Frekar sterlingspund en evru

Seðlabank­ar eru í vax­andi mæli að losa sig við evr­ur og kaupa sterlingspund í staðinn. Þetta kem­ur fram í frétt breska viðskipta­blaðsins Fin­ancial Times. Ástæðan er sögð vera póli­tísk­ur óstöðug­leiki inn­an Evr­ópu­sam­bands­ins, lít­ill hag­vöxt­ur á evru­svæðinu og vaxta­stefna seðlabanka evrunnar. Þess í stað líta þeir á sterlingspundið sem stöðugan val­kost til langs tíma seg­ir í frétt­inni.

Mbl.is birtir þessa frétt.

Vilja pundið frekar en evruna

Benedikt yrði á bekknum hjá Lars

Það má segja að Lars Christensen, nafntogaður danskur hagfræðingur sem skrifar reglulega í Fréttablaðið, hafi gefið fjármála- og efnahagsráðherra falleinkunn við stjórn efnahagsmála.Í blaðinu í dag segir Lars:

Í viðtali við Financial Times um helgina gaf Benedikt Jóhannesson fjármálaráðherra í skyn að það gæti verið góð hugmynd að festa krónuna við evru. ...Ef Ísland hefði verið með fastgengi 2008 hefði uppsveiflan verið stærri en kreppan hefði orðið mun dýpri. Ísland hefði endað eins og Grikkland ef gengið hefði ekki verið sveigjanlegt. Og að lokum: Gagnstætt því sem Benedikt Jóhannesson heldur fram þá er það þannig að ef festa ætti gengi krónunnar ætti ekki að festa hana við evru heldur við gjaldmiðil – eða myntkörfu – sem verður gjarnan fyrir sömu útflutningshnykkjum og Ísland. Bestu kostirnir hérna væru aðrir „auðlindagjaldmiðlar“ eins og kanadíski dollarinn, norska krónan eða nýsjálenski dollarinn.

Bensi Jó tekur heljarstökk afturábak í gjaldmiðilsmálinu

Þetta er nú meira upphlaupið með hann Benedikt Jóhannesson fjármála- og efnahagsráðherra sem í viðtölum við útlensk blöð ræðir ýmsa möguleika í gjaldmiðilsmálum en hér heima segir að menn hafi verið að draga fullvíðtækar ályktanir af því sem haft var eftir honum. Á meðan slær Bjarni Ben því föstu að krónan sé framtíðargjaldmiðill.

Benedikt: Fullvíðtækar ályktanir

Bjarni Ben: Krónan er framtíðargjaldmiðill Íslendinga

Bjarni Benediktsson forsætisráðherra sagði í ræðu á ársfundi Seðlabankans í síðustu viku að í vinnu þriggja manna verkefnisstjórnar sem á að endurmeta forsendur peninga- og gjaldmiðilsstefnu Íslands sé gengið út frá því að krónan verði í næstu framtíð gjaldmiðill Íslendinga.

Enn fremur sagði Bjarni í ræðunni:

Krónan hefur því leikið stórt hlutverk í þjóðarbúskapnum. Styrkur hennar hefur átt stóran þátt í að skapa stöðugt verðlag í þrjú ár og betri kaupmátt almennings en dæmi eru um. Kaupmáttur Íslendinga hvort sem er í innlendri eða erlendri mynt hefur ekki áður verið meiri. Þegar meðallaun Íslendinga eru flutt yfir í evrur og borin saman við nálægar þjóðar á þeim grundvelli sést sterk staða Íslands glöggt.

 

Goldman Sachs hjálpuðu Grikkjum að svindla sér inn á evrusvæðið

Þau voru athyglisverð ummælin hjá Ögmundi Jónassyni, fyrrum þingmanni og ráðherra, í þættinum Silfrið í Sjónvarpinu um að hinn stóri alþjóðlegi fjárfestingabanki Goldman Sachs hefði hjálpað Grikkjum að svindla sér inn á evrusvæðið. Það er jú vitað að hagskýrslur sögðu ekki rétta sögu um grískan efnahag þegar Grikkir sóttust eftir að fá að taka upp evru. Síðustu 10 árin eða svo hefur evran verið Grikkjum vaxandi fjötur um fót.

Hlutur hins alþjóðlega stórbanka, Goldman Sachs, er forvitnilegur og við stutta leit á alnetinu kom upp frétt í breska fjölmiðlinum Independent þar sem segir frá því hvernig Grikklandi tókst að halda sig innan svokallaðra Maastricht-viðmiða, sem var forsenda fyrir evruupptöku, með flóknum fjármálagjörningum þessa stóra alþjóðlega fjárfestingabanka sem áttu að láta opinberar skuldir Grikkja líta betur út.

Þau eru mörg vítin sem ber að varast.

