Segir Lettland verða gjaldþrota í júní að óbreyttu

Evrópusambandsríkið Lettland verður gjaldþrota í júní takist þarlendum stjórnvöldum ekki að skera niður ríkisútgjöld eins og Alþjóðagjaldeyrissjóðurinn (AGS) krefst. Þetta hefur Bloomberg fréttaveitan eftir Valdis Dombrovskis, verðandi forsætisráðherra landsins. Lettar fengu í desember sl. alþjóðlega aðstoð undir forystu AGS upp á 7,5 miljarða evra.

Sjá nánar á nýrri heimasíðu Heimssýnar www.heimssyn.is.

Frambjóðendur sjálfstæðismanna í Reykjavík og afstaðan til Evrópumála

Hjörtur J. Guðmundsson fjallar í dag á bloggsíðu sinni um afstöðu frambjóðenda í prófkjöri sjálfstæðismanna í Reykjavík til Evrópumála og birtir lista yfir afstöðu þeirra sem byggður er á úttekt sem gerð var af Vilborgu Hansen. Samkvæmt listanum eru samtals 16 af 29 frambjóðendum andvígir því að sótt verði um inngöngu í Evrópusambandið og þrír til viðbótar sem telja það ekki tímabært.

Sjá nánar á nýrri heimasíðu Heimssýnar www.heimssyn.is.

Efnahagslögsögur Íslands og ESB

Í Morgunblaðinu í dag birtist grein eftir Pál Bergþórsson, fyrrum veðurstofustjóra, þar sem hann minnti á þann gríðarlega mun sem er á efnahagslögsögu Íslands annars vegar og efnahagslögsögu Evrópusambandsins hins vegar og hversu stóran spón úr aski sínum Íslendingar myndu missa í þeim efnum ef Ísland yrði gert að hluta af sambandinu.

Sjá nánar á nýrri heimasíðu Heimssýnar www.heimssyn.is.

Segir Svía þurfa að skera verulega niður fiskiskipaflota sinn

Ríkisútvarpið greindi frá því í gær að sænska Fiskistofan vildi láta farga 40% þeirra báta sem stundar þorskveiðar frá vesturströnd Svíþjóðar og láta ríkið greiða eigendunum bætur. Ástæða þess er sú að Evrópusambandið hefur ár eftir ár minnkað þorskkvótana í Norðursjó, Kattegat og Skagerak vegna slæmrar stöðu fiskistofna á þessum hafsvæðum.

Sjá nánar á nýrri heimasíðu Heimssýnar www.heimssyn.is.

Engin styttri leið í boði vegna upptöku evru

Fjármálaráðherrar evruríkjanna höfnuðu á fundi í gærkvöld hugmyndum um að dregið yrði úr skilmálum sem ríki þurfa að uppfylla til að geta tekið upp evruna þannig að efnahagslega illa stödd Evrópusambandsríki í Austur-Evrópu gætu orðið aðilar að evrusvæðinu fyrr en ella.

Sjá nánar á nýrri heimasíðu Heimssýnar www.heimssyn.is.

Meirihluti Íslendinga andvígur inngöngu í Evrópusambandið

Meirihluti Íslendinga er andvígur því að Íslandi gangi í Evrópusambandið ef marka má nýja skoðanakönnun sem Gallup gerði fyrir Samtök iðnaðarins. Samtals vilja 39,7% ganga í sambandið á meðan 45,5% eru því andvíg. Á sama tíma vill meirihluti hefja viðræður um inngöngu í Evrópusambandið eða 64% en tæpur þriðjungur er því mótfallinn.

Sjá nánar á nýrri heimasíðu Heimssýnar www.heimssyn.is.

Viðtal Ríkissjónvarpsins við Kenneth Rogoff

Bogi Ágústsson ræddi á dögunum við Kenneth Rogoff, prófessor í hagfræði við Harvard háskóla, í þættinum Viðtalið. Þar sagði Rogoff m.a. að Íslendingar gætu þakkað fyrir að hafa ekki verið með evru sem gjaldmiðil þegar bankahrunið átti sér stað, það hefði þýtt að ástandið hefði orðið mun verra, og að taka upp evru í miðri efnahagskrísunni jafngilti efnahagslegu sjálfsmorði.

Sjá nánar á nýrri heimasíðu Heimssýnar www.heimssyn.is.

Hagmunum Evrópusambandsins ógnað af nýrri gasdeilu

Hjörtur J. Guðmundsson, stjórnarmaður í Heimssýn, fjallaði á bloggsíðu sinni í gær um enn eina gasdeiluna sem er í uppsiglingu á milli Rússa og Úkraínumanna og sem fyrr ógnar hagsmunum Evrópusambandsins en sambandið er mjög háð rússnesku gasi sem flutt er til ríkja þess í gegnum Úkraínu.

Sjá nánar á nýrri heimasíðu Heimssýnar www.heimssyn.is. 

Bændur einhuga gegn inngöngu í Evrópusambandið

Bændaþingi lauk í dag og voru Evrópumál meðal þeirra mála sem rædd voru. Skemmst er frá því að segja að bændur eru sem fyrr einhuga í andstöðu sinni gengn því að sótt verði um inngöngu í Evrópusambandið eins og fram kemur á vefsíðu Bændasamtakanna.

Sjá nánar á nýrri heimasíðu Heimssýnar www.heimssyn.is.

Írar í miklum efnahagsþrengingum þrátt fyrir evru

Hjörleifur Guttormsson, fyrrverandi þingmaður og ráðherra, fjallaði nýverið á bloggsíðu sinni um þær miklu efnahagsþrengingar sem til staðar eru á Írlandi og það þrátt fyrir að þeir séu með evru sem gjaldmiðil og verið um árabil. Evran hefur ekki komið Írum til bjargar nema síður sé og að margra mati stuðlað að því að efnahagskrísan á Írlandi hafi orðið enn verri en annars hefði þurft að vera.

Sjá nánar á nýrri heimasíðu Heimssýnar www.heimssyn.is.