Sýklunum boðið heim

Vilhjálmur Ari Arason læknir varar enn við hinni glórulausu ákvörðun að heimila innflutning á ófrosnu kjöti, sem gerðist í skjóli EES.  Málið snýst um fjölónæma sýkla sem geta verið banvænir og eru vaxandi lýðheilsuvandamál. 

"Eftirlit með innflutningi sem ákveðið var af þessu tilefni, nær eingöngu til matareitrunarbaktería eins og salmonellu og kamphýlobakter og sýklalyfjaónæmis meðal þeirra. Þannig var fylgt dómsúrskurði EFTA í EES samningsákvæðum um öll Evrópulönd, án þess að lítið væri á afar góða sérstöðu Íslands að þessu leyti og sem hefur verið að mestu laus við þessar sýklalyfjaónæmu flórubakteríur og sýklayfjanotkun í landbúnaði alltaf lítil."

 https://blog.dv.is/vilhjalmurari/2020/05/14/rikisstjorn-sem-vill-sleppa-reidhjolabjollunni/

 

 

 

Fánar Evrópusambandsins komnir á nýjan lögreglubíl

Tveir fánar ESB eru á nýjum lögreglubíl sem dómsmálaráðherra Íslands afhenti Ríkislögregluembættinu í síðustu viku. Ekki verður séð að neinn íslenskur fáni sé á lögreglubifreiðinni.

Það er reyndar langt síðan byrjað var að breyta lit lögreglubílanna. Áður höfðu þeir verið íklæddir litamunstri íslenska þjóðfánans. En nú eru allir nýir lögreglubílar í stöðluðum bláum og gulum litum ESB fánans.

 

Evrópusambandið vill yfirtaka Ísland og það gengur ágætlega með hjálp meðvirkrar embættis- og stjórnmálaelítu Íslands. Það er gert sneið fyrir sneið í gegnum ólýðræðislegan EES samninginn og Schengen miðstýringuna. 

Við hjá Heimssýn segjum Nei við ESB og mikill meirihluti þjóðarinnar hefur fylgt okkur í því og nei þýðir nei.

 

Bíllinn merktur ESB

1. maí - Sjálfstæði þjóðarinnar er samofið baráttunni fyrir betri kjörum og réttlátu þjóðfélagi

Baráttudagur verkalýðsins er nú haldinn í samkomubanni í skugga kórónaveirunnar.

Undanfarin ár hefur Heimssýn þverpólitísk hreyfing sjálfstæðissinna í Evrópumálum tekið virkan þátt í deginum með því að taka þátt í hatíðarhöldunum og minna á kröfur sínar um að Ísland verði áfram sjálfstætt og fullvalda ríki. Að Ísland standi utan ESB og berjist einnig gegn ásælni þeirra innlendra og erlendra afla sem vilja koma okkur bakdyrameginn þar inn og grafa undan sjálfstæðinu með því að taka við endalausum tilskipunum og yfirfæra valdheimildir í auknum mæli til yfirþjóðlegs stofnanaveldis Evrópusambandsins að kröfu ESB í skjóli EES samningsins.

Þetta á við í sífellt fleiri stórum málum sem smáum. Skemmst er að minnast innleiðingar þriðja orkupakka ESB sem var í andstöðu við mikinn meirihluta þjóðarinnar og svo þeirrar andlýðræðislegu afgreiðslu sem málið á endanum hlaut á Alþingi undir hótunum frá ESB-valdinu. Síðan eru það ekki bara orkumálin sem hafa verið þvinguð undir kerfishramm ESB heldur líka stórmál eins og matvælalöggjöf ESB og frjáls innflutningur landbúnaðarafurða og svo er sjálfstæði íslenskra dómstóla nú meira og minna fallið þar sem ESB telur sig orðið hafa æðsta vald og íslenskir dómstólar þvingaðir til að hlíta úrskurðum þeirra.

Evrópusambandið er ekki óskadraumur evrópskrar alþýðu. Það er andlýðræðislegt kerfisapparat skriffinna og nýtur lítils trausts alþýðufólks enda stendur sambandið oftast hvorki með almenningi eða lýðræðinu.

Völd ESB eru sótt til banka- og fjármálaauðvaldsins og til stórra fjölþjóðlegra fyrirtækjasamsteypa og þessum aðilum þjónar spillt valdaelíta Evrópusambandsins fyrst og fremst.

Heimssýn sendir baráttukveðjur til íslenskrar alþýðu og hvetur fólk til að standa með okkur og þjóðinni í baráttunni fyrir sjálfstæði Íslands.

G.I.