70% Breta vilja úr ESB og fremur engan samning en slæman

Það er vaxandi sátt í Bretlandi um útgönguna úr ESB eftir að hún var samþykkt með naumum meirihluta síðasta sumar. Alls telja 69% Breta rétt að fara þá leið sem bresk stjórnvöld feta út úr ESB. Það er einnig áhugavert að ef ESB ætlar að sýna þá óbilgirni sem glittir í nú í byrjun samningaviðræðna um útgönguna þá vill góður meirihluti Breta fremur engan samning við ESB en slæman. Það er því ljóst að Bretar eru að sættast á þessa leið stjórnvalda í Bretlandi út úr ESB og gætu jafnvel hugsað sér að álíka samskiptamódel við ESB og fjarlægari og óþekktari ríki eða svæði. ESB skiptir Breta ekki lengur það miklu máli.

Í mbl.is um þetta segir:

Mik­ill meiri­hluti Breta styður þau áform rík­is­stjórn­ar Bret­lands að segja skilið við Evr­ópu­sam­bandið sam­kvæmt niður­stöðum nýrr­ar víðtækr­ar skoðana­könn­un­ar fyr­ir­tæk­is­ins YouGov. Þar kem­ur fram að 69% telja bresk stjórn­völd gera rétt með því að ganga úr sam­band­inu. Ein­ung­is 21% er and­vígt því og telja að koma þurfi í veg fyr­ir þau áform.

........

For­sæt­is­ráðherra Bret­lands, Th­eresa May, hef­ur sagt að hún sé reiðubú­in að ganga frá samn­inga­borðinu ef ekki verði í boði nægj­an­lega góður samn­ing­ur. Eng­inn samn­ing­ur sé betri en slæm­ur samn­ing­ur. Meiri­hluti Breta er sam­mála þessu sam­kvæmt skoðana­könn­un­inni eða 55%. Tæp­ur fjórðung­ur tel­ur rétt að fall­ast á þann samn­ing sem verði í boði.

Telja rétt að ganga úr ESB

Ný stjórn Heimssýnar

Á aðalfundi Heimssýnar í gærkvöld var ný stjórn kjörin. Erna Bjarnadóttir (sjá mynd) var kjörin formaður í stað Jóns Bjarnasonar og Halldóra Hjaltadóttir var kjörin varaformaður í stað Jóhönnu Maríu Sigmundsdóttur.

Eftirtaldir aðrir voru kjörnir í stjórn:

Anna Ólafsdóttir Björnsson
Ásdís Helga Jóhannesdóttir
Ásgeir Geirsson
Ásmundur Einar Daðason
Birgir Örn Steiingrímsson
Bjarni Harðarson
Bjarni Jónsson
Elísabet Svava Kristjánsdóttir
Eyþór Arnalds
Frosti Sigurjónsson
Guðjón Ebbi Guðjónsson
Guðni Ágústsson
Gunnar Guttormsson
Gunnlaugur Ingvarsson
Haraldur Líndal
Haraldur Hansson
Haraldur Ólafsson
Hörður Gunnarsson
Ívar Pálsson
Jakob Kristinsson
Jóhanna María Sigmundsdóttir
Jón Bjarnason
Jón Árni Bragason
Jón Ríkharðsson
Jón Torfason
Kristinn Dagur Gissurarson
Lilja Björg Ágústsdóttir
Óðinn Sigþórsson
Ólafur Egill Jónsson
Ólafur Hannesson
Páll Marís Pálsson
Páll Vilhjálmsson
Ragnar Arnalds
Ragnar Stefán Rögnvaldsson
Ragnar Stefánsson
Sif Cortes
Sigurbjörn Svavarsson
Sigurður Þórðarson
Stefán Jóhann Stefánsson
Styrmir Gunnarsson
Vésteinn Valgarðsson
Viðar Guðjonshen
Vigdís Hauksdóttir
Þollý Rósmundsóttir
Þorvaldur Örn Árnason
Þorvaldur Þorvaldsson
Þorvarður B. Kjartansson
Þóra Sverrisdóttir
Ögmundur Jónasson

Aðalfundur Heimssýnar á morgun, þriðjudag

Aðalfundur Heimssýnar, hreyfingar sjálfstæðissinna í Evrópumálum, verður haldinn þriðjudaginn 28. mars 2017 klukkan 20:00 í húsakynnum Heimssýnar í Ármúla 6 í Reykjavík. Ræðumaður er Guðni Ágústsson, fyrrverandi ráðherra, og fundarstjóri Haraldur Ólafsson veðurfræðingur.

Á dagskrá eru venjuleg aðalfundarstörf, kosningar og önnur mál. 

Allir félagsmenn og stuðningsfólk Heimssýnar er velkomið.

Framkvæmdastjórn Heimssýnar