Hvers vegna var kúvent?

Fleira er í samantekt Hjartar sem ástæða er til að staldra við.  Í upphafi kom ekki til greina að innleiða það sem kallað er bókun 35 í íslensk lög.  ESA kvartaði fyrir rúmum áratug, en íslensk stjórnvöld sögðu að því miður gengi ekki að gefa Evrópulögum sjálfkrafa forgang sísvona. Á Íslandi réði Alþingi Íslendinga, en ekki erlendir skriffinnar.  En svo virðist eitthvað hafa gerst og íslensk stjórnvöld sannfærst um að það sé bara best að láta Evrópusambandið ráða.  Hvað gerðist?  Hvað mælir gegn því að leyfa málinu að fara í dóm?  Áhættan er engin fyrir Íslendinga, því ef dæmt er Íslandi í óhag verður niðurstaðan sú sama og stjórnvöld vilja núna fara sjálfviljug 

Hvað olli kúvendingu íslenskra stjórnvalda? 

https://www.fullveldi.is/?p=26204

Tímabær leit að grundvelli

Hjörtur J. Guðmundsson fer í grein í Morgunblaðinu skilmerkilega yfir atriði sem máli skipta í furðumálinu „bókun 35“.  Á sínum tíma, þegar EES var í smíðum, þótti flestum, sem málið skoðuðu, að naumt væri á að EES-samningurinn stæðist stjórnarskrá.  Hafi verið vafi í þá daga, er ljóst að eftir síðustu snúninga, sem og bókun 35, að EES er kominn röngu megin við stjórnarskrá íslenska lýðveldisins.

Það er löngu tímabært að finna samskiptum Íslands við Þýskaland, Frakkland og þeirra fylgiríki grundvöll sem samræmist stjórnarskrá, nútímahugmyndum um lýðræði, og hagsmunum Íslendinga til langframa.

https://www.fullveldi.is/?p=26204

Ríkisstofnun með ESB-blæti

Það er gul stormviðvörun í samtali Gunnars Smára við Arnar þór á Samstöðinni þar sem Arnar Þór kemst m.a. svo að orði:

„Ef Sjálfstæðisflokkurinn ætlar að standa undir einhvers konar samfélagslegri ábyrgð og hann ætlar að verja frelsi hins almenna manns þá skal hann gjöra svo vel að fara að taka á þessum málum og hætta þessari þjónkun við þetta erlenda vald…..…og hætta að vera ríkisstofnun með ESB-blæti“ (39:50)

 

https://www.youtube.com/watch?v=KQS-yX4lSBk

Ástamál smáþjóða

Þegar ríkisstjórn Íslands óskaði eftir innlimun Íslands í Evrópusambandið apaði hver Evróputungan eftir annarri að Evrópusambandinu þætti svo ósköp vænt um smáþjóðir að íslenska yrði vitaskuld opinbert tungumál í sölum Evrópusambandsins. 

Tæpir fjórir áratugir eru síðan Katalónar, Baskar og Galisíumenn urðu þegnar í Evrópusambandinu, en tungumál þessara þjóða eru ekki til hjá Evrópusambandinu, nema sem rannsóknaverkefni sérfræðinga. 

Slík er ást Evrópusambandsins á smáþjóðum. 

Nú hafa spænsk stjórnvöld beðið um að vegur þessara tungumála verði aukinn.  Og Evrópusambandið mun hugsa sig um. 

Þrjátíu og sjö ár var greinilega of knappur tími til þess.

https://www.ft.com/content/5de62c76-6db1-4f47-a53f-37c03d696b73

Evrópumál á Sögu

Arnþrúður Karlsdóttir og Haraldur Ólafsson ræddu Evrópumálin og fleira á Útvarpi sögu í dag.  Farið var yfir nokkur atriði sem ofarlega eru á baugi, m.a. útblástursskatt á flug og skipaferðir til Íslands, vegabréfsáritunarmáið, bókun 35, hermál, ritskoðun og eftirlit með borgurum og sitthvað fleira. 

https://utvarpsaga.is/fer-evropusambandid-med-skattlagningavald-a-islandi/

Hálfur sigur

Á fundi í gær samþykkti Stjálfstæðisflokkurinn að standa vörð um fullveldi Íslands. 

Það hljómar vel, en þeirri framúrstefnulegu skoðun hefur stundum verið haldið fram að fullveldi verði best varðveitt með því að farga því.  Við skulum vona að Sjálfstæðismenn villist aldrei í þeirri rökþoku og túlki eigin stefnu til samræmis við orðanna hljóðan.  Og hlusti svo enn meira á Arnar Þór og félaga hans í framtíðinni.  

https://arnarthorjonsson.blog.is/blog/arnarthorjonsson/entry/2293515/

 

 

 

 

 

 

 

 

Brýning

Í dag, laugardaginn 26. ágúst, funda Sjálfstæðismenn.  Arnar Þór Jónsson mun leggja fram tillögu sem lýtur að því að halda löggjafarvaldinu hjá Alþingi í stað þess að flytja það til útlanda. 

Júlíus Valsson birtir á bloggsíðu sinni ávarp Arnars Þórs, sem rétt er að gefa gaum. 

https://juliusvalsson.blog.is/blog/juliusvalsson/entry/2293435/

Sorfið til stáls

Margt bendir til þess að ríkisstjórnin ætli sér að leggja bókun 35 á ný fyrir Alþingi og til viðbótar er í pípunum frumvarp um framsal á valdi til Alþjóðaheilbrigðisstofnunar Sameinuðu þjóðanna. Fullvíst er að margir, og kannski allur þorri manna, muni vilja skoða það nánar. 

Nú um helgina funda Sjálfstæðismenn og þurfa að líkindum að horfast í augu við að það gæti verið erfitt fyrir þá að halda lengra á braut framsals valds til vandalausra í útlöndum. 

https://arnarthorjonsson.blog.is/blog/arnarthorjonsson/