Vaxandi yfirgangur ESB í makríldeilunni

Frétt Spiegel sýnir að lítið lát er á yfirgangi ESB í makríldeilunni. Þvert á móti. Enn hótar ESB Íslendingum og Færeyingum refsiaðgerðum undirriti þeir ekki það sem ESB vill. ESB hótar að beita því afli sem felst í stærðarmun ríkjasambandsins og þjóðanna í Norðurhöfum. ESB sýnir sitt rétta andlit - en talsmaður þess virðist samt hlaupinn í felur.

 

Mbl. greinir frá þessu. Frétt mbl.is er svohljóðandi: 

 

 

Færeyingum og Íslendingum hefur verið gert rausnarlegt tilboð um lausn makríldeilunnar af hálfu Evrópusambandsins og taki þeir því ekki fyrir lok þessarar viku mun sambandið hefja samninga við Norðmenn án aðkomu þjóðanna tveggja. Taki Færeyingar og Íslendingar ekki tilboðinu kunna þjóðirnar ennfremur að standa frammi fyrir refsiaðgerðum.

Þetta segir Maria Damanaki, sjávarútvegsstjóri Evrópusambandsins, í samtali við fréttavef þýska blaðsins Spiegel í dag. Viðræður hófust í Bergen í Noregi í morgun um lausn deilunnar. „Möguleikinn á refsiaðgerðum er enn til staðar,“ segir hún. Hins vegar vonist hún eftir að samningar náist á síðustu stundu. Viðræður við Íslendinga og Færeyinga að undanförnu gefi vonir um að það takist.

Evrópusambandið hefur boðið Íslendingum og Færeyingum 11,9% hlutdeild í árlegum makrílkvóta en þjóðirnar hafa til þessa farið fram á 15-16% hlutdeild. Norðmenn telja hins vegar 11,9% vera of hátt hlutfall og hafa lagst gegn því. Sama er að segja um stjórnvöld á Írlandi en þau eru hins vegar ekki beinir aðilar að viðræðunum heldur semja fulltrúar Evrópusambandsins fyrir hönd þeirra. 

Hótar refsiaðgerðum vegna markrílsins

Athugasemdir

[Jós.T. (IP-tala skráð) 29.1.2014 kl. 01:55]

Skrítið að þú skulir ekki minnast á Norðmenn sem hafa verið miklu harðari og óbilgjarnari í þessari deilu en ESB. Getur verið að hatur þitt á ESB blindi þig fyrir því hvar raunverulegar ógnir liggja? Komi í veg fyrir alla rökhugsun. Og sé ástæða þess að þú sért almennt talinn ómarktækur ruglukollur?

Nokkuð sem þú getur pælt í þegar mesta ofsóknaræðið rennur af þér.

[Heimssýn, 29.1.2014 kl. 12:24]

Eins og þú sérð, Jós. T., þá er hér verið að fjalla um hótanir ESB um viðskiptaþvinganir. Við vísum á bug að í huga okkar eða skrifum felist þær kenndir í garð ríkjasambandsins sem þú minnist á. Hins vegar bendir orðanotkun þín, þegar hún er skoðuð, og þá sérstaklega hvaða eiginleika eða ástand þú ætlar öðrum, til þess að að þú þurfir að hugleiða málið og skoða á nýjan leik og ef til vill velja örlítið málefnalegri framsetningu á hugsunum þínum og skoðunum.