Hindrar samningur um frjálsa verslun frjálsa verslun?

Hjörtur J. Guðmundsson skrifar í Morgunblaðið í dag um hvernig EES-samningurinn leggur stein í götu frjálsrar verslunar við útlönd. 

Margt bendir til að Íslendingum farnist best þegar verslun er frjáls.  Hér verður því ekki hjá því komist að staldra við og hugsa sinn gang.

Það gerir Hjörtur og bendir á leið:

 Hins vegar er leið út úr þessum aðstæðum, víðtækur fríverzlunarsamningur við Evrópusambandið. Leið sem ríki heimsins fara allajafna þegar samið er um milliríkjaviðskipti og felur, ólíkt EES-samningnum, ekki í sér vaxandi framsal valds yfir eigin málum og vaxandi hindranir í vegi viðskipta við aðra heimshluta.

http://fullveldi.is/?p=1531

Athugasemdir

[Þorsteinn Briem, 11.10.2022 kl. 13:12]

Enginn stjórnmálaflokkur á Alþingi vill segja upp aðild Íslands að Evrópska efnahagssvæðinu (EES), ekki einu sinni Flokkur fólksins eða Miðflokkurinn.

Á Evrópska efnahagssvæðinu eru Evrópusambandsríkin, Ísland, Noregur og Liechtenstein og í EFTA eru Ísland, Noregur, Sviss og Liechtenstein.

"Fjórfrelsið gildir á öllu Evrópska efnahagssvæðinu en það felur í sér frjáls vöru- og þjónustuviðskipti, frjálsa fjármagnsflutninga og sameiginlegan vinnumarkað.

Að auki kveður samningurinn um Evrópska efnahagssvæðið á um samvinnu ríkjanna á svæðinu í til dæmis félagsmálum, jafnréttismálum, neytendamálum, umhverfismálum, menntamálum og vísinda- og tæknimálum."

Við Íslendingar eigum langmest viðskipti við Evrópska efnahagssvæðið, ferðumst aðallega þangað og flestir Íslendingar í námi eða vinnu erlendis stunda þar nám eða vinnu.

Við seljum til að mynda ál sem notað er í bifreiðar í Evrópusambandsríkjunum og þau greiða hæsta verðið fyrir íslenskar sjávarafurðir.

Og hér á Íslandi dvelja fjölmargir ferðamenn frá Bandaríkjunum og Bretlandi, enda þótt Ísland sé á Evrópska efnahagssvæðinu, eins og fleiri vinsæl ferðamannalönd, til að mynda Spánn og Frakkland.