Misskilningur Egils Helgasonar

Andstaða við aðild að ESB hér á landi byggist að mestu leyti á því að okkur muni farnast betur efnahagslega að vera fyrir utan ESB. Þannig héldum við yfirráðum yfir fiskveiðiauðlindum landsins. Enn fremur er hætt við að aðild að myntbandalagi evrunnar færi illa með okkur þar sem hagsveiflur og hagþróun er með allt öðrum hætti hér á landi en á meginlandi Evrópu.

Fjölmiðlamaðurinn Egill Helgason gerir því skóna að aðild að ESB byggist einkum á þeirri trú að ESB-aðild myndi ógna þjóðerni Íslendinga. Það er óljóst hvernig hann kemst að þessari niðurstöðu, en umræðan um aðild að ESB hefur lítið ef eitthvað snúist um þetta upp á síðkastið.

Þvert á móti snýst andstaðan við ESB-aðild að miklu leyti um það að yfirráð yfir auðlindum okkar og þar með yfir þeim grunni sem velferð okkar byggist á myndi færast til Brussel. Jafnframt byggist andstaðan á því að vald til samninga við önnur ríki, t.d. til að gera viðskiptasamninga og fiskveiðisamninga við önnur ríki, flytjist frá Íslandi til Brussel.

Andstaðan við aðild að ESB hefur því ekki snúist um þjóðerni sem slíkt heldur um inntak þess lífs sem við lifum á Íslandi og hvort við viljum stjórna okkar málum meira eða minna. Þjóðerni er þar í sjálfu sér aukaatriði.

 

Athugasemdir

[Helga Kristjánsdóttir, 18.9.2014 kl. 17:52]

Þannig hefur það alltaf verið,þá sjaldan að það kemur í athugasemdum er eftir langdregið karp um innbyggja og ehv. eftir fyrirhugaða byggingu Mosku.Ég hafði gleymt hvernig kommúnismi er/var og hryllti við lýsingum hins greinargóða vestfirðings,Jóns Baldvins,á Sögu í gær.Hvernig Eistlendingar voru fluttir nauðugir í Gúlakið og Rússar aftur í þeirra stað til Eistlands.Mér varð hugsað,getur þetta nokkurn tíma komið fyrir landið okkar.

[Haukur Kristinsson (IP-tala skráð) 18.9.2014 kl. 18:18]

Værum við verr settir með yfirráð yfir fiskveiðiauðlindum okkar í Brüssel, í stað LÍÚ?

Værum við verr settir með stjórnun mála þeirra flóttamanna sem hingað koma í Brüssel, fremur en hjá siðleysingjum og aulum eins og Hönnu Birnu og Gísla Frey?

Værum við verr sett með meiri aðlöguna að Evrópsku löggjöfinni, í stað þeirrar íslensku sem  virðist nær eingöngu beint gegn snærisþjófum?

Værum við verr sett með aðgang að landbúnaðarvörum EU landa?

Þá munu nú vera skiptar skoðanir um "inntak" þess lífs, sem var einkennandi fyrir hrunið hér á klakanum. "Inntakið" sem varð til þess að forseta ræfillinn hrópaði, "we are different", og endaði með efnahagslegu hruni sem kostað hefur margan Íslendinginn bæði aleigu og heilsu.

[Elle_, 18.9.2014 kl. 19:10]

Helga, ég tek ekki mark á orði frá Jóni Hannibalssyni, hversu rólegur eða skýr hann kann að virðast.  Hann var líka skýr í lýsingum á landsölu Íslands, þó ekki orð væri satt.  Hann er í ofanálag samfylkingarlegur, eins og Þorsteinn Pálsson.

[Elle_, 18.9.2014 kl. 19:38]

Og Egill Helgason er allt einhvern veginn röngu megin í fullveldismálinu.  Líka þegar þetta veldi ætlaði að beita kúgun og þvingun og heimtaði ríkisábyrgð á skuld sem var aldrei ríkissjóðs.  Og þeir vissu það.

[Tryggvi Skjaldarson (IP-tala skráð) 18.9.2014 kl. 21:33]

Gertis eitthvað annað en að evrópusambandið leggur blessun sína yfir veiðitillögur Havró?

[Ásmundur (IP-tala skráð) 18.9.2014 kl. 21:50]

Þetta er alveg rétt hjá Agli. Að halda þvi fram að efnahagslega muni okkur farnast betur utan ESB eru mikil öfugmæli.

Ísland mun í reynd ráða yfir sinni fiskveiðilögsögu. Þó að formlegt vald til að ákveða heildaraflann færist til Brüssel verða engar ákvarðanir teknar fyrr en eftir ráðgjöf frá Íslendingum.

Þar sem um er að ræða staðbundna stofna verður farið að ráðgjöf Íslendinga enda eiga aðrar þjóðir ekki hagsmuna að gæta.

