Aðalfundur Heimssýnar á morgun, þriðjudag

Aðalfundur Heimssýnar, hreyfingar sjálfstæðissinna í Evrópumálum, verður haldinn þriðjudaginn 28. mars 2017 klukkan 20:00 í húsakynnum Heimssýnar í Ármúla 6 í Reykjavík. Ræðumaður er Guðni Ágústsson, fyrrverandi ráðherra, og fundarstjóri Haraldur Ólafsson veðurfræðingur.

Á dagskrá eru venjuleg aðalfundarstörf, kosningar og önnur mál. 

Allir félagsmenn og stuðningsfólk Heimssýnar er velkomið.

Framkvæmdastjórn Heimssýnar

Þið eruð vandræðagemsar, segir Uffe Ellemann-Jensen

ESB myndi ekki þola fleiri vandræðagemsa, segir Uffe Ellemann-Jensen, og á við Íslendinga. Þið vitið hvað ESB felur í sér, segir Uffe hér í viðtali við Mogunblaðið. Það er alveg ljóst hvað er í pakkanum, það þarf ekkert að sækja um aðild til að fá að vita það. Annað hvort eru menn með í þessu öllu eða ekki, segir þessi hressilegi, fyrrverandi utanríkisráðherra Danmerkur, léttur í bragði, en samt hálf dapur yfir bágu ástandi í ESB- og evruríkjunum.

„Þið vitið hvað er í pakkanum“

Hvað ætlar hún sér eiginlega að verða - þegur hún verður eldri?

Framkvæmdastjórn ESB veit ekkert hvað hún vill verða. Nú er hún að velta því fyrir sér hvort hún eigi að verða stór eða bara vera lítil áfram og jafnvel enn minni en hún er í dag. Um þetta fjallar heljarinnar skýrsla sem framkvæmdastjórnin hefur gefið út. Meðal möguleika sem þar eru nefndir eru:

• ESB verður lítið - þ.e. án Bretlands.
• ESB verðu mjórra - þ.e. einungis innri markaður.
• ESB gerir meira - þ.e. þéttara samstarf í vinnumarkaðs- og löggæslumálum.
• ESB léttir sig og vinnur hraðar - þ.e. bara í öryggis-, innflytjenda- og varnamálum.
• ESB verður feitara og þyngra - þ.e. eykur miðstýringu, stofnar varnarbandalag og tekur upp eigin skattheimtu.

Hvert skyldi vera val þeirra fáu á Íslandi sem enn vilja að Ísland gerist aðili að ESB?

Hvaðan í ósköpunum kemur hún - og hvert er hún að fara?

Þegar heimurinn er að gefast upp á evrunni og stórum hluta Evrópusambandsins dúkkar þessi fulltrú Viðreisnar upp í Bandaríkjunum og reynir að telja fólki trú um að það þurfi aðild að ESB til að tryggja fjármálastöðugleika. Hefur þessi þingmaður enga þekkingu á því sem verið hefur að gerast í fjármálum á evrusvæðinu? Les hún ekki fréttir um Grikkland, Ítalíu, Spán að ekki sé talað um Þýskaland - þar sem evran er mesti ógnvaldurinn við fjármálastöðugleika á svæðinu. 

Hvar hefur þessi fulltrúi Viðreisnar verið?

 

 

Segir EES ekki duga lengur

AGS segir ESB þjarma að Grikkjum að óþörfu

„Stefnan sem Þýskaland heftur rekið gagnvart Grikklandi er pólitískt og efnahagslega óskynsamleg og mun að lokum hrekja Grikki í greiðsluþrot. Þetta segir Hörður Ægisson ritstjóri Markaðarins í leiðara Fréttablaðsins í dag. Þar skrifar hann um ástandið í Grikklandi sem lengi hefur glímt við alvarlegan skuldavanda sem lítið hefur farið fyrir í fjölmiðlum undanfarin misseri. Það breytir þó engu um það að vandinn er enn til staðar og enn mjög alvarlegur. Alls nema skuldir ríkisins 180% af landsframleiðslu en mat Alþjóðagjaldeyrissjóðsins er það að ef ekki verði afskrifaðar umtalsverðar upphæðir gæti prósentan farið upp í 300 á næstu árum og áratugum.“

Ofangreint hefur Eyjan úr leiðara Harðar Ægissonar, efnahagsritstjóra, í Fréttablaðinu.

Þar segir ennfremur:

Fram undan er erfitt sumar fyrir gríska ríkið. Að sögn Harðar þarf Grikkland sjö milljarða evra í fjárhagsaðstoð í júlí næstkomandi til að geta borgað af skuldum sínum. Slíkir fjármunir eru þó ekki afhentir nema með ströngum skilyrðum og þurfa Grikkir að halda áfram að herða beltið og spara, auk þess sem áfram er gerð krafa um efnahagsumbætur, ,,í því skyni að ná fram auknum afgangi á frumjöfnuði ríkissjóðs‘‘ segir Hörður.

