Skellt á Evrópusambandið

Þeim fjölgar, bæði á Íslandi og í Noregi sem hafa fengið nóg af því hversu Evrópusambandið hefur fært sig upp á skaftið í viðleitni sinni að ná völdum í Noregi og á Íslandi – í gegnum EES-samninginn.  Nú gera Norðmenn sig líklega til að spyrna við fótum.  Stórþingið afþakkaði að stimpla valdaframsal til Evrópusambandsins í járnbrautarmálum og ákvað að spyrja hæstarétt hvort ekki sé rétt að staldra við og senda gjörninginn aftur til Brussel. 

Kannski mun þetta síðar verða kallað upphafið að endalokum EES-samningsins.  

 

https://www.aftenposten.no/norge/politikk/i/PR9167/full-stopp-for-regjeringens-jernbaneforslag-flertallet-vil-sende-sake

Sannleikurinn um Brexit-samningana

Meintar samningaviðræður milli Evrópusambandsins og Breta hafa verið fréttaefni í nokkur ár, eða allt frá því Bretar kusu að yfirgefa sambandið 23. júní 2016. Hinn efnislegi ágreiningur hefur á köflum verið skrýtinn, þótt ekki sé fastar að orði kveðið. Þannig virðast landamæri Írlands og N-Írlands verða að vandamáli sem fáir skilja, en mun víst vera gríðarlega stórt.  Hvernig ætli fari þegar menn uppgötva hin 2366 km löngu galopnu landamæri milli Noregs og Evrópusambandsins?  Það mun þurfa þrautþjálfaðar samninganefndir til að takast á við þann spotta, svo ekki veitir Evrópusambandinu af að æfa sig á Írlandi.

 

Sannleikurinn er auðvitað sá að það er erfitt að ná landi þegar annar aðilinn hefur það sjálfstæða markmið að samningar verði erfiðir og að mótaðilinn skaðist sem mest. Það er kannski kjarni málsins, eins og fréttamaðurinn David Boati kemur að í lok þessarar fréttar.

 

https://www.svt.se/nyheter/utrikes/lista-tre-skal-till-strandade-brexitforhandlingar

ESB heimtar að lög og tilskipanir þess verði rétthærri og æðri íslenskum lögum og sjálfri stjórnarskrá lýðveldisins Íslands

Eftirlitsstofnun EFTA (ESA) hefur nú sent Íslandi lokaviðvörun vegna meints samningsbrots, sem stofnunin hefur haft til meðferðar sl. 8 ár. Þar er krafist að lög og tilskipanir frá ESB verði gerðar rétthærri og æðri íslenskum lögum í íslensku réttarfari.

Athyglisvert er að Sigríður Á. Andersen formaður utanríkismálanefndar og fyrrverandi dómsmálaráðherra telur það alveg skýrt að íslensk lög gildi framar erlendum lagagreinum í íslenskum rétti.

Hér er enn og aftur komið fram að EES-samningurinn er baneitraður og framkvæmd hans þverbrýtur stjórnarskrána og vegur að sjálfstæði Íslands. 

Fróðlegt verður að sjá hvernig og hverjir af íslenskum þingmönnum þora gegn þessum hótunum og valdbeitingum og standi vörð um sjálfstæði þjóðarinnar og stjórnarskrána sem þeir hafa svarið eið að.

Við skulum fylgjast vel með.

Ísland fær lokaviðvörun

Valdstjórnin sendir Íslendingum lokaviðvörun

 

Hið evrópska yfirvald sendir Íslendingum viðvörun.  Það verður sífellt skýrara að kominn er tími til að taka EES-samstarfið til rækilegrar endurskoðunar.  Hvernig væri til dæmis að stefna á frjáls viðskipti án þess að annar aðilinn lyti lögum hins?  

https://www.mbl.is/frettir/innlent/2020/10/05/island_faer_lokavidvorun/

Innan múra Evrópusambandsins - og EES

Friðrik Daníelsson fjallar í grein um óbeinar og tæknilegar viðskiptahindranir og vandamálin við EES.  Af einhverjum ástæðum er lítið um slíkt fjallað í fjölmiðlum á Íslandi.  Grein Friðriks minnir okkur á að farsælast er hverri þjóð að ráða sínum málum sjálf og gott er a rifja það upp öðru hvoru.   

 

Friðrik segir m.a.:

Ísland er að lokast meir og meir inni í viðskiptamúravirki ESB. Ísland er með fríverslunarsamninga við mörg lönd og þar á meðal ESB samkvæmt eldri samningi en EES. Sá samningur er enn í fullu gildi þó farið sé með það sem leyndarmál. Og Ísland er einnig með viðskiptasamninga við mörg lönd bæði á eigin vegum og með EFTA. Þeir fríverslunarsamningar koma að vísu ekki að fullu gagni meðan EES-höftin gilda hér. Viðskipti við gömlu stóru viðskiptalöndin verður væntanlega auðvelt að endurlífga þegar höft ESB verða afnumin. EES er í vaxnadi mæli að einangra Ísland frá alþjóðaviðskiptum.

https://www.frjalstland.is/2019/07/10/ees-samningurinn-er-ad-einangra-island/

 

Samansúrrað hagsmunaveldi stórauðvalds og skriffinna

Bjarni Jónsson nær, sem fyrr, góðu flugi:

"Hrakfallasaga evrusamstarfsins er dæmalaus, og meðferðin á Grikkjum fyrir tæplega áratug var forkastanleg, þar sem þeim var fórnað á altari peningaveldis í ESB.  Þýzkir og franskir bankar, lánadrottnar Grikklands, voru skornir úr snörunni og lengt í hengingaról Grikkja.  Evrópusambandið er ekki góðgerðarstofnun, sem hleypur undir bagga með aðildarríkjunum, þegar á bjátar.  Evrópusambandið er samansúrrað hagsmunaveldi evrópsks stórauðvalds og búrókrata í Brüssel, sem maka krókinn með risasporslum og skattafríðindum. "

 

https://bjarnijonsson.blog.is/blog/bjarnijonsson/entry/2253021/

 

 

 

Ný og breytt stjórnarskrá

Öðru hverju kemur upp umræða um stjórnarskrá Íslands og oftar en ekki er umræðan tengd gjaldtöku í sjávarútvegi.

Það gleymist stundum að núverandi stjórnkerfi og skattlagning fiskveiða er verk Alþingis og Alþingi getur breytt hvoru tveggja að vild.  Ekki þarf stjórnarskrárbeytingu til þess. 

Við stjórnarskrárbreytingar þarf að gæta þess vandlega að hvergi verði unnt að sækja að fullveldi landins.  Verði opnað fyrir slíka aðför er hætt við valdheimildir í tengslum við auðlindir landsins færist í enn ríkara mæli til útlanda, en nú er.  Þá fyrst gæti orðið snúið að breyta nokkrum sköpuðum hlut í stjórnun og skattlagningu fiskveiða, þjóðinni til gagns.  

Verhofstadt vill brýna kutana

Helstu pótintátum Evrópusambandsins hefur lengi þótt sárt að Evrópusambandið skuli ekki eiga fleiri skriðdreka og byssuhólka.  Verhofstadt vill betri her til að slást við hermenn Pútins, og segir í sömu ræðu að Evrópusambandsríkin noti þrefalt meiri peninga í hermál en Rússar.

Er ekki einkennilegt að einhverjum skuli hafa dottið í hug að gömlu evrópsku herveldin mundu breytast við að leggjast í eina sæng?

https://www.express.co.uk/news/politics/1316163/eu-army-guy-verhofstadt-brexit-donald-trump-germany-nato