Hriktir í evrunni vegna stjórnarkreppu í Þýskalandi

Eins og meðfylgjandi frétt Morgunblaðsins ber með sér titrar evran nú og lækkar gengi hennar þegar Merkel hefur siglt stjórnarmyndunarviðræðum í strand. Verð á hlutabréfum hefur einnig lækkað og fréttamiðlar fjalla um að evran muni sveiflast meira vegna þessarar óvissu um stjórnarmyndun í öðru helsta móðurlandi evrunnar. Meginspurningin núna er: Mun evran þola fall Merkel?

Evran lækkar í kjölfar viðræðuslita

Athugasemdir

[Hörður Arnarson (IP-tala skráð) 21.11.2017 kl. 09:16]

Eftir látlausar spár um fall evruna sl 9 ára þá fær maður heimskuhroll við svona frétt. Fólk með heila fer einfaldlega og skoðar stöðu evru gagnvart öðrum gjaldmiðlum og þá kemur í ljós að evran styrkist gagnvart dollar í gær. :-) 

[Heimssýn, 21.11.2017 kl. 12:10]

Það er eins verið að vitna til frétta stórra erlendra fréttaveitna á borð við Reuters og Financial Times sem tala um auknar sveiflur í gengi evrunnar vegna ástandsins í Þýskalandi og þess að það eru talsverðar áhyggjur um þróun evrunnar framvegis vegna þessa. Svo má bæta því við að það er ekki aðeins gengi gjaldmiðils sem mælir hvernig hann nýtist þeim sem hann þurfa að nota heldur hvaða afleiðingar hann hefur fyrir kjör fólks í viðkomandi löndum. Evran hefur átt verulegan þátt í að soga verðmæti úr suðurríkjum evrunnar til Þýskalands og annarra ríkja. Það sér hver sem skoðar þróun mála síðustu tvo áratugina.

Sjá:

https://www.reuters.com/article/uk-global-forex/dollar-rises-as-euro-drops-after-germany-fails-to-form-coalition-idUSKBN1DK030

https://www.ft.com/content/362787d8-cda4-11e7-9dbb-291a884dd8c6 

[Hörður Arnarson (IP-tala skráð) 21.11.2017 kl. 18:52]

Þið hjá Heimsýn hafið aldrei verið með hlutlausar fréttir um þetta efni. :-) Það hriktir í evrunni. . . . Væri gott ef þessi andlausi vefur tæki saman alla þá umræðu sem hún hefur haft um evruna á sl. 9 árum. Ekkert að marka og endalaus neikvæð umræða. Flestir íbúar suður evrópu eru ósammála ykkur. Þeir muna hvernig Pesetinn, líran og Escoudosinn höguðu sér fyrir tíma evrunar. Evran hefur staðið vörð um eignir fólks, sér í lagi í suðurríkjunum eins þið viljið kalla suður evrópu. Þetta skáletra hér að neðan færir engar frekari upplýsingar um að fjármagn hafi sogast frá Suður Evrópu til Þýskalands og á við engin rök að styðjast. Farið nú að þroskast.

Evran hefur átt verulegan þátt í að soga verðmæti úr suðurríkjum evrunnar til Þýskalands og annarra ríkja. Það sér hver sem skoðar þróun mála síðustu tvo áratugina.

[Heimssýn, 22.11.2017 kl. 17:43]

Það er greinilega erfitt að ræða við það sem neita að viðurkenna staðreyndir, t.d. þær að samkeppnisstaða Þýskalands hefur batnað verulega gagnvart t.d. Spáni, Frakklandi og Ítalíu þar sem Þýskaland gat haldið verðlagi og þar með útflutningsverðþróun undir því sem gerðist í nágrannalöndunum og fyrir vikið varð viðskiptaafgangur mikill í Þýskalandi en uppsafnaður halli í öðrum löndum. Afleiðingin varð atvinnuleysi í jaðarlöndunum en eignasöfnum í Þýskalandi. Það er bara spurning um að lesa sér aðeins til Hörður - nokkurra mínútna leit á vefnum sýnir þetta - en fleira mætti finna og við höfum oft áður skrifað um þetta hér:

https://www.express.co.uk/comment/expresscomment/762502/rigged-euro-germany-unfair-advantage-greece-portugal-spain-debt-financial-crisis

http://www.nytimes.com/2012/02/17/business/global/the-rest-of-europe-vs-germany.html 

http://fortune.com/2014/10/22/why-germany-is-the-eurozones-biggest-free-rider/