríkisstjórnin lætur ekki segjast, og afturkallar ESB-umsóknina, verður stjórnin að axla sín skinn og hverfa á braut. Forsetinn getur leyst upp þingið og boðað til kosninga ef forsætisráðherra neitar að horfast í augu við blákaldar pólitískar staðreyndir.

Stjórnarskráin ramminn sem hélt

Össur grefur undan efnahagslífinu

Krónan er gjaldmiðill Íslands í fyrirsjáanlegri framtíð. Krónan reyndist okkur vel í efnahagshruninu. Við gátum fellt gengið og komið hjólum atvinnulífsins í gang á ný á mettíma. Þær 17 þjóðir sem búa við sameiginlegan gjaldmiðil, evruna, eru bjarglausar þegar á bjátar.

Írar, Portúgalar, Grikkir og Spánverjar hafa ratað í efnahagslegar ógöngur. Þessar þjóðir geta enga björg sér veitt enda læstar í gjaldmiðlasamstarfi með þjóðum sem eru á annarri efnahagslegri bylgjulengd, - Þjóðverjum, Hollendingum, Austurríkismönnum og Finnum. Niðurlægjandi betliferðir til Brussel er eina leiðin fyrir evru-þjóðir i efnahagskröggum.

Össur Skarphéðinsson utanríkisráðherra grefur undan efnahagslífi þjóðarinnar með því að tala niður krónuna í viðtölum við erlenda fjölmiðla. Össur framlengir þann tíma sem krónan þarf að vera í höftum.

Össur Skarphéðinsson er orðinn að efnahagslegu vandamáli.

Mögulegt eftir lausn evruvandans