Kosningarnar áfall fyrir ESB

Niðurstöður kosninganna til Evrópuþingsins eru visst áfall fyrir ESB. Það voru fréttaskýrendur sænska ríkissjónvarpsins sammála um í kvöld. Þeir flokkar sem eru almennt fylgjandi aukinni samvinnu í Evrópu undir merkjum ESB fengu að jafnaði ekki góða kosningu. Hins vegar fengu þeir flokkar yfirleitt betri kosningu sem hafa eitt eða fá mál á stefnuskrá sinni og voru heldur gagnrýnir á þróunina í ESB.

Sigur danska þjóðarflokksins er eitt af skýrum merkjum um þetta. 

Kosningaþátttakan var enn fremur heldur lítil, eða ríflega 40%. Stöðug hvatning stjórnvalda í öllum ríkjum ESB til íbúanna um að taka þátt í kosningunum skilaði ekki miklum árangri.

Evrópusamvinnan hefur beðið hnekki og ljóst að ráðandi öfl þurfa að spyrja sig þeirrar spurningar hvort ekki beri að breyta um þá samrunastefnu sem verið hefur ríkjandi.

 

Danski þjóðarflokkurinn með mest fylgi