Hvert flæða peningarnir í Evrópu?

Hvar er best fyrir Evrópubúa að geyma peningana sína núna? Það er spurning sem greinilega er ofarlega í huga margra eftir aðgerðirnar á Kýpur. Eins og fyrirsagnir vefmiðla sem vitnað er í hér í hægri dálki undir RSS-straumar bera með sér eru vangaveltur um að ríkir Rússar flytji peninga sína frá Kýpur til Lettlands. Aðrir óttast að fé muni nú flæða frá Evrópu.

Lettar neita því að rússagullið leiti nú í auknum mæli til þeirra, en þó er vitað að um helmingur af öllum innlánum í lettneskum bönkum er í eigu útlendinga og þá einkum íbúa fyrrum Sovétlýðvelda.

Nú er komið í ljós að fjárflótti hófst fyrir nokkru úr bönkum á Kýpur. Þannig eru nú birtar tölur um að í síðasta mánuði hafi um milljarður evra af sparnaði verið fluttur úr landi.

Þá má líka sjá að yfirvöld á Möltu, Lettlandi, Lúxemborg og Slóveníu sverja af sér að bankakerfið í þessum löndum líkist nokkuð því sem er á Kýpur, en Financial Times fjallaði um það í fyrradag.

Það eru því enn miklar hræringar í bankakerfum Evrópulanda og ekki útséð hvenær né hvar þær muni enda að þessu sinni.

Athugasemdir

[Ægir Óskar Hallgrímsson, 30.3.2013 kl. 11:58]

ESB var stofnað til höfuðs sameiginlegu bandaríkjum....Bandaríkin eru alltaf með fjárlög...ég hef aldrei séð neinar tölur frá ESB um hvernig þetta bandalag er rekið...fyrst kommúnistarnir í ríkisstjórn Íslands vilja þarna inn....af hverju er ekki gerð krafa um hvernig staða sambandsins er í raun.

[Heimssýn, 30.3.2013 kl. 12:10]

Endurskoðendur ESB hafa alltént ekki verið auðfengnir til að skrifa undir ársreikninga sambandsins.