Ríkisstjórn Íslands vill hafa hemil á gagnrýni á Evrópusambandið

Kvennablaðið segir frá nýstofnaðri nefnd um svokallaða upplýsingaóreiðu. Elva Ýr Gylfadóttir situr í nefndinni og fjallaði um svokallaðar falsfréttir nýlega. Sagði hún þá m.a.:

"Í öðru lagi eru dæmigerðar falsfréttir sem hafi það að markmiði að sá fræum efans og ýta undir tortryggni bæði gagnvart stjórnvöldum einstakra ríkja,  gagnvart heilbrigðisyfirvöldum og til að grafa undan Evrópusambandinu með fullyrðingum um að samvinna Evrópuríkja sé ekki að virka, þau standi ekki saman."

Sú var tíð að menn á Íslandi hristu haus yfir fréttum um aðgerðir til að stemma stigu við  "andsovéskum áróðri".  Hverjir skyldu hrista hausinn núna?

https://kvennabladid.is/2020/04/21/aetlar-elfa-yr-gylfadottir-ad-ritskoda-gagnryni-a-evropusambandid/

Lýðheilsa gegn viðskiptahagsmunum Evrópusambandsins

Vilhjálmur Ari Arason læknir og fyrrum ráðsmaður í sóttvarnarráði fjallar umbúðalaust um smitvarnir og innflutning á ófrosnu kjöti og þögn tiltekins fjölmiðils um málið. 

Vilhjálmur segir m.a. um innflutninginn:

"Álíka viturleg ákvörðun að leyfa slíkan innflutning og að leggja til að handþvottur sé óþarfur gagnvart smiti"

"Að beinlínis stofna til aðgerða eins og gert var með nýjum lögum um áramótin og auka stórlega smithættu sýklalyfjaónæmra súna, er því glórulaus ákvörðun, lýðheilsunnar vegna."

https://blog.dv.is/vilhjalmurari/2020/04/06/smitvarnir-okkar-og-frjals-innflutningur-a-ofrosnu-kjoti-til-islands/

Krónan ver okkur

Það er athyglisvert að fylgjast með umræðu hagfræðinga um aðsteðjandi vanda í efnahagsmálum þessa dagana. Hver á eftir öðrum útlista þeir ágæti þess að vera með íslenska krónu og eigin stjórn á efnahagsmálum. Síðast var það Gylfi Zoega, prófessor og meðlimur í peningastefnunefnd Seðlabanka Íslands í þættinum Silfrið í Ríkissjónvarpinu í morgun. Aðrir möguleikar í gjaldmiðilsmálum eru ekki ræddir, ekki einu sinni í Samfylkingunni þegar hún fundar um efnahagsmál. 

Heit er trú þeirra

Haraldur Ólafsson bendir í grein í Fréttablaðinu á að úrsögn Breta úr Evrópusambandinu eigi sér aðrar rætur en hatur á frelsi og mannúð.  Greinin er svar við grein Þorsteins Víglundssonar, viðreisnarmanns, sem sem minnti Íslendinga á hið yfirnáttúrulega samband milli Evrópusambandsins og alls sem er gott og fagurt og svartnættið utan sambandsins. Sterkust var þó áminning Þorsteins um trúarhita Evrópusambandssinna sem hafa fundið ljós heimsins. 

 

https://www.frettabladid.is/skodun/frelsishetjur-thorsteins-og-skilnadur-breta-og-evropusambandsins/

Ferð til Lundúna til að samfagna Bretum

F R E L S I S F E R Р  T I L   L U N D Ú N A

Heimssýn samtök sjálfstæðissinna vekur athygli á hópferð til Lundúna í tilefni BREXIT  31. janúar næstkomandi þegar breska þjóðin endurheimtir sjálfstæði sitt eftir nærfellt hálfrar aldar ofstjórn ESB. Bretland gekk í Evrópusambandið árið 1973 en breska þjóðin samþykkti í þjóðaratkvæðagreiðslu árið 2016 að ganga úr ESB. Íslenski fáninn mun blakta í Lundúnum við heimssögulegan viðburð þegar Bretar yfirgefa ESB.

 

Farið verður til Lundúna 30. janúar & komið heim 2. febrúar. Fararstjórar verða Haraldur Ólafsson formaður Heimssýnar, Jón Kristinn Snæhólm stórnmála- og sagnfræðingur og Hallur Hallsson blaðamaður og sagnfræðingur.

 

Útgangan úr ESB er nærfellt nærfellt fjórum ár eftir að ættjarðarvinir samþykktu útgöngu Breta úr ESB. Hátíðahöld verða á Parliament Square & víðar um Lundúni. Vonir standa til að viðgerð verði lokið á Big Ben sem ómi að kvöldi 31. janúar líkt og í síðari heimsstyrjöld. 

 

Sjálfstæðiskvöldinu 31. janúar verður varið í hófi í Margaret Thatcher House í boði Íslandsvinarins Andrew Rossindal þingmanns Romsford í útjaðri Lundúna. Móttaka verður í höfuðstöðvum Íhaldsflokks Borisar Johnson. Breska þingið – House of Commons í Westminster – verður heimsótt á laugardeginum.

Þeir sem áhuga hafa á að slást í hópinn skulu senda skeyti til [e-mail]