Það kemur eflaust einhverjum á óvart en AGS er sammála stjórnvöldum í Aþenu um að afskrifa þurfi einhvern hluta skulda ríkisins ef sjóðurinn á að geta haldið áfram að lána Grikkjum. Þetta hefur ekki mælst vel fyrir meðal ráðamanna í Berlín sem hafa sett fótinn niður og hafna því alfarið að farið verði í afskriftir.

Skuldir Grikkja eru nánast einvörðungu við opinbera aðila, einkum sex stærstu Evruríkin með Þýskaland í broddi fylkingar. Afar litlar líkur eru á því að sögn Harðar að stjórnmálamenn í Frakklandi, Hollandi og Þýskalandi bjóði kjósendum sínum upp á það að Grikkir fá eina evru afskrifaða, það er ,,pólitískur ómöguleiki‘‘. Þetta þýðir aðeins eitt, Grikkir eru ekki að fara að losna úr skuldasúpunni í bráð.

Hörður segir að sú stefna sem yfirvöld í Þýskalandi hafi rekið gagnvart Grikklandi sé ,,pólitískt og efnahagslega óskynsamleg og mun að lokum hrekja Grikki í greiðsluþrot.‘‘ Þjóðverjar græði ekkert á því að þurfa að afskrifa skuldir gagnvart Evrópska seðlabankanum ef Grikkir gangi út úr evrusamstarfinu.

Landsmenn á móti ESB: Stöðugur og tryggur meirihluti gegn aðild

Andstaðan við aðild að ESB eykst og hún er stöðug. Meiri­hluti lands­manna hef­ur verið and­víg­ur inn­göngu í Evr­ópu­sam­bandið í öll­um könn­un­um sem birt­ar hafa verið frá því í ág­úst 2009 eða und­an­far­in sjö og hálft ár. Nú eru 54% á móti en 26 prósent með. Andstæðingar aðildar eru líka mun ákveðnari í sinni afstöðu. Fjörutíu prósent eru mjög andvíg aðild en einungis 13 prósent eru mjög hlynnt. 

HENDUM ÞESSARI UMSÓKN ÚT Í HAFSAUGA - SJÁ:

Evrópusambandið heillar ekki Íslendinga

Misheppnaðasta umsókn Íslandssögunnar

Sjá hér kannanir MMR.

Tveir þriðju andvígir inngöngu

Evruríkin eru læst inni í harmkvælaástandi, segir Jón Baldvin

Jón Baldvin Hannibalsson, fyrrverandi utanríkisráðherra, var í hressilegu viðtali í Silfrinu hjá Agli Helgasyni í morgun. Þar sagði Jón Baldvin að peningamálasamstarfið, þ.e. evrusamstarfið, í Evrópu vera ónýtt. Hafa ber í huga að þarna talar sá maður sem einna harðast barðist fyrir því á sínum tíma að tekið yrði upp nánara samstarf við ESB. En ekki lengur. 

Jón Baldvin sagði að evrusamstarfið væri tæknilega ónýtt. Evrukerfið réði ekki við þau áföll sem dunið hefðu yfir. Öðrum hagkerfum hefði tekist það betur. Sökudólgurinn væri m.a. Maastricht-samkomulagið sem legði ýmsar byrðar á aðildarríki evrusamstarfsins varðandi hagstjórn sem væri óskynsamleg til lengdar. Almenningur í Evrópu væri látinn borga skuldir fjárglæframanna. Bankarnir hefðu ekkert svigrúm til að stuðla að hagvexti og hagsæld. Evrópuríkin væru því læst inni í harmkvælaástandi. Það er búið að eyðileggja Grikkland, sagði Jón Baldvin. Hagkerfið þar væri fjórðungi minna en áður. Evran væri búin að eyðileggja hagkerfi Suður-Evópu; Ítalíu, Spánar, Kýpur og Grikklands. Atvinnuleysi ungs fólks á Spáni væri um 50%. Hvers konar þjóðfélag er þetta?, spurði Jón Baldvin í samtalinu við Egil.

Jón sagði að fjöldaatvinnuleysi væri byggt inn í þetta ónýta fjármálakerfi evrussamstarfsins. Hagkerfið væri læst inni í samdrætti og almenningur væri látinn borga skuldir auðmanna. Þess vegna væri lýðræðið að bresta í þessum löndum.

Brexit heldur áfram stig af stigi

Frumvarp sem gerir breskum stjórnvöldum kleift að hefja viðræður við Evrópusambandið um úrsögn Breta var samþykkt með miklum meirihluta á breska þinginu í gær. Frumvarpið var samþykkt með 494 atkvæðum gegn 122 í neðri deild breska þingsins. 

Frumvarpið fer nú til efri deildar þingsins en Theresa May, forsætisráðherra Breta, gerir ráð fyrir að hefja viðræður við ESB um úrsögn í marslok.