Þar eð ESB er vegna stærðar í aðstöðu til að ná mun betri viðskiptasamningum en Ísland verður það okkur til hagsbóta að ganga inn í þá samninga þó að eigin samningum sé fórnað.

Veit Heimsýn ekki að náttúruauðlindir eru á forræði landanna en ekki ESB?

Það þarf því ekkert að óttast varðandi orkuauðlindir þó hugsanlega verðum við skuldbundin til að selja ESB-löndum orku við sérstakar aðstæður frekar en öðrum. Er það ekki bara hið besta mál?

Mesti efnahagslegi ávinningurinn með ESB-aðild og upptöku evru er að losna við ónýtan gjaldmiðil. Stöðugleiki og aukin samkeppnishæfni með nýjum atvinnutækifærum fylgja upptöku evru.

Lítil verðbólga, engin verðtrygging, miklu lægri vextir á jafnt innlendum sem erlendum lánum einkaaðila og opinberra aðila verða mikil lyftistöng fyrir íslenskt efnahagslíf. Almenn velmegun eykst og spilling minnkar.

[Heimssýn, 18.9.2014 kl. 22:27]

Okkur hefur farnast betur utan ESB.

Við losnuðum við að taka á okkur klyfjarnar vegna Icesave. ESB-ríkin vildu knýja okkur til að taka ekki bara Icesave á okkur heldur að ríkið tæki megnið af skuldbindingum bankanna á sig. Ætli það hafi ekki bara verið Guð sem forðaði okkur frá því :-).

Staða okkar efnahagslega er mun vænlegri en flestra ESB- og evruríkja. Atvinnuleysi er miklu minna, atvinnuþátttaka miklu meiri og hagvöxtur miklu meiri. Eignaverð hefur hrapað í sumum evrulöndum og það gert stöðu húseigenda mun verri.

Það er rétt hjá Ásmundi að formleg yfirráð yfir fiskveiðiauðlindinni myndi flytjast til ESB með aðild. Auk þess hefðum við ekkert að segja um flökkustofna. Þannig hefðum við varla veit makrílbröndu ef við hefðum verið í ESB. Það er út af fyrir sig líka umhugsunarefni ef við yrðum að beina orkusölu fyrst og fremst til ESB-landa við aðild, eins og Ásmundur heldur fram.

Með evru færum við hugsanlega í svipaða stöðu og Grikkir og önnur jaðarríki sem hafa farið halloka í samkeppni við Þjóðverja og aðrar kjarnaþjóðir. Ásmundur og ESB-sinnar neita að viðurkenna þá skekkju sem evran hefur valdið í samkeppni á milli evruríkjanna með tilheyrandi skuldasöfnun og atvinnuleysi í jaðarríkjunum en eignasöfnun hjá Þjóðverjum. Alls staðar í Evrópu viðurkenna menn þetta - sjá m.a. hér.

http://www.heimssyn.blog.is/blog/heimssyn/entry/1445823/

Og talandi um spillingu, Ásmundur! Eru menn búnir að gleyma öllum skýrslunum sem skrifaðar hafa verið um spillingu í ESB-löndunum??

[Ómar Bjarki Kristjánsson, 18.9.2014 kl. 22:50]

Það er algjörlega bráðnauðsynlegt að koma fiskinum undan yfirráðum sjalla, framsóknarmanna, almennra þjóðbelginga og forsetagarms.

Með yfirráðum Brussel yrði öllum almenningi betur borgið þessu viðvíkjandi því Brussel myndi alltaf slá á hendi þeirra sjalla þegar ofríki þeirra og ofstopi LÍÚ-klíkunnar keyrðiúr hófi.

Það er yrði alltaf betra fyrir almenning ef yfirráð yrðu í Brussel. Það er ekki deilt um það í raun.

Það sem er deilt um er, hvort ekki væri affarasælast að taka kvótann frá sjöllum og framsóknarmönnum og bjóða út á ESB svæðinu.

Það væri alveg hægt að prófa að tala við færeyinga fyrst. Hvort þeir fengjust til að taka þetta að sér gegn sanngjörnu framlagi í sameiginlega sjóði landsins.

En sem kunnugt er hefur LÍÚ-klíkan neitað að greiða sanngjarnan skerf í sameiginlega sjóði og hefur þar með beisiklí sagt sig úr þjóðinni.

[Helga Kristjánsdóttir, 19.9.2014 kl. 00:32]

Elle ég veit það, eftirmiðdags viðtölin eru oft áhugaverð og ég styllti á Sögu i bílnum og hlustaði á þennan kafla meðan ég beið eftir farþega..Það átti svo vel við að minnast á það,vegna efnis pistilsins hér sem afneitar með réttu að Nei-Esb snúist um þjóðerni.- hvað sem öðru líður lifði ég mig inn í frásögnina með hrolli. Ætli ég fari ekki nærri um það hverjir eru svo ofurskýrir að ekki er hægt að villast á þeim. Meðan ruglan herjar ekki á heilann í mér,eru þeir svarnir pólitískir óvinir,en það kemur fyrir að byssa mín er ekki hlaðin.

