Margs konar gengi á evrunni?

ESB-aðildarsinnar tifa stöðugt á því að með evru yrði verð hið sama í evrulöndunum og reyndar vextir einnig. Annað hefur nú rækilega komið á daginn. Íslendingur á ferð í Þýskalandi tók eftir því að vara var merkt með ákaflega mismunandi verði eftir því í hvaða evrulandi hún yrði seld.

Alls munar um 25% á hæsta og lægsta verðinu á þessari vöru. Mismunandi skattar skýra hér muninn að einhverju leyti. Alvarlegasti munurinn á vöruverði í evrulöndunum stafar hins vegar af mismunandi árangri landanna í baráttunni við verðbólguna. Þar hefur Þjóðverjum tekist best upp (athugið að velja þarf myndbirtingu frá árinu 2001 þegar evran var tekin upp til að sjá þetta betur). Fyrir vikið hafa þeir unnið samkeppnina á útflutningsmörkuðum innan evrusvæðisins, þeir selja miklu meira en aðrir og útflutningsiðnaðurinn hjá Þjóðverjum hefur skilað þeim miklum viðskiptaafgangi og eignaaukningu, auk aukinnar atvinnu. Í samkeppnislöndunum, þ.e. á Ítalíu, Spáni, Grikklandi  (sama hér; velja myndbirtingu frá árinu 2001 þegar evran var tekin upp) og í Frakklandi hefur niðurstaðan orðið þveröfug, þ.e. viðskiptahalli, skuldasöfnun og atvinnuleysi - auk reyndar verri stöðu ríkisfjármála. Það er nú afleiðing evrunnar.

Áður hefur oft verið fjallað um mikinn vaxtamun á smásölumarkaði á evrusvæðinu og er því þess vegna sleppt hér að sinni. 

 

Hér sýnir bláa ferlið afganginn og eignasöfnunina í Þýskalandi sem evran hefur valdið. 

 

 

Og hér sýna neikvæðu tölurnar viðskiptahallann og eignabrunann sem evran hefur valdið á Spáni:

 

Athugasemdir

[Jos.T. (IP-tala skráð) 23.10.2014 kl. 10:35]

Alls munar um 25% á hæsta og lægsta verðinu á þessari vöru." Reyndar þarf lægsta varan að hækka um 19% til að ná þeirri hæstu eða sú hæsta að lækka um 16% til að ná þeirri lægstu.

"ESB-aðildarsinnar tifa stöðugt á því að með evru yrði verð hið sama í evrulöndunum og reyndar vextir einnig." Sem er svar þeirra við fullyrðingum ESB aðildar andstæðinga um að við inngöngu mundi starfsmannaþörf Íslenskra fyrirtækja minnka mjög mikið og því yrði hér alvarlegt atvinnuleysi. --Það er auðvelt að umorða hlutina, gera fólki upp skoðanir og alhæfa. Sérstaklega þegar áróðursgildið hefur forgang umfram sannleiksgildið.

[Heimssýn, 23.10.2014 kl. 10:42]

Ertu búinn að gleyma barnaskólastærðfræðinni, Jos. Ef þú tekur þýska verðið og hækkar það um 19% nærðu ekki hæsta verðinu. Þú ert líklega að líta skakkt á töfluna :-)

[Kolbrún Hilmars, 23.10.2014 kl. 16:18]

Takk fyrir að vitna í mig, Heimssýn. 

Ekki var ég beint í verslunarferð, en kíkti aðeins í búðirnar og keypti sitt lítið af hverju (í hófi) auk matvöru og þjónustu.  En vissulega kom margt mér á óvart frá því að gamla góða þýska markinu var kastað fyrir róða.  Sérstaklega þetta með hin aðskiljanlegu evru-verð á verðmiðum í verslunum.   Það er afar misjafnt hverra þjóða verð eru tiltekin þar til samanburðar, en eitt eiga allir verðmiðar sameiginlegt; í Þýskalandi er ALLTAF lægsta vöruverðið!

[Gunnar Heiðarsson, 23.10.2014 kl. 20:30]

Enn skýrari verður þróunin, annars vegar milli Þýskaland og hins vegar Ítalíu, Spánar, Grikklands og Frakklands, ef farið er aftar í tímann, þ.e. fyrir tíma evrunnar. Þó sést enn betur hver gróði Þjóðverja af þessari mynnt er og hvaðan sá gróði er tekinn.

[Gunnar Heiðarsson, 23.10.2014 kl. 20:31]

[Gunnar Heiðarsson, 23.10.2014 kl. 20:32]

[Gunnar Heiðarsson, 23.10.2014 kl. 20:33]

[Gunnar Heiðarsson, 23.10.2014 kl. 20:35]

Athyglisvert, ekki satt?

[Heimssýn, 24.10.2014 kl. 09:23]

Takk, Kolbrún og Gunnar, fyrir ábendingarnar.