RÚV óttast um breska konungsríkið, ekki ESB

Úrsögn Breta úr Evrópusambandinu, Brexit, er komin á skrið, loksins eftir þrjú og hálft ár frá þjóðaratkvæðinu sem samþykkti aðskilnað við ESB.

RÚV óttast þó ekki um afdrif Evrópusambandsins heldur breska konungsríkisins: Á breska konungsveldið eftir að liðast í sundur? spyrja þau áhyggjufull á Efstaleiti.

Ógn og skelfing. Þjóð endurheimtir fullveldi sitt og þá hlýtur allt að fara fjandans til.

 

 

 

Brexit-samningur samþykktur

Hefur Evrópuþingið brugðist skyldum sínum?

Mikjáll prins af Lichtenstein skrifar langa og ítarlega grein um það sem hann telur vera alvarleg mistök af hendi þingmanna Evrópuþingsins er þau lýstu yfir neyðarástandi í loftslagsmálum.

Mikjáll er sérfræðingur hjá Geopolitical Intelligence Services (GIS) en stofnunin hefur það hlutverk að veita leiðtogum í viðskiptaheiminum, æðstu stjórnendum og stefnumarkandi einstaklingum ósviknar og mikilvægar spár. Þessar spár eru byggðar á upplýsingum um samspil stjórnmála og landafræði og ætlaðar til að aðstoða stjórnendur við ákvarðanatöku.

Greinina hans Mikjáls má finna á heimasíðu GIS-stofnunarinnar, hér en íslenskun á henni má finna á fréttasíðu Viljans, hér.

Norðmenn inn í landhelgina í boði Brims hf?

Hugmyndir um að Brim hf. fari á norskan hlutabréfamarkað þarf að skoða í samhengi við aðgengi að landhelginni sem Íslendingar börðust fyrir með blóði, svita og tárum.

Það var aldrei meiningin að erlendar þjóðir kæmust bakdyramegin inn í 200 mílurnar.

Ef kvótakerfið býður upp á bakdyr þarf að loka þeim eða breyta kerfinu.

 

ÚR vill erlendar fjárfestingar í Brimi

Stöðug andstaða við evruna í evrulöndunum

Síðustu ár hefur andstaðan við gjaldmiðilinn evruna verið stöðug á evrusvæðinu. Andstaðan náði hámarki á árunum eftir evrukreppuna miklu í kringum 2010 þegar þriðjungur íbúa í evrulöndunum taldi evruna vera slæma fyrir efnahaginn. Í ár eykst andstaðan um eitt prósent er 26% íbúa evrusvæðisins telja evruna slæma fyrir efnahagslífið. 

Eins og kunnugt er hefur evran og evrusamstarfið gert það að verkum að Þýskaland hefur skotist langt fram úr flestum öðrum evrulöndum hvað hagsæld varðar, en vegna styrks þýsks efnahags- og atvinnulífs hefur framleiðsla þar verið ódýrari og Þýskaland því skilað meiri viðskiptaafgangi og hagvexti en nágrannalöndin, s.s. Ítalía, Frakkland og fleiri lönd. Fyrir vikið safna mörg nágrannalanda Þýskalands skuldum og búa við meira atvinnuleysi á meðan Þjóðverjar safna eignum. Þetta er óleyst vandamál, enda telur enn um þriðjungur Frakka og Ítala evruna vera slæma. Lausnin gæti falist í sameiginlegum ríkisfjármálum - en það munu mörg evrulöndin aldrei sætta sig við - og líta má á úrsögn Bretlands sem birtingarmynd þess að íbúar í Evrópu er lítt hrifnir af auknum völdum ESB í Brussel.

Sjá nánar hér: Skýrsla um evruna. 

Sjá hér líka umfjöllun Kjarnans um málið - en þar er lögð áhersla á jákvæðari þætti evrusamstarfsins.

 

Fullveldishátið Heimssýnar 2019

101 árs afmæli fullveldisins var fagnað að kvöldi sunnudagsins 1. desember sl.  Styrmir Gunnarsson og Ögmundur Jónasson fluttu ávörp, en auk þeirra tóku allnokkrir til máls. 

Fullveldishátíð Heimssýnar

Dagur íslenskrar tungu

Líklega telur allur þorri kjósenda á Íslandi að löggjafinn eigi að hlúa að íslensku. Aðgerðir þar að lútandi eiga sér djúpar rætur í samfélaginu.

Fátt bendir til þess að allur þorri kjósenda í gömlu evrópsku stórveldunum hafi sérstaka samúð með tungum smáþjóða.  Óvíst er að viðleitni Evrópuráðsins og fleiri til að rækta menningu og tungu smáþjóða eigi djúpar rætur meðal almennra borgara sem ekki eru hluti af smáþjóð.  Í svoleiðis rótleysi getur ræktarsemi yfirvalda við smáþjóðir fokið burt næst þegar vindur snýst.    

Heimssýn óskar íslensku velfarnaðar á degi íslenskrar tungu. 

 

https://theconversation.com/russia-is-cracking-down-on-minority-languages-but-a-resistance-movement-is-growing-101493

 

Heimssýn mótmælir EES-áróðri Stjórnarráðsins

Yfirlýsing frá Heimssýn um EES-myndbönd Stjórnarráðs Íslands

Stjórnarráðið hefur látið gera og birt myndbönd um Samninginn um evrópska efnahagssvæðið.  Myndbönd þessi eru undarleg og vægast sagt vafamál að rétt sé að greitt sé úr ríkissjóði fyrir efni af því tagi sem þar er.  Í myndböndunum er fjallað um margt sem flestir telja jákvætt, svo sem sjúkratryggingar, nám í útlöndum, verslun við önnur Evrópulönd, öryggiskröfur, greiðslumiðlun, vinnuvernd og umhverfismál svo nokkuð sé nefnt.  Ýmist er sagt berum orðum, eða gefið sterklega í skyn, að mál þessi, og fleiri, væru í ólestri ef ekki væri EES-samningur.  Flestir sem til þekkja gera sér grein fyrir að engin ástæða er til að ætla að svo væri, en svo virðist sem myndböndunum sé ætlað að ná til þeirra sem þekkja síður til, í því skyni að sannfæra þá um að EES-samningurinn sé upphaf og endir flestra hluta, þó svo ekkert hafi komið fram sem bendi til að svo sé.       

Heimssýn hvetur til skynsamlegrar umræðu um raunverulega kosti og galla EES-samningsins og þá valkosti sem við hann kunna að vera.  Myndböndin sem hér um ræðir komast hvergi nærri því að vera framlag í slíka umræðu.  Þau eru einhliða áróður, þar sem EES-samningurinn er kynntur með stolnum fjöðrum.  Þau eru móðgun við upplýsta umræðu, íslensku þjóðina, og Stjórnarráðinu til lítils sóma.