[Ásmundur (IP-tala skráð) 19.9.2014 kl. 00:49]

Að það séu skrifaðar skýrslur um spillingarmál sýnir að það er tekið á spillingunni. Hér er ekkert gert nema kvartað á bloggsíðum.

Krónan er mikill gróðrarstía spillingar. Hinn margrómaði sveigjanleiki hennar er í raun leið hinna betur settu til að taka til sín fé á kostnað almennings með gengislækkunum

Þegar fé getur flust frjálst milli landa, stunda hinir betur settu að flytja það úr landi þegar gengi krónunnar er i hámarki til að flytja það heim aftur eftir gengishrun og hefur féð þá jafnvel tvöfaldast i krónum talið. Almenningur tapar.

Þegar gjaldeyrishöft eru, njóta ýmsir þeirra forréttinda að fá gjaldeyri á kostakjörum sem þeir geta síðan selt á mun hærra verði og síðan endurtekið leikinn. Fyrirtæki hafa verið stofnuð til að finna smugur í höftum til að koma fé úr landi.

Það er aðeins umframorka sem við getum hugsanlega þurft að selja ESB-löndum. Það er enginn fórn fólgin í því enda liggur beint við að selja orkuna þangað eftir tilkomu sæstrengs.

Mjög líklega hefði makríldeilan fengið farsælan endi fyrir okkur innan ESB enda reynir ESB alltaf að koma til móts við aðildarþjóðirnar. 

Ef það hefði ekki borið fullnægjandi árangur hefðu Íslendingar getað lagt málið fyrir Evrópudómstólinn sem allar líkur eru á að hefði dæmt okkur í vil.

Í því sambandi má rifja upp að Bretar voru ósáttir við kvótahopp Spánverja og báru deiluna undir Evrópudómstólinn sem úrskurðaði að Bretar gætu sett skilyrði um tengsl útgerðanna við Bretland.

Varðandi aðra flökkustofna myndum við halda okkar hlutdeild eftir inngöngu í ESB skv reglunni um hlutfallslegan stöðugleika, sem einnig tryggir okkur allar aflaheimildir í staðbundnu stofnunum.

Icesave hefði aldrei komið upp ef við hefðum haft evru. Icesave var neyðarúrræði bankanna til að afla rekstrarfjár eftir að lánamarkaðir lokuðust. Með Ísland í ESB með evru hefði ekki verið nein ástæða til að grípa til slíkra úrræða.

Það er ekki mikið álit sem Heimssýn hefur á íslenskri efnahagsstjórnun ef hún telur líkur á að Ísland fari sömu leið og Grikkir sem geta kennt sjálfum sér um eigin ófarir. ESB hefur lært af reynslunni og gert ráðstafanir til að koma i veg fyrir að slíkt endurtaki sig. 

Efnahagsleg staða Íslands er mun verri en samanburðarlandanna. Íslenska ríkið skuldar miklu meira og nýtur margfalt verri vaxtakjara.

Lánskjör heima fyrir eru einnig miklu verri og laun miklu lægri. Framleiðni er léleg og landsframleiðsla mun verri en hjá mörgum samanburðarlandanna.

Mikill hagvöxtur og mikil atvinna koma ekki til af góðu. Lág laun örva atvinnu og fé sem er fast innanlands en vill út er nýtt hér í óarðbær verkefni.

Gjaldeyrishöftin eru eins og krabbamein á efnahagskerfinu. Þau verða hér óhjákvæmilega áfram í einhverri mynd þó að þau samrýmist ekki EES-samningum. Brottrekstur úr EES er því yfirvofandi ef ESB-viðræðum verður slitið.

[Jónas Kristjánsson (IP-tala skráð) 19.9.2014 kl. 09:51]

"Eru menn búnir að gleyma öllum skýrslunum sem skrifaðar hafa verið um spillingu í ESB-löndunum??"

Telja talsmenn Heimssýnar að spillingin í EES löndunum stafi af EES? Það var auðvitað enginn spilling á Ítalíu og Grikklandi áður en þessi lönd gengu í EES.

[Valdimar Samúelsson, 19.9.2014 kl. 11:18]

Er ekki mergur málsins að finna út hverjir þiggja laun úr áróðurs sjóðum ESB. Samkvæmt lögum verða menn að gefa upp laun í hvaða formi sem þau eru þ.e. hlunnindi og annað. Er ''kannski'' t.d. Egill Helgason einn þeirra. Það á að vera hægt að knýja þetta út frá Evrópustofunni þ.e. áður en hún var lögð í hendur verktaka og líklega hefir verið átæða fyrir því að það var gert. Kannski yfirhylming.

