Allt stopp í ESB í næstu viku: Stórverkfall hjá starfsmönnum ESB!

Þrjú verkalýðssambönd tugþúsunda starfsmanna Evrópusambandsins hafa boðað til verkfalls í næstu viku eins og meðfylgjandi frétt EUObserver segir frá. Þetta er aðeins fáum dögum fyrir leiðtogafund í Brussel þar sem ræða á um sparnað í rekstri ESB, en áform eru um að skera stjórnsýsluútgjöld niður um 15 milljarða evra, en við það er óttast um uppsagnir og atvinnuleysi meðal starfsmanna ESB.

EUBusiness segir líka frá þessu. Gera má ráð fyrir að ESB-báknið stöðvist við þessi verkföll, um stund að minnsta kosti.

Heildarútgjöld ESB eru þarna sögð vera um „trilljón“ evrur. Það eru einkum Bretar sem vilja draga úr útgjöldum ESB. Útgjöld ESB eru reyndar annars staðar sögð 130-150 milljarðar evra eftir því hvernig reiknað er, eða um 24 þúsund milljarðar króna.

Í fréttinni er minnst á þá alkunnu staðreynd hversu feitir bitar störfin í ESB eru. En þau kosta sem sagt skattborgarana allt of mikið eins og sparnaðaráformin benda til.

Athugasemdir

[Örn Johnson ´43 (IP-tala skráð) 30.1.2013 kl. 23:45]

Hér má svo bæta við þeirri alkunnu staðreynd (nema ESB blinduðu fólki) að ESB hefur ekki tekist að koma saman efnahagsreikningi sínum s.l. 18 ár. Endurskoðendur þess hafa brjálast og eru reknir í stórum stíl. Um þetta hafa verið skrifaðað nokkrar bækur og mun ég fljótlega benda á eina þeirra, sem er eftir konu sem ráðin var sem endurskoðandi sambandsins. Þegar hún var að komast að stórfeldri spillingu þar um borð var hún umsvifalaust rekin.