Landsreglari útskýrir hvað Íslendingar mega og mega ekki í orkumálum

Eins og við mátti búast hefur landsreglari Evrópusambandsins skoðun á því hvernig orkuauðlindum á Íslandi er ráðstafað.  Málpípa hans segir m.a. um vindorkuvirkjun:

"Sé það svo, kæmi það í hlut Orkustofnunar að skilgreina vindorkulandsvæðin.  Hin "takmörkuðu gæði", sem þannig verða til í eignarlandi sumra - en ekki allra - eða í þjóðlendum, yrði ríkið að bjóða út.  Slíkt útboð tæki til skipulagssvæðis með gildu virkjunarleyfi fyrir vindlund til handa orkufyrirtæki á grundvelli jafnræðis innan Evrópska efnahagssvæðisins."

 

Um þetta fjallar Bjarni Jónsson skilmerkilega:

https://bjarnijonsson.blog.is/blog/bjarnijonsson/entry/2251627/?fb=1&fbclid=IwAR0eWi-SIoBdMefpn1DMTfcgXVeTKIIZJ5kro2bVQn4l27xNq9yFkyXq4tQ

 

 

Þingmaður veit ekki hver er best til þess fallinn að stjórna Íslandi

Þingmaður Pírata, Halldóra Mogensen, ræðir málin á Útvarpi Sögu.  Hún hefur skoðanir á ýmsum málum, en þegar kemur að spurningunni um hvort Ísland eigi að vera fullvalda ríki eða hvort það eigi að lúta bandalagi gömlu evrópsku nýlenduveldanna hefur hún ekki skoðun. 

Það er merkilegt að stjórnmálamaður skuli ekki geta gert upp hug sinn í slíku grundvallarmáli. 

https://www.utvarpsaga.is/piratar-stjornarskra-breytingar/

 

Fylgjendur innlimunar í Evrópusambandið sjá rautt

 

Út er komið myndband með afar myndrænum tilvísunum í landvætti og það er gagnrýnt. Helstu gagnrýnendur eiga sameiginlegt að vera frelsaðir í trú á stórt og sterkt Evrópusamband þar sem Ísland á sæti við borð.  Þeir gefa í skyn að þeim leiðist þjóðerniskennd, en þó er það svo að hið evrópska stjórnvald sem þeir dást svo að leggur mikla áherslu á sameiningu fólks, þjóðerniskennd og fánaburð. Það er evrópsk sameining, evrópsk þjóðerniskennd og evrópski fáninn sem þar eiga í hlut.

Þeir sem þarna hafa horn í síðu tilvísana í íslenskar goðsagnir gera það ekki vegna andúðar á þjóðerniskennd, heldur vegna andúðar á íslenskri þjóðerniskennd sem þeim finnst flækjast fyrir innlimun Íslands í framtíðarríki Evrópusambandsins.

 

https://www.visir.is/g/20201987454d/nytt-myndband-fra-ksi-reynist-umdeilt-thessi-thjodrembings-oskop-honnud-af-instagram-aeskunni- 

 

 

 

 

 

 

"...allt sem við kemur EES-samningnum er á mjög 'gráu svæði' "

 

 

Málpípa Ögmundar sturtar úr súpupotti sannleikans yfir þjóðina á heimasíðu Ögmundar.  Súpan opinberar uppsuðu mótsagna, ósanninda og rangsnúninga í því skyni til að koma Íslendingum undir vald Evrópusambandsins, skref fyrir skref.  Þar má nefna þá furðuhugmynd að lækka raforkuverð þar sem það er lágt með því að láta þá stjórna þar sem það er himinhátt.  Hvað næst?  

 

 

 

 

 

 

 

 

 

 

 

 

 

 

 

 

http://ogmundur.is/frjalsir-pennar/2020/06/kari-skrifar-ad-fara-bakdyramegin-inn-i-evropusambandid?fbclid=IwAR1erJdGYwi-hjMT6UIhepsoRzt71zIqJPraOXgxKBSzNNVVINE-38cleEs

Evrópusambandið vill ráða

Ekki er annað að skilja en að íslensk stjórnvöld telji það ekki í sínu valdi að ákveða hvort íbúar í fjölmörum löndum megi koma til Íslands. Erlent ríkjasamband sem Ísland á enga aðild að vill fá að ráða því! 

Íslensk stjórnvöld virðast vera að bíða eftir leyfi frá Brussel til að bjóða fólk velkomið til Íslands.  Það leyfi er ekki komið, þótt um sé að ræða íbúa í löndum þar sem böndum hefur verið komið á farsóttina.  Eitthvað fleira en sóttarótti hlýtur því að liggja að baki. 

Er ekki tími til kominn að endurskoða hið svokallaða samstarf við Evrópusambandið? 

https://www.ruv.is/frett/2020/06/25/bida-med-landamaerabreytingar-uns-esb-birtir-lista

Þjóðhátíðardagur

Þjóðhátíðardagur Íslands er í dag 17. júní á afmælisdegi sjálfsstæðishetjunnar Jóns Sigurðssonar. Dagurinn hefur verið haldinn hátíðlegur með ýmsu móti síðan snemma á síðustu öld en var valinn stofndagur íslenska lýðveldisins árið 1944 og hefur frá þeim tíma verið þjóðhátíðardagur Íslands og opinber frídagur, haldinn hátíðlegur með samkomum og skemmtiatriðum um land allt.

