Meirihluti Norðmanna vill segja upp EES-samningnum

Samkvæmt niðurstöðu skoðanakönnunar sem norska ríkisútvarpið birtir í dag vilja fleiri Norðmenn segja upp EES-samningnum en þeir sem vilja það ekki. Samtals vilja 40% aðspurðra Norðmanna segja samningnum upp en 35% eru á móti. Fjórðungur Norðmanna er ekki viss.

Norska ríkisútvarpið greinir frá því að þrír flokkar í Stórþinginu vilji segja samningnum upp en enn eru stærstu flokkarnir tveir, Hægri og Jafnaðarmenn, á móti.

Þessar niðurstöður eru taldar til marks um að umræðan um útgöngu Noregs úr EES verði ofar á dagskrá þjóðmála- og stjórnmálaumræðu í Noregi á næstunni. Þingkosningar eru í Noregi á mánudag, 11. september.

Sjá nánar hér. 

Athugasemdir

[Haukur Kristinsson (IP-tala skráð) 7.9.2017 kl. 14:56]

“Bör Norge forhandle fram en ny EÖS-avtale med EU?”

Fjallaði ekki spurningin um nýjan EES samning, en ekki uppsögn?

Eða misskildi ég spuninguna? HK

 

[Heimssýn, 8.9.2017 kl. 17:47]

Það er alveg ljóst að meirihluti Norðmanna vill ekki þann samning sem í gildi er. Það er vaxandi óánægja með EES-samninginn. Það er líklega stóra fréttin í þessu, með meirihlutann sem vill ekki þennan samning. Að því sögðu er það alveg rétt að spurningin í könnuninni er eins og Hörður nefnir. Það er líka athyglisvert að kratarnir með Störe i fararbroddi eru tilbúnir að skoða aðrar útfærslur þótt þeir séu ekki tilbúnir að segja samningnum upp.

[Jóhann Kristinsson, 9.9.2017 kl. 01:20]

Hvernig væri að Íslendingar væru í samfloti með Norðmönnum. Það væri það bezta sem getur verið gert fyrir Ísland.

Kveðja frá Houston