Villimannafélagið

Á meginlandi Evrópu drepa menn nú hverjir aðra af kappi.  Það er ekki í fyrsta sinn og ástæða er til að óttast að það verði ekki heldur í það síðasta.  Stundum er látið eins og að baki standi tveir eða örfáir brjálæðingar sem ráði öllu.  Auðvitað er það ekki þannig.  Fjöldi evrópskra ríkisstjórna dælir viðstöðulaust olíu á eldinn og margt bendir til þess að það sé með dyggum stuðningi almennings í viðkomandi löndum.   

Ekki verður of oft rifjað upp að farsælast er fyrir Íslendinga að gæta þess að binda trúss sitt ekki við svona samfélög.

Athugasemdir

[Þorsteinn Briem, 31.8.2022 kl. 01:20]

Rússar undir stjórn Pútíns réðust inn í Úkraínu, sjálfstætt og fullvalda ríki, frá Rússlandi og Hvíta-Rússlandi og lögðu stóran hluta Úkraínu undir sig.

Úkraínumenn náðu hins vegar að hrekja Rússa frá norðurhluta Úkraínu og eru nú byrjaðir á að hrekja þá frá suðurhlutanum, þrátt fyrir að rússneski herinn sé miklu stærri en sá úkraínski.

Það er rétt að Rússar haga sér eins og villimenn í þessu stríði og Úkraína er ekki hluti af Rússlandi, eins og margir Rússar og aftaníossar þeirra hér á Íslandi virðast halda.

Það er því ekki að ástæðulausu að NATO-ríkin, sem eiga landmæri að Rússlandi, Hvíta-Rússlandi og Úkraínu, óttist innrás Rússa í þessi ríki.

Og grundvallarregla NATO er einn fyrir alla og allir fyrir einn.

Finnland og Svíþjóð hafa því sótt um aðild að NATO.

En NATO-ríkin hafa engan áhuga á að ráðast á Rússland og það vita Rússar að sjálfsögðu mætavel.

Og með því að aðstoða Úkraínu við að hrekja rússneska herinn frá landinu eru NATO-ríkin að sjálfsögðu ekki að ráðast á Rússland.

Ísland er eitt af stofnríkjum NATO og mikill meirihluti Íslendinga styður samkvæmt skoðanakönnunum aðild Íslands að þessu bandalagi 30 ríkja í Norður-Ameríku og Evrópu.

Og Vinstri grænir eru eini þingflokkurinn á Alþingi sem ekki styður aðild Íslands að NATO.

Gjörspilltir öfgahægrikarlar stjórna nú Rússlandi og þessi rumpulýður heldur því fram að Úkraínu sé stjórnað af nasistum með gyðing við stjórnvölinn, forseta Úkraínu.

Her Rússa er einnig gjörspilltur, myrðir almenna borgara í Úkraínu í stórum stíl, nauðgar þeim, sprengir íbúðarhús þeirra í tætlur og stelur frá þeim.

Hagar sér því að öllu leyti eins og nasistaher Hitlers.

Allt með mikilli velþóknun mörlenskra öfgahægrikarla og -kerlinga, stuðningsmanna Pútíns.

[Theódór Norðkvist, 31.8.2022 kl. 19:02]

Sammála Þorsteini að mestu, nema ég held að Pútín sé frekar vinstri en hægri.