Skeflilegt ef Ísland hefði verið í ESB

Ísland hefði getað orðið gjaldþrota hefði það verið aðili að ESB í hruninu. Þá hefðu skattgreiðendur á Íslandi verið þvingaðir til að taka á sig einkaskuldir bankanna líkt og á Grikklandi og Írlandi. Þetta segir Sigmundur Davíð Gunnlaugsson í viðtali við erlenda vefinn politico.eu en Eyjan endurbirtir. Atvinnuleysi á Írlandi er nú um 10% en um 25% á Grikklandi.

Athugasemdir

[Helgi Jónsson (IP-tala skráð) 3.11.2015 kl. 08:53]

Hér sjáum við dæmi um sögufölsun og áróður "EINANGRUNARSINNA".

En eitt er ljóst, ef Ísland hefði verið í ESB og með evru þá hefði það aldrei lent í þeim hremmingum sem það lenti í 2008.

[Heimssýn, 3.11.2015 kl. 12:09]

Helgi: Það er söguleg staðreynd að ESB og aðildarríki þess kröfðust þess að skattborgarar tækju á sig byrðarnar þar sem þau höfðu afl til, eins og á Írlandi, eða reyndu að þvinga það fram í samningum, eins og gagnvart Íslandi, að skattborgarar tækju á sig skuldir einkabanka. Það er líka söguleg staðreynd að ef Ísland hefði ekki undirgengist reglur ESB sem giltu á evrópska efnahagssvæðinu hefðu bankarnir aldrei getað þanist út erlendis eins og þeir gerðu. Fjármálaáfallið var því stærra á Íslandi vegna hinna evrópsku reglna. Hefði ESB auk þess haft aukið tilskipanavald hér á landi eins og á Írlandi hefði ástandið orðið hér skelfilegt, rétt eins og forsætisráðherra er að benda á. Þú ert hvattur til að kynna þér málin af gaumgæfni og ekki hlaupa fram að óathuguðu máli með ómálefnalegar fullyrðingar af því tagi sem þú gerir þig beran að hér að ofan.