Efnahagsástandið hefði orðið verra á Íslandi með evru

Kenneth Rogoff, prófessor í hagfræði við Harvard-háskóla í Bandaríkjunum, segir að Íslendingar geti þakkað sínum sæla fyrir að hafa ekki verið með evru sem gjaldmiðil þegar bankarnir féllu sl. haust. Þetta kom fram í þættinum Viðtalið í Ríkissjónvarpinu í gær. Rogoff segir að það hefði verið stórslys ef Íslendingar hefðu haft evruna við hrunið því þá hefði ekki verið möguleiki á að gengið lækkaði.

Sjá nánar á nýrri heimasíðu Heimssýnar www.heimssyn.is.

Seðlabanki ESB andvígur rýmri skilyrðum fyrir upptöku evru

Seðlabanki Evrópusambandsins er andvígur því að dregið verði úr þeim skilyrðum sem sett eru fyrir því að ríki sambandsins geti tekið upp evruna sem gjaldmiðil samkvæmt því sem fram kemur í bandaríska fjármálaritinu Wall Street Journal í dag. Leiðtogar Póllands og Ungverjalands settu fram þá hugmynd á dögunum að sá tími, sem gjaldmiðlar ríkja þurfa að vera tengdir gengi evrunnar áður en hún er tekin upp, yrði styttur.

Sjá nánar á nýrri heimasíðu Heimssýnar www.heimssyn.is.

Enginn afsláttur á kröfum vegna aðildar að evrusvæðinu

Forystumenn nokkurra lykilríkja Evrópusambandsins segjast ekki hlynntir því að dregið verði úr núverandi kröfum fyrir aðild að myntbandalagi sambandsins, og þar með upptöku evru, svo illa sett Evrópusambandsríki, svo sem Pólland, Ungverjaland og Eystrasaltsríkin þrjú, geti tekið upp evruna.

Sjá nánar á nýrri heimasíðu Heimssýnar www.heimssyn.is.

Meirihluti Íslendinga andvígur umsókn um inngöngu í ESB

Meirihluti Íslendinga er andvígur því að sótt verði um inngöngu í Evrópusambandið samkvæmt niðurstöðum skoðanakönnunar fyrir Fréttablaðið og Stöð 2 og sem birtar voru í gær. Samkvæmt þeim eru 46,1% hlynnt því að sótt verði um inngöngu en 53,9% andvíg. Meirihluti kjósenda allra stjórnmálaflokka er andvígur því að sótt verði um inngöngu fyrir utan Samfylkinguna.

Sjá nánar á nýrri heimasíðu Heimssýnar www.heimssyn.is.