Fullveldið og íslenskan

Ármann Jakobsson heitir formaður Íslenskrar málnefndar.  Hann telur fullveldi Íslands greinilega mikils virði og ræðir málið með hliðsjón af íslenskukennslu fyrir innflytjendur.  Hann segir:

Þar með er sjálfstæði Íslands auðvitað ógnað því að ef íslensk tunga og íslensk menning hverfur fækkar mjög rökunum fyrir því að þessi fámenna þjóð sé sjálfstæð. Hér fer því ótvírætt mesta ógn sem hefur stafað að sjálfstæði Íslands seinustu áratugi.

Þegar horft er til annarra Evrópulanda opinberast að á Íslandi er pottur brotinn í þessum málum.  Í öðrum löndum sem vinsælt er að nota til samanburðar þykir nefnilega fjarri því sjálfsagt að ávarpa ókunnuga á ensku ef þeir líta öðruvísi út en algengast er.

Það verður vonandi mikill samhljómur í samræðum um þetta mál í næstu fjölskylduboðum formannsins.

 

https://www.visir.is/g/20222326428d/tungu-malid-er-lykillinn-ad-full-veldinu

Athugasemdir

[Þorsteinn Briem, 19.10.2022 kl. 23:56]

Austurríki er sjálfstætt ríki en þar er töluð þýska.

Í Færeyjum er töluð færeyska en Færeyjar eru ekki sjálfstætt ríki.

Og á Indlandi, sem er sjálfstætt ríki, eru töluð fjölmörg tungumál.

Ef marka má samfélagsmiðla eru Íslendingar almennt mjög lélegir í þeirri íslensku sem kennd er í skólum.

Málskilningur er lélegur, orð eru vitlaust beygð og stafsetningin hroðaleg.

Þetta á einnig við um blaðamenn og fréttamenn og undirritaður hefur oft beðið fréttamenn RÚV um að laga það sem þeir hafa skrifað á rúv.is.

Alma Ómarsdóttir skrifaði til að mynda "fés" í staðinn fyrir "fjár".

Ef biðja ætti blaðamenn á mbl.is um að laga það sem þeir skrifa væri það hins vegar full vinna á hverjum degi.

Það væri kjánalegt ef þeir sem eru lélegir í stærðfræði kvörtuðu yfir því að aðrir séu lélegir í stærðfræði og það sama á við um íslenskuna.

[Ingólfur Sigurðsson, 20.10.2022 kl. 14:19]

Að bera saman íslenzku og stærðfræði er ekki það sama. Formaður íslenzku málnefndarinnar veit þetta og rökstyður þegar hann talar um að þetta ógni sjálfstæðinu. Í Frakklandi og Þýzkalandi er mjög mikil áherzla á að halda málinu hreinu sérstaklega vegna innflytjendastraums. Samt eru þessi ríki aðalríkin í ESB. Þar er barnaefni talsett á þjóðtungurnar og jafnvel kvikmyndir fyrir fullorðna.

Það væri alveg útí hött fyrir Ísland sem er viðkvæmara og smærra málsvæði en Frakkland og Þýzkaland að krefjast ekki þess sama af sínu fólki, innfluttu eða innfæddu.

[Helga Kristjánsdóttir, 20.10.2022 kl. 18:13]

Akkurat Ingólfur,enda vísar íslenskan svo nákvæmlega í ritháttinn með því að læra stofn NO(nafnorða LO(lýsingarorða) og sagnorða,sem eitt og sér.Minni þar á hve margir góðir skrifa (hæðstur) en skal vera hæstur þar sem stofn LO finnst í  KVK NF(nefnifalli)eintölu.'eg get vel skilið hvað það þvælist fyrir manni 'HÆÐ-en það á ekki við Því hún er há---ekkert ð í há...eitt af því sem enn situr enn í kollinum. 

[Alfreð K, 21.10.2022 kl. 00:12]

Ég heyri mjög oft (vel) fullorðið fólk bera fram „hæðstur“ og „stæðstur“.  Mjög sérkennilegt.  Einnig heyri ég fullorðið fólk segja „þeim langar“, „henni vantar“ o.s.frv.

Svo fjölgar enskuslettum á ógnarhraða:  Nú er algengt að heyra talað um „ströggl“ í (íþrótta)fréttum, að menn „ströggli“ (í stað þess að strita, rembast), fólk talar um að „fókusa“ og setja „fókus“ á eitthvað (í stað þess að einblína á eitthvað), einn þaulreyndur fréttamaður á ríkisútvarpinu í gær spurði viðmælanda sinn um „trafíkina“.  Hvar verður íslenzkan stödd eiginlega innan fáeinna áratuga?