 

Síðari ár hefur hátíðahöldum í höfuðborginni farið mjög hrakandi. Borgaryfirvöld hafa jafnt og þétt dregið úr fjárframlögum til hátíðahaldanna, dagskráin skorin niður og fyrir nokkrum árum var öll dagskrá að kvöldi þjóðhátíðardagsins felld niður. Hér áður fyrr iðaði borgin af mannlífi skemmtunum og þúsundir manna af öllum kynslóðum dönsuðu og skemmtu sér á götum borgarinnar eða sátu á Arnarhóli og hlustuðu á bestu danshljómsveitir landsins.Það er engu líkara en borgaryfirvöld vilji helst ekkert af þessum þjóðhátíðardegi vita lengur. Virðingin fyrir þjóðfánanum og þjóðmenningunni og þjóðararfinum fer því miður þverrandi. Þjóðtungan á líka í vök að verjast.

 

Engu var líkara en borgaryfirvöld hefðu verið því fegnust að geta nú skorið öll hátíðarhöld á þjóðhátíðardaginn niður við trog og haft farsóttina sem afsökun. Sömu borgaryfirvöld höfðu fyrir hálfum mánuði veitt leyfi fyrir stórri mótmælasamkomu á Austurvelli vegna atburðar sem gerst hafði í Bandaríkjunum.

 

Enn einu sinni hefur komið sterklega í ljós hvað sjálfsstæðið og fullveldið er okkur sem þjóð mikilvægt.  Nú þurfti að bregðast við alheimsvá sem kórónaveiran er og fyrir 12 árum þurfti að bregðast við bankakreppu sem varð bæði hér á Íslandi og víða um heim. Ásamt samstöðu er gríðarlega mikilvægt að stjórnvöld geti brugðist hratt og örugglega við ágjöf með þjóðarhagsmuni í huga.

 

Við verðum að verja sjálfstæði og fullveldi þjóðarinnar með öllum ráðum því það er að því sótt úr öllum áttum.

 

Heimssýn, samtök sjálfsstæðissinna í Evrópumálum, óskar landsmönnum öllum gleðilegrar þjóðhátíðar.

 

Heimssýn biður um skýringar

Heimssýn hefur sent dómsmálaráðherra bréf. Þar segir svo:

 

Ágæti ráðherra

Athygli hefur vakið að lögreglubílar á Íslandi eru merktir fána erlends ríkjasambands sem Ísland á enga aðild að.  Af því tilefni óskar Heimssýn góðfúslega að fá svör dómsmálaráðherra við eftirfarandi spurningum:

1. Er íslenska lögreglan, eða búnaður hennar, að einhverju leyti fjármögnuð af öðrum en íslenska ríkinu og þá jafnvel erlendum aðila? Tengjast slíkar greiðslur fána Evrópusambandsins á lögreglubílum?  Telur ráðherra viðeigandi að lögreglan sé fjármögnuð með öðrum hætti en með fé frá opinberum aðilum á Íslandi?

 

2. Hefur öðrum erlendum ríkjum eða ríkjasamböndum, íslenskum eða erlendum einstaklingum eða lögaðilum verið boðið að auglýsa á íslenskum lögreglubílum? Ef svo er, hverjir hafa fengið slík boð og á hvaða kjörum?

 

3. Lítur dómsmálaráðherra svo á, að vald það sem lögreglunni er fengið sé að einhverju leyti upprunnið annars staðar en hjá íslenskum löggjafa sem kjörinn er af íslensku þjóðinni?

 

4. Má líta svo á að fánar Evrópusambandsins á lögreglubílum séu birtingarmynd þess að yfirvöld lögreglumála telji sig að einhverju leyti þjóna Evrópusambandsins, en ekki þjóna Íslendinga og íslenska ríkisins?

 

Dýrt reglugerðafargan

Félagið Frjálst land rekur vefmiðilinn frjalstland.is  Þar er nú birt hugvekja um að reglur séu ekki ókeypis.  Staðreyndin er auðvitað sú að reglur geta verið samfélaginu dýrar og reglugerðaskógur rándýr. Orðrétt segja liðsmenn Frjáls lands: 

"Stjórnmálamenn okkar eru fastir í viðjum stjórnkerfis ESB sem kemur í veg fyrir að stjórnvöld landsins geti stjórnað landinu eins og þarf. Þau þykjast í staðinn geta bjargað málunum með fjáraustri úr almannasjóðum. Fljótvirkari og árangursríkari stjórnvaldsaðgerðir komast ekki á dagskrá, stjórnmálamenn okkar treysta sér ekki til að stjórna landinu sjálfir heldur hjakka í fari framandi regluverks sem EES hefur leitt yfir landið."

 

http://www.frjalstland.is/