[Haukur Kristinsson (IP-tala skráð) 19.9.2014 kl. 12:46]

Krónan er uppspretta meiri spillingar en flestir gera sér grein fyrir.

Það er enginn maður með mönnum í elítunni fyrir sunnan, nema hann eigi "bank account" erlendis. Annars bara ræfill sko. Órúlegustu furðufuglar eru í þeim hópi.

Hvað haldið þið að íslensku bankarnir, t.d. í Lux hafi verið að bralla? Eðlilega vilja framsjallar ekki að ríkisskattstjóri festi kaup á upplýsingum um bankareikninga innbyggjara í útlandinu. Eðlilega. Hver vill sjá sitt eigið nafn, eiginkonunnar eða frænda á slíkum lista?

Satt að segja er Ísland "durch und durch korrupt".

[Heimssýn, 19.9.2014 kl. 13:00]

Kæri Jónas. Í setningunni sem þú vitnar til, og er eiginlega aukaatriði í þessari umræðu, er brugðist við þeirri fullyrðingu ESB-aðildarsinna að spilling muni minnka hér á landi með aðild að ESB. Ekki er munað betur en að ýmsar upplýsingar bendi til að hér á landi sé spilling almennt minni en víða í Evrópu. Jafnframt hefur komið fram í fréttum að margar Evrópuþjóðir í ESB hafi enn talsverðar áhyggjur af spillingu í heimalandi sínu þrátt fyrir ára- eða áratugalanga aðild að ESB og forverum þess. Í meðfylgjandi skýrslu (sjá tengil að neðan) kemur m.a. fram það mat að kostnaður vegna spillingar í ESB-löndunum sé um 120 milljarðar evra á ári eða sem svarar tæplega tuttugu þúsund milljörðum íslenskra króna. Vitanlega er þetta hlutfallslega mismikið eftir löndum eins og þú bendir á. Frægt er þegar fyrrverandi heilbrigðisframkvæmdastjór ESB, John Dalli, var fyrir fáeinum árum sakaður um að hafa látið hlaupadreng sinn bjóða sænskum tóbaksframleiðendum á munntóbaki að lögum yrði breytt til að Svíarnir gætu flutt út snusið sitt til annarra landa - gegn því að fyrirtækið greiddi umtalsverða fjárhæð í "þóknun". Auðvitað var gott hjá Barroso að reka slíkan mann úr embætti, en dæmið og tölurnar úr meðfylgjandi skýrslu sýna að þrátt fyrir góð fyrirheit er spilling alvarlegt vandamál í ESB-ríkjunum og í ESB-stjórnkerfinu.

Sjá skýrsluna hér:

http://ec.europa.eu/dgs/home-affairs/what-we-do/policies/organized-crime-and-human-trafficking/corruption/index_en.htm

[Ómar Bjarki Kristjánsson, 19.9.2014 kl. 13:06]

Miðað við spillinu LÍÚ-klíkunnar og framsjallagreifa - þá er spilling í ESB núll.

[Ásmundur (IP-tala skráð) 19.9.2014 kl. 14:30]

Ég gerði grein fyrir því í fyrri athugasemd minni hvernig mikil spilling fylgir því að vera með krónu sem gjaldmiðil, hvernig hinir betur settu spiluðu á gengið og högnuðust á kostnað almennings.

Samt sem áður telur Heimssýn að það sé furðulegt að tala um að spilling minnki með ESB-aðild og upptöku evru þegar ekki er lengur hægt að spila á gengið.

En spillingin minnkar einnig af öðrum ástæðum. Lög og reglur ESB og eftirlit draga verulega úr möguleikum á klíkuskap og ýmis konar geðþóttamismunun af hálfu stjórnvalda.

Hvort meiri spilling sé í ESB-löndum í dag en á Íslandi skiptir engu máli í þessu sambandi enda hafa engin rök verið færð fyrir því að með ESB-aðild og upptöku evru færist spilling frá ESB til Íslands.

Annars mælast mörg ESB-lönd með minni spillingu en Ísland skv mælingum Transperancy International. Þetta eru öll hin Norðurlöndin, Holland og Lúxemborg.

Spilling mun sem sagt óhjákvæmilega minnka með ESB-aðild á vissum sviðum án þess að neitt bendi til að hún aukist á öðrum sviðum.

[Elle_, 19.9.2014 kl. 15:49]

Hvað er orðið langt síðan efnahagsreikningar þeirra voru stimplaðir?  Svo snýst fullveldið ekki fyrst og fremst um peninga, eins og Ásmundur lætur.  Og kemur þjóðrembu ekkert við.  Það vilja bara ekkert allir vera undir stjórn